李家 (山林道)

營業中

休息中

呢間韓國餐廳喺香港都開咗好耐，上一次去幫襯都係好耐之前，今次再去佢嘅炸雞依然好味食炸雞我都係鍾意食有骨多啲 🤭 今次食咗粟米炸雞同蜂蜜蒜蓉炸雞，叫半半炸雞原來都好大份，可以三個人食。粟米炸雞真係有啲粟米味，好香口，食到尾仲有少少辣。蜂蜜蒜蓉炸雞就有啲甜甜辣辣嘅感覺，比起甜辣炸雞個味好似冇咁濃，但又多咗蒜頭嘅香味。炸雞都係即係叫即整，上枱嘅時候熱辣辣，配埋酸蘿蔔一齊食，即刻可以食多幾舊今次叫埋魚餅湯，好好味，有喺韓國街頭食魚餅串嘅味道。餐廳有好多卡座，坐得都幾舒服，一路食仲可以一路睇K-Pop MV，好韓風 🇰🇷

韓式party! 好耐冇食過韓國菜，難得同朋友喺屋企聚會，於是叫咗個六至八人套餐一齊share，外賣速遞熱辣辣，每樣食物都好好食、非常足料好大份！推介！希望下次有機會一齊堂食。歡聚自選6至8人套餐$1520- 套餐有得自選兩個炸雞口味，七款小食，仲有汽水，一定足夠八個人食！而且食物款式有好多，對於有選擇困難症嘅朋友來講會好煩惱。韓式炒粉絲- 我哋幾個一致都認為粉絲好好味，一啲都唔油膩，而且份量好足夠，有麻油香味。高度推介！魚餅湯- 魚餅湯相對偏鹹，湯入面有好多唔同種類嘅魚蛋，最鍾意入邊有好多芽菜仔，不過要小心，青辣椒粒都幾辣幾刺激㗎。全鰒蔘雞湯- 非常足料嘅鮑魚人蔘雞湯！新鮮鮑魚好大隻，不過我唔記得拎佢上嚟先影相，雞湯淡淡地，同糯米一齊食好夾。雞肉雞骨煲到好淋。無骨蜂蜜蒜蓉炸雞- 炸雞外層淋左，炸粉同雞肉分離，有淡淡地嘅蜂蜜味道，食唔到有蒜蓉味。雞肉肉質唔乾，唔錯。泡菜炒豬肉- 推介！無論每夾一次都會夾到豬肉片，豬肉片唔會太多肥膏，咬落去爽口，泡菜同豬肉片好夾，同粉絲、炸醬麵一齊食非常配合！海鮮炸醬麵- 炸醬麵比起炒粉絲遜色少少，味道較淡，不過份量搭救，我哋食得好開心。芝士辣雞炒年糕-

自從來自星星的你之後，炸雞熱潮冒起。我間唔中都有鋪食炸雞嘅癮，今日就決定去食炸雞好出名嘅李家過下癮！主角半半炸雞揀咗半份蜂蜜蒜蓉味，每件炸雞都被蜂蜜包裹，入口唔會太甜。雞皮即使淋有蜂蜜都唔會變軟，能夠保持香脆口感，肉質鮮嫩。而另外半份就嗌咗芝士味，雞皮包裏上香濃嘅車打芝士粉，再灑上適量嘅巴馬臣芝士粉味道有趣，比較乾爽同反而無咁膩！芝士雞蛋卷超大份，上面有蕃茄汁同蜜糖芥末醬，一切開啲芝士流出來非常邪惡，雞蛋煎得剛剛好，滑嫩唔會老！而喜歡食魚糕嘅我再叫咗份魚餅湯，份量都超大滿滿都係魚餅！魚餅切成合入口嘅大小，好夠彈牙！亦有好多大豆芽同白蘿蔔增加湯嘅鮮甜，湯頭清淡唔會死咸非常好入口，係食完咁多肉肉後嘅解膩之選！嘢食真係超大份，再次眼闊肚窄食唔哂添！

朋友介紹呢間韓國菜餐廳很好食，那我就朝一朝聖，看看有多好吃😋去到有好多卡位，有板隔住，坐得寬躺，播韓歌，正。芝士雞蛋卷 $128熱辣辣，芝士是拉絲，面頭有茄汁吊味，好味😋怪不得能成為熱門菜👍🏻芝士辣雞炒年糕 $168芝士也是拉絲，雞件切大粒狀，唔鞋口，年糕夠煙韌，我們叫小辣，很惹味😋魚餅湯 $158魚餅好似食魚蛋既味道咁，好食既，湯淡淡地味，都好飲。無骨炸雞塊(蜂蜜蒜蓉味) $138上枱時既賣相很吸引，食落更喜歡了，因為外層很脆，雞肉濕潤唔鞋口，蜜糖蒜蓉味很夠，即使我們坐了一小時，仍然暖及脆，推介👍🏻Stella Artois $58朋友覺得好飲又夠凍

講起韓國食品，除了泡菜和韓燒之外，炸雞應該是最受歡迎了，每套韓劇的男女主角都必會去炸雞店吃炸雞和啤酒🍻。李家應該算在港的老牌韓式炸雞店，今天就要了一份半半炸雞、海鮮蔥餅和魚餅湯。半半炸雞（原味&甜辣）原味的雞塊外皮酥脆不油膩，裏面的雞內嫩滑多汁；甜辣味的炸雞外層裹著一層厚厚的韓式甜辣醬，更加惹味，送啤酒一流。海鮮蔥餅，雞蛋和麵漿混合出來的蛋餅，加上鮮蝦、鮮魷魚、蜆肉和大蔥絲，蛋餅立刻鮮味無限。魚餅湯，傳統韓式魚餅，相對港式魚餅薄得多，但魚味較濃，很有韓國街頭風味。

今次係李家尖沙咀店搬左嚟山林道之後第一次幫襯，之前喺舊舖同灣仔店食過都好滿意，嚟到自然非常期待！點完餐後就會送上醃蘿蔔同千島醬生菜絲，醃蘿蔔清爽開胃又解膩，配炸雞絕對係perfect match。我地今次揀咗甜辣炸雞－甜辣醬厚厚一層包裹住每一件炸雞，作為醬汁控嘅我好鍾意，最神奇嘅係醬汁底下嘅炸雞仍然保持到脆皮，肉質嫩滑之餘有肉汁！難怪咁多人鍾意食韓式炸雞，而李家出品嘅的確係香港數一數二嘅好食又大份👍🏻除咗炸雞外芝士雞蛋卷都係我每一次食李家必點嘅－蛋卷上唧咗茄汁同芥末作調味同裝飾，切開後就會見到啲芝士流出嚟，熱辣辣食仲有拉絲效果添～另外仲嗌咗辣度兩隻辣椒嘅魚餅湯－湯入面有好幾款韓式魚糕，片狀條狀或者一粒粒都有，雖然食落味道差唔多但係口感都唔同，除咗魚糕外仲有芽菜同蘿蔔片。湯嘅辣味嚟自胡椒同青辣椒粒，幾易入口唔算好辣，食完好掛住喺韓國街頭食住魚糕串飲熱湯嘅味道呢！李家依然冇令我失望，尖沙咀店比起其他分店味道好似更出色，推介鍾意食韓式炸雞嘅朋友嚟試下呢😋

都有一排冇食韓國菜，尤其是系邪惡度爆燈嘅炸雞🤤喺香港除咗尖沙咀戈度韓國街之外，其他地區都好似吾系有特別多嘅韓國餐廳。尖沙咀「李家」喺香港都好似好耐喇，只系一直都未有機會去食🙈今次連間舖都搬咗去第2個地址，總算有機會食到喇。不過呢個地址位置都幾入，真系要突登喺OpenRice搵先會搵到。食物嘅種類都幾多！比較出名嘅系芝士雞蛋卷同埋半半炸雞，其他味道嘅炸雞其實都好吸引🤤有機會都會再去試吓。首先黎咗個魚餅湯，價錢雖然少貴，食落就覺得值嘅👍🏼裡面都有幾多魚餅！食完好滿足😍舊舊都系三角形咁，感覺好治癒。淨系食個魚餅都有少飽喇🙊然後講講啲湯，啲湯飲落都幾清，真系見吾到一滴油咁濟😳只系略嫌鹹左啲。一於試吓好多人都食嘅芝士雞蛋卷，一黎到戈陣都覺得好驚喜，有好鬼多茄汁同埋芥末醬🤤雞蛋卷都有好濃嘅蛋味，而且入面有幾層，一啲都吾姑寒👍🏼幾層入面仲有啲蛋汁滲出黎架😍勁正！連埋啲醬汁食個口感系勁豐富。一切開就見到入面有好多芝士🧀邪惡💛最後就緊系試吓喺呢度必食嘅炸雞啦。半半炸雞即系有原味同埋甜辣，想講兩隻味都好好食😍原味系炸得好脆，但食落完全吾會話好油膩，雞肉仲系熱辣辣㗎。甜辣戈款其實吾會話好辣，甜度都足夠，食落