鳳城1954 (MegaBox)

營業中

休息中

一早在網上訂了位，11時多不用等位已可以入坐。今天安排了坐在窗口位，以Megabox高樓層為賣點，遠眺九龍灣的景色，心情暢快！經討論後點了7道點心，每款點心都各有特色：首先上菜的是 <<龍蝦湯鮮竹卷>>，龍蝦湯頗鮮味，鮮竹卷又是吸湯之味，入口甘香！其後的 <<黑松露野菌餃>> 及 <<鳳城水餃>> 均不錯。<<黑松露野菌餃>>香濃菇菌味再添黑松露香味。<<鳳城水餃>> 亦含大隻的蝦肉作餡料，鮮甜無比，非常足料！煎炸組合登埸！蘿蔔絲酥餅、咸水角、香芒叉燒酥都很香口。特別是叉燒酥添加了芒果蓉，非常解油膩！<<安格斯霸王>> 及 <<金藏牛肉球>>，同樣是牛肉，卻有兩種食法，非常可口！最後，以 <<鮑魚燒賣>> 作結！大顆又足料的鮑魚燒賣，為一餐「飲茶」畫上完美句號！總結：點心質素不錯！中等價位，坐位闊落舒服，窗口景氣一流！

🇭🇰鳳城1954·呢間我地之前去過兩次架啦 但係去到唔係太多人等位就係無開 係第三次先終於食到🥹我自己覺得佢啲野食都唔錯 不過佢就唔係樣樣點心都好味 大家嗌之前上網再睇下會穩陣啲🙊😈·紫砂茶壺燉螺頭湯$78 l 鳳城餃餃者$42我自己最鍾意佢個螺頭湯 雖然佢真係偏貴少少 但係佢個湯係真係超甜 超足料 而且佢係真係好夠熱 飲落去好舒服 佢入邊嘅螺頭都好大粒 好好食🥰之後食鳳城梗係要嗌佢個鳳城水餃 佢呢個都好好食 佢係超級飽滿 而且入邊嘅蝦好新鮮 成粒啪入口個感覺好正🦐🤤🤤·包羅萬有$50 l 鮑魚燒賣$52 l 吉法灌湯餃$42點心方面佢個包羅萬有其實係有綠茶奶皇包 叉燒包 同埋流沙包 佢三個包都好鬆軟 我自己幾鍾意 尤其係佢個綠茶奶皇包係真係超濃綠茶味🍵個流沙包都係真係起晒沙 食落好好味之餘唔會話太漏🤤而且我好鍾意佢一樣一件咁 可以一次過試曬😎😎之後佢個鮑魚燒賣都唔錯 佢入邊粒蝦好新鮮 而且個肉餡調得唔錯 上面嗰粒鮑魚口感都唔錯🐷最後個灌湯餃真係超級巨型 而且佢入邊都幾多料 個皮都唔會話太厚 不過我個人就唔係好鍾意佢個湯 佢飲落係似羨汁多啲既 我覺得有啲太漿口🙊🙊·一口野雞卷$78 l

上一次來係 2020年既 12月, 當時好少人, 可能因為果時係 2人限聚令, 呢一日就完全好旺場, 不過都唔使點等就有位, 始終 MegaBox 呢度食肆好多, 今次大致上都係叫返岩自己口味既點心, 而古法灌湯餃就一定唔少得, 大大隻入面有齊魚翅, 瑤柱絲, 少少豬肉, 成隻餃都係湯, 好大隻好熱, 就算點小心放落碗度, 落到去就一定爆開, 成包湯同 D 料都出哂來, 用匙慢慢食, 好好味, 皮又薄可以好滿足咁成隻食哂另外要提既就係紫砂茶壺燉螺頭, 好熱好熱, 但湯係好清好有螺頭味, 兩個人飲, 每人一定有 4小杯, 燉完既螺肉好淋而且仲有螺味今次叫左安格斯牛肉腸, 腸粉好嫩滑, 再配合埋好滑好夠味既安格斯牛肉, 加少少腸粉豉油, 回味無窮仲有就係鮑魚燒賣, 雖然無尖沙咀海港薈有三大隻, 但呢兩隻可以做到好入味, 而且唔會口, 除左放係頂既鮑魚之外, 鮑魚下面仲有隻好爽既大蝦, 好值得一試  

公公喜歡嘆一盅兩件, 今晚終於齊人陪佢老人家去酒樓嘆點心。九龍灣MegaBox鳳城1954, 就連夜晚都供應點心, 而且質素同味道都有唔錯嘅驚喜。【彩虹鮮蝦餃】HK$48與別不同嘅彩虹賣相令蝦餃更加吸引, 蝦餃脤卜卜, 皮薄餡靚, 蝦肉餡料鮮甜爽口。【鮑魚燒賣】HK$48燒賣大大粒, 混入蝦肉跟香菇餡料, 鮮味彈牙, 配上原汁原味嘅小鮑魚, 味道超正!【龍蝦湯鮮竹卷】HK$39鮮竹卷外皮索左鮮甜龍蝦湯, 卷中有蝦肉碎, 既有層次, 鮮甜更加突出。【金藏牛肉球】HK$39腐竹包住整個牛肉球, 牛肉球keep到豐富肉汁, 牛味濃郁。【1954蝦多士】HK$40多士香脆鬆化, 開邊蝦仲幾爽, 點少少沙律醬食, 味道更加提升【孔融釀蟹蓋】HK$58/個釀蟹蓋好足料, 表面焗至金黃, 有陣陣咖喱香, 仲食到一梳梳嘅鮮甜蟹肉同埋豐富層次嘅餡料, 正!【彩棉芒果布甸】HK$36/杯質地彈滑, 芒果味濃, 配上入口即溶嘅彩棉, 唔錯~

好喜歡食懷舊灌湯餃.....一想食就諗起鳳城......由於端午節假期....人流較多....好彩是2人枱較快有枱.....新式既鳳城....走年青路線.....裝修摩登又舒適.....我們2人被安排坐門口既梳化位.....超舒服....餐具亦不像一般酒樓......感覺較年青.....啜腳趾......不熱.....鹵水雞腳....不是走軟腍路線.....有點像泰式雞腳口感......金光炸炒果.....每次來都會叫.....外皮脆脆又有糯米既煙韌....配上大地魚湯！蝦肉作內餡.....好味.....彩虹鮮蝦餃.....好吸晴既外皮.....見到好開心......皮有點厚，但可接受.....蝦餃本身味道不錯.....最期待既古法灌湯餃上枱了.....平時去酒樓食既都係湯浸灌湯餃.....自從食過哩啲懷舊灌湯餃就愛上了......漲卜卜既灌湯餃.....超吸引......見到都心心眼.....😍小心翼翼咁拎起塊鐵片.....原來而家係灌湯餃同鐵片中間多了張紙.....嘩.....好正.....唔怕拎起時整穿隻餃了.......放入碗內拮開餃皮....加點醋......好香蟹肉味...

我真係好中意去飲茶架，所以男朋友一提議去飲茶，我九秒九答好呀！今日我地揀左mega box間鳳城1954，我們被安排坐望窗卡位，環境好寫意包羅萬有一次過可以試到三款包點，豬仔樣嘅係叉燒包，黃色果個係奶黃流沙包，而綠色果個就係綠茶流沙包。個人最喜歡係奶黃流沙包，食果時真係要小心d呀，因為真係好流沙同好熱！彩虹鮮蝦餃老套講句真係皮薄餡靚，裡面全部都係蝦，一點都唔吝嗇！蝦多士鳳城最出名就係蝦多士，個人覺得佢係全港最好味，每件都有成隻蝦，又唔會沾太過多粉，即叫即炸好香脆！鮑魚燒賣小鮑魚入口煙韌，燒賣餡料飽滿豐富，咬口結實。胡椒豬肚雲吞湯今次呢個胡椒豬肚湯最有驚喜！先講個湯，真係好夠味好足料，我同男朋友都飲光光！雲吞嘅餡又係勁多蝦架，以$39泥講真係勝價比高。西米焗布甸西米焗布甸係酒樓已經買少見少，甜度適中又唔膩，兩個人share剛剛好，為呢個早餐劃上完美句號。

本係叫媽咪睇下啱唔啱食，點知仔仔係門口見到豬仔形狀的包包就話要去這間。午餐時間仲有好多位，不用等，有3-4枱卡位可望風景，有特格的，但價錢頗貴即叫即整，豬仔形嘅包放上枱，仔仔已急不及待，抆隻耳仔黎食😂叫佢細細啖咬，佢唔聽，大大啖咬落去，結果裡面流心太熱，辣親咀仔炒飯有一大隻虎蝦，餘下的是海鮮配料+菠蘿，味道不錯，唔會好咸，飯可不到3-4碗鮑魚燒賣，每粒都有一隻超細的鮑魚在上面，大大舊的燒賣在下，咬口結實