Hungry Korean (亞士厘道)

營業中

休息中

難得一個人去到尖沙咀又想食韓國菜，就諗到附近有間性價比高嘅餐廳Hungry Korean🇰🇷12點左右午飯時間嚟到，餐廳靜靜地得幾位客人堂食，主要以外賣為主，讓我可以好好享受獨處的時光! 😆叫左魷魚石鍋飯($50)，上到枱面熱辣辣，打完卡就迫不及待撈埋啲飯同配菜🤩呢個價錢比起其他餐廳絕對平好多，食物嘅份量比想像中多，配菜亦有唔同款，好有驚喜，性價比極高！見到其他食物都好吸引，可惜一個人食唔到咁多，下次一定要帶埋朋友仔同屋企人嚟食!😋呢兩年疫情冇得飛去韓國，喺到可以品嘗住韓國既味道😚

係尖沙咀想食韓國菜第一時間就諗到去韓國街，不過想快食嘅話都可以考慮下依一間，相信好多人都有食過Hungry Korean，未食過經過應該都認得咁iconic嘅青色舖頭😂**********<魷魚石鍋飯> $46個石鍋飯通常都係配牛肉，依個魷魚石鍋飯就比較少見，本身魷魚已撈左平時撈飯個啲辣醬，所以都好夠味，而且份量都唔少嫁！**********<韓式肥牛鐵板燒> $53另外叫左個肥牛鐵板燒配飯，依個相對上就無咁吸引，肥牛有啲碎濕濕，同埋煮得比較乾身，味道好普通🤐

係尖沙嘴行街，睇戲之前想食個quick lunch, 決定黎到Hungry Korean~魷魚石鍋飯($44)石鍋飯有四種肉類選擇，分別係雞、豬、牛同魷魚。上枱果陣熱辣辣香噴噴，入面有隻窩蛋同少少菜，將所有材料搞勻，食得!(我鍾意等一等先搞勻，因為咁先有多d飯焦lol ) 魷魚睇落好紅，以為會好辣，但其實係得辣醬既香味而無太多既辣味。蛋汁撈入飯度好好食，好清香!泡菜豬肉豆腐($50)豆腐切到一片片，暖暖地，但可惜無任何味道，得少少豆味，雖然係幾滑，但都係相對失色。辣泡菜，味道都幾辣下，不過用黎配飯食就啱啱好。豬肉切得好細好碎，但炒得係幾入味既，但如果厚切少少，食落有口感會比較好。p.s.座位有d似快餐店，而且頗逼，不過大家都係想快快手食個lunch姐;)