影片
更多
2012-01-05
67 瀏覽
今年既慶生飯，因為食得太多野既關係，一路都懶得寫，不過這個地方真的很不錯，就寫個食評分享下。自己生日，老實不客氣既我，地方自己提議，揀左黎呢到位於101樓既爐端燒開餐。一早已經訂了枱，準時黎到，隔離左右已經坐滿，我地被安排坐靠窗果邊，個景真係無得頂，靠窗前望真係幾震撼。未開始食燒野之前，要了兩款前點，有芝士酒盜同魚乾，芝士酒盜係一口既份量，較為細份，芝士軟滑濃郁，魚腸夠幼細夠肥美夠甘香同埋夠濃郁，味道方面真係無挑剔的地方。魚乾一客有五條，燒得乾身唔過火，魚春都唔少，幾香口，適合送酒，作為前菜係一個唔錯既選擇。到是日主打爐端燒，最想食既係kinki，枱面款式大約有十多種，店員都有逐款介紹，其實好多都好吸引，第一轉就叫住幾款海鮮類試下。先黎係燒蜆，唔係講笑，都幾大隻下，因為坐係爐側，睇住師傅燒，開始都無咩特別，見師傅最後加點清酒再燒，除左有玩火既效果，原來呢下完全可以帶出個蜆味，除了鮮，仲帶點酒香，第一款就咁樣水準，確實係期待之後既款式。跟住係鮑魚，肉質同味道方面就一般，可能係出產地本身既問題，不過都有好的地方，就係切得夠厚身，多份咬口。另外旁邊個小堆內藏都真係好好食，味道濃郁，用黎送酒好
未開始食燒野之前，要了兩款前點，有芝士酒盜同魚乾，芝士酒盜係一口既份量，較為細份，芝士軟滑濃郁，魚腸夠幼細夠肥美夠甘香同埋夠濃郁，味道方面真係無挑剔的地方。魚乾一客有五條，燒得乾身唔過火，魚春都唔少，幾香口，適合送酒，作為前菜係一個唔錯既選擇。
到是日主打爐端燒，最想食既係kinki，枱面款式大約有十多種，店員都有逐款介紹，其實好多都好吸引，第一轉就叫住幾款海鮮類試下。先黎係燒蜆，唔係講笑，都幾大隻下，因為坐係爐側，睇住師傅燒，開始都無咩特別，見師傅最後加點清酒再燒，除左有玩火既效果，原來呢下完全可以帶出個蜆味，除了鮮，仲帶點酒香，第一款就咁樣水準，確實係期待之後既款式。
跟住係鮑魚，肉質同味道方面就一般，可能係出產地本身既問題，不過都有好的地方，就係切得夠厚身，多份咬口。另外旁邊個小堆內藏都真係好好食，味道濃郁，用黎送酒好唔錯。
燒蝦都有叫，本身蝦已經唔錯，大隻得黎都依然肉質鮮嫩，同埋本身燒蝦只要唔係燒過龍，都冇投訴又或者挑剔既地方，這個燒蝦都係食得滿意。
到我最想食既kinki喜之次，時令魚，今次係第二次食呢種魚，上次食係刺身，已經好驚豔。聽聞燒的會更好，所以今次都好期待係呢到試試燒既水準。肉質肥美唔油，個皮燒得乾身，外酥內嫩，係好食的，這個應該係黎這裡must eat item，因為我見枱枱都真係有叫黎食。
仲有一款係後叫既燒榮螺，榮螺切粒，入面用上湯汁再燒，螺粒爽爽的，很不錯，湯汁仲有淡淡酒香，又鮮甜又有酒香，真係食到連汁都飲埋，這款做得不錯。
食完一輪海鮮，都幾滿意。其他肉食，都試了三款，先黎係雞肉丸，雞肉丸入面有軟骨粒，肉唔係食實實，軟軟的，味道就唔算太突出，不過都可以叫做穩陣的。
另一款要了和牛串，和牛本身已經很不錯，燒得唔係太熟，火喉剛好，食落入口溶化，肉味十足，係高水準之作。我食第一舊係咩醬汁都唔要，店員介紹用果碟秘制醬汁加少少wasabi黎食，係另一個效果，個醬汁甜甜地，配埋wasabi味，效果都真係好唔錯，和牛係今餐另一個亮點。
到羊架，食左成晚，到師傅既燒功充滿信心，羊架既質素係高級超市幾十蚊一架既水準，羊食落羶味不俗，這個羊都食得過的。
亦點了一些菜類，有茄子同露荀，沒有任何添加的燒法，吃到的係最原本既味道，都幾唔錯的，不過茄子就真係少左d，只得四片。
食到尾，都係唔夠喉，點了個天婦羅試試，漿粉薄薄，炸既時候有準確，這個天婦羅蝦比燒蝦更為吸引，原來爐端燒以外水準都好唔錯。
食爐端燒，酒水少不了。今餐飲了這裡的Masu Sake Box，很純的感覺，味道清香，想點酒，這個Sake Box 都值得試試。
整體真係好滿意，食物除了kinki，燒蜆同和牛都很有水準，值得推介，服務都好唔錯，講日語店員非常熱情，可以用英文溝通，仲會教食客唔同既食法，真係好唔錯。加上鄰座有一半係外國人，不斷跟住d日本師傅狂呼，仲請飲酒，氣氛好唔錯，係好滿意的一餐，當然有人請客，要再講多次謝謝咯。
張貼
