陳根記 (已搬遷) 新店位置

原意係想去大埔新開的陳根記，但有感大埔太細、沙田未知會否續約成功，所以最後捨棄了有冷氣的大埔店，來到風味依舊、要滴汗的沙田大排擋-陳根記本店。1. wasabi手撕雞真係無得頂首推！！我地6個人所以叫左一侵雞，好入味，係會食到覺得wasabi味上埋鼻、但又唔會勁到入唔到口！好正2. 蠔餅都炸得好好、唔會皮同蠔分開、又唔會勁厚粉！好味道3.炒峴係足料，平時食炒峴一定殻多過肉，但陳根記的絕對係有好多峴肉、又無沙4.孜然骨-我個人唔食得辣，覺得係辣左少少，無咩孜然味！5. 金銀蛋浸時蔬-大路之作6. 魚香茄子煲等左好耐，但份量好小好小，我地笑言應該叫魚香茄子「碗」7. 椒鹽粟米枇杷豆腐-劣食！它絕對係陳根記的老鼠屎8. 芒果一口脆- 好出名，但食落....芒果好冰、無咩味，係炸得好脆，但覺得不食也不是損失總計：沙田陳根記本店依舊係我最愛的大排擋，期望下次食到大埔分店！

聽聞沙田陳根記因租約問題而未能績租同面臨結業 (註: 最近有報道指已成功績租至年底)，所以襯住假期約埋朋友一齊試試呢間人氣大排檔陳根記營業時間係晚上6點，我地駕車到達禾輋邨時大概5:55，驚見整個大排檔已經坐！滿！！人！！！心知不妙立即衝落車，希望仲有一兩個位剩…行左一圈好好彩揾到一張枱可以搭枱。如果再遲多幾分鐘，恐怕要等其他食客食完第一轉先會有枱。Wasabi蟹籽手撕雞(例牌)＄82食落幾有趣，比平時既手撕雞少左一份肥膩，多咗一點刺激魚香茄子煲＄62好香，d茄子入晒味豉椒炒蜆＄76個汁稠左dd, 好多蜆香煎蠔餅＄68好香脆，d蠔粒粒都好大隻芒果一口脆＄36即係炸芒果pancake，即叫即炸，外脆內冷，再加上cream，幾好食。不過甜品並唔係落單架，要親身排隊，我地排左大概半個鐘。註: 如果駕車前往，記得埋單時攞返張單，商場有泊車優惠。總結: 食物唔錯，主要食大排擋風味

以前係附近嘅大專學校返學到成日食陳根記，到而家畢咗業，加上之前網上不停傳陳根記會係3月結業，好彩最後到12月先執。(雖然好唔想佢執，希望最後可以繼續食到啦！），決定約埋幾個舊同學一齊聚舊懷念下。陳根記小菜款式多而且唔貴！去果日雖然係平日，但晚上6點開始已經好多人，依舊都有好多人嚟撐場！我哋４個人叫咗５款餸，自己寫落去落單紙到比員工就可以，其實好方便食客同員工，一舉兩得！我哋分別叫咗椒鹽九肚魚﹑WASABI手撕雞(半隻)﹑沙拉醬燒骨﹑椒絲腐乳炒通菜同魚香茄子煲。1. 椒鹽九肚魚 ($78)味道比較咸，但係椒鹽味突出入味！外面脆脆地好好食～2. WASABI手撕雞(半隻)陳根記當中最有名的菜式，手撕雞配上WASABI的味道很特別，不算太辣，但好惹味！仲有小小既魚子仔好有咬口！極力推薦，5星3. 沙拉醬燒骨 ($63)除咗wasabi 手撕雞，每次嚟到呢到一定要叫嘅一定係沙拉骨！第一，因為佢個汁好多，味道可以入埋落肉到極好食！加埋唔太油，食到Lam Lam 脷4. 椒絲腐乳炒通菜 ($50)大大碟菜！特別中意食菜嘅我表示無得輸5. 魚香茄子煲 ($60)60蚊，茄子煲加白飯一齊食會更加完美加

聞說陳根記就黎唔做，所以就相約左一班好友去個度食多次飯，懷緬下以前既美好日子。我地叫左幾個小菜同埋兩個粉麵飯。包括有椒鹽豬扒 (HKD 58)，魚香茄子煲 (HKD 58)，菠蘿咕嚕肉 (HKD 58)，時菜炒肉片 (HKD 58)，滑蛋炒蝦仁 (HKD 58)，楊洲炒飯 (HKD 58)同埋干炒牛河 (HKD 38)。椒鹽豬扒賣相唔錯，仲有青椒同紅椒，味道略帶微辣。魚香茄子煲就非常香，又足料，但略為油左少少。菠蘿咕嚕肉就賣相非常靚，又夠酸，非常好既開胃菜。滑蛋蝦仁就有好多同好大隻既蝦，啲雞蛋炒得好嫩滑。時菜肉片就有炒牛肉同埋菜心，分量都唔細。至於個牛河同炒飯，就穫氣十足，味道唔錯。

最初呢間大牌檔係Ig盛傳  個個讚  好多人爭住去食  亦都出名爆場  等位等到頸都長  好彩我哋成班好醒目  7點就殺到  但無奈已經爆場  但都係等咗3個字  就有得坐  開埋枱叫餸黎餸都係等多4個字姐   未到8點已經可以開餐😋呢度氣氛真好  好鬼死熱鬧  最啱同埋親朋戚友聚埋一齊  叫餸食飯👍感覺真好   配埋啤酒  邊食邊飲邊吹水  淨係諗已經開心都不得了  更何況身在其中👭👭👬👬第一碟黎當然係招牌菜手撕雞雞肉好滑  撕得夠碎  唔會一舊舊分唔開~正  2)孜然棒棒骨醃得好入味  肉又唔會um同硬  咬落去骨同肉好易分開  亦唔太油   令到人食完想再食  (好可惜剛好8條 每人得一條)😩3)腐皮卷腐皮炸得好鬆脆  入口同樣好爽身唔油  值得一叫4)冬蔭公湯估唔到呢到冬蔭公湯又幾夠味  又幾正呢  湯唔太夠辣  做到冬蔭公既酸  令我哋喜出望外呢其他~總括黎講~呢度炸野係正!!!  又唔油  又夠脆身  熱辣辣  約埋三五知己最適合不過~~