Hungry Korean (亞士厘道)

營業中

休息中

偶然在阿士厘道找餐廳見到有韓國菜，便叫了大醬湯飯，另外加了泡菜。 價格相宜，上菜速度算快，湯飯和湯麵都頗美味，牛肉是少許而已，但算夠食，泡菜和薯蓉可以但韓式魚糕雪得略硬。

每次去呢間餐廳最鍾意就係呢一款辣拉麵，雖然唔知係唔係用辛拉麵，但係好好食，特別係個湯底，不單只係韓式辣醬，應該都有其他調料，豬肉碎也非常入味，魚餅好正。特別係冬天個陣時食一碗，真係好滿足😌

老實講，野食係正常既，但間野service可以講係冇之餘兼差，身體原因，問拎杯熱水，一個字答你：無！只能說不可一不可再！另外份量係相當迷你，醫肚勿進！我呢度係叫左2個餐！

宜家係4月8日晚上八點，頭先我七點喺尖沙咀Hungry Korean外賣咗兩條雞肉飯卷($44/條)，佢哋嘅飯卷唔係即叫即整，而係放晒喺收銀嘅後面既架，室溫擺放。一條俾咗朋友上興趣班前食，另一條我攞咗返屋企食，喺返屋企嘅途中，朋友通知我話條飯卷味道怪怪地，叫我注意下，返到屋企一打開錫紙就聞到一陣好酸嘅臭味....因為係外賣，所以唔會咁遠水路返去換，我成條掉咗落垃圾桶，浪費咗我$88，好sad………🫠希望舖頭會見到我呢個食評，會將食物保存得好啲，注意吓食物安全！！！食物變壞成咁有啲過分！！！

撈埋碟韓式吸引力🌶️🍚👅，我嘅胃口直接被點燃！首先，嗰三小碟泡菜、薯蓉同魚餅，真係令人一試鍾情！特別係泡菜，啖啖爽口、恰到好處嘅酸辣，開胃得嚟唔踩界。就連薯蓉都滑溜得來唔甩手，做得好足料。豆腐湯喺度叫我一邊嗌熱氣一邊奀住辣，湯底嘅香濃層次飲落去真係好正！餐廳好有心機，保証唔會得個辣字頭而家底味平平。再嚟講講魷魚石鍋飯，佢嗰把拌飯功夫唔係蓋的，魷魚香脆咁絲絲分明，蔬菜爽口，各種味道就好似韓國瑜似嘅，簡直係完美哈擂台。至於韓式辣醬呢？我可係連多啲都冇加，本身拌飯已經滋味無窮，㨂齊晒喜歡嘅味道。喺個餐廳食嘅每一口都係純正韓風味，真心推介大家黎捧場！👍💯🇰🇷

走過路過，不得不試嘅泡菜湯，簡直係辣到我嘴巴痺，但就係停唔到口！今次黎到這家韓式快餐，一入門口就聞到一股香辣味，心諗：「啊哈！嚟啦！」座位都算舒服，等得我嘅牛肉石鍋飯和泡菜海鮮湯冇幾耐就送上嚟。先講講石鍋飯，啲牛肉粒粒分明，入口即溶，米飯煲到啱啱好，响脆脆，係真嘅嘩嘩聲。🍚🥢轉頭泡菜海鮮湯，湯底辣得嚟又有味，係嗰種會令你一啖接一啖嘅辣法。內裏嘅海鮮就排排站，新鮮得滯，蝦爽口、青口鮮甜、扇貝更係爽滑，只係實在希望啲海鮮可以多啲！呢個餐廳嘅氣氛都算唔錯，料理師傅手藝，我都要點個Like，吩咐～整體感覺，這家餐廳就係隱藏版大發現，飯後飲杯凍檸茶，清新爽口，仲要環保啲飲管，簡直冇得輸！下次仲想試下其他菜，睇下有無其他Surprise。👌🌶️🎉

之前成日嚟！好耐無食啦！今日行街經過，天氣熱熱地，即叫了兩條飯卷😋牛肉和魷魚，足料，好味！即叫即有，快靚正👍🏻今日趕時間，所以只叫了飯卷食，下次想再試其他食物😊

【96】用家感受，不是打手！Walk In 唔駛等，一台客。7️⃣0️⃣CP值，2023/5/14/Sun/13:14，星期日午餐時段，一人埋單(免加一)HK $74。位置在橫行，唔易搵嘅。無裝修，光猛企理，空間細，但坐得算舒服。櫃檯落單，上菜偏慢，招呼有禮，食物好味，可以一試。7️⃣0️⃣Go Choo Pork Belly韓式辣醬豬腩肉伴生椰菜絲跟飯$62，好味嘅，配菜份量多，內偏少。5️⃣0️⃣罐裝可樂$12。

🐱Lunch同朋友想食韓國菜，就食呢間好出名既Hungry Korean🇰🇷點零鐘去已經坐滿哂人～係要自行搵位坐再到cashier點餐先付款💁🏿‍♀️辣豬肉飯：$62🌕🌕🌗/5 超大碟，成坐山的椰菜豬肉配少量洋蔥🧅不過大多都係椰菜，少豬肉🐖食落係小辣多甜，似用甜醬炒😂個人認為唔岩口味🙅🏿‍♀️因為實在太甜啦，愈食愈口渴💦唔知係咪韓式辣豬肉都係呢隻味😂泡菜豬肉豆腐飯：$62🌕🌕🌖/5呢個份量冇辣豬肉飯咁多😂不過好食過辣豬肉少少😀食到鹹辣味既泡菜豬肉，正正常常啦，唔會話好好食😁值得一讚係個豆腐幾滑，唔錯😜魷魚韓式壽司：$42🌕🌕🌕/5正常的韓式壽司味道，魷魚係少少辣🦑有啲爽口👍有黃瓜、蘿蔔等配菜，冇咩特別🙂

最近追住韓劇等睇波，宵夜時間望住主角手中的豆腐鍋，你永遠無法解釋，呢種突如其來的心血來潮，到底有幾咁邪惡啊！約定去食個豆腐鍋吧！下午兩點幾，沒有特定餐廳，隨意穿梭於幾條橫街下，巧遇了這間Hungry Korean！人流不多，窗外灰濛濛落住雨，周遭氣氛有點冷清，但我依然興奮地望住個Menu！目標清晰，兩個熱辣辣的橙色熱鍋，大大碗白飯，幾款小食，還有兩杯熱薑茶！啊，對了！不得不提，個薯蓉沙律好好味呢！在對的時間遇上對的食物，幸福就係咁簡單😌- Soft tofu soup- Kimchi soup- Hot ginger citron tea x2

買左份外賣返公司食，豆腐湯飯，佢入面仲有一隻蛋一隻蝦同青口，豆腐都好多，如果一個女仔食曬成個飯真係會好飽。味道方面，個人覺得唔錯，但可以再濃味少少。不過以呢個價錢食到呢個質素已經好好。幾抵食👌🏻

當日早上已經先用OpenRice coupon撳定外賣，本來預計四點可以攞外賣，點知因為工作關係遲咗一個鐘頭先至可以行去餐廳取外賣，行到過去餐廳嘅時候已經超級肚餓😮‍💨😮‍💨而且由尖沙咀K11藝術館行去餐廳都幾遠等唔切想快啲食，我向職員詢問可唔可以喺現場食，佢哋都肯，食完終於有力氣行返去公司🥲好感動🥲食物方面，以前曾經有幫襯過其他分店但係已經有兩三年冇食過今次重新食返都係幾好味，甜甜地嘅雞肉而且又多汁，除咗距離公司地點比較遠拎外賣自取比較麻煩之外，平時可能都會再幫襯

This is a place for a quick and quiet lunch on your own. A true fast food restaurant.Don't expect it to be super delicious, the quality meets the standard, matches with its price, good value for money and I was very full with that huge bowl of rice.

This is the best korean fast food place. They have everything i usually crave. I really enjoy their kimchi tofu soup which has a distinctive korean spiciness to it. It doesn't taste like one of those places where they put chinese chilli in it. I also enjoy their kim baps, they are wrapped really well and won't fall apart easily. For this price, you really can't complain

週末經過餐厅Hungry Korean，唸起琴晚韓劇的拌飯，就忍唔住想試試。同朋友仔一齊點了份石鍋拌飯同辣年糕公仔麵。石鍋拌飯很韓國，生雞蛋撈在熱騰騰的飯裡，一啲都唔會生。辣年糕公仔麵有啲似平時自己煮飯的大亂燉，咩都擺啲，當然味道比自己煮的好味太多。下次睇完韓劇應該會掛住尼間店。