影片
更多
2021-10-10
1145 瀏覽
無聲無息間，愉景新城開左幾間新既餐廳。梨泰院肯定係其中一間最受街坊愛戴既新餐廳。餐廳舊址係一間好左幾多年既日式料理店，以前座位感覺唔太多。可能因為裝修擺位問題，宜家睇番梨泰院既面積好似比之前大左兩三倍咁。雖然地方闊落座位多但依然日日人山人海，假日5點幾去到都接近爆哂場。.作為稱職既荃灣街坊foodie，不假思索去試一下新餐廳睇下點解日日都咁旺。裝修格局開揚，二人檯都算幾闊落唔孤寒。.甜辣炸雞半份 💲86⭐️3.8/5好想試下佢地招牌之一嘅太陽芝士雞鍋（💲248）雞款乜都有，整得好靚仲有芝士醬點。不過份量太多基本上兩個人只係能夠食一個就要收工，所以被迫放棄轉左跟隔離枱單點半份甜辣炸雞。甜辣炸雞好似好多主打韓國嘢嘅餐廳都有提供，要好味唔難，不過呢間嘅炸雞出品幾值得一讚，因為佢皮脆之餘入邊嘅雞係非常嫩滑仲留到肉汁個種。不過呢度扣咗多少分，因為佢有兩三件真係僅熟仲有少少粉紅色。雞都係全熟會比較好。.鮮人蔘雞湯 💲88⭐️3.5/5料係足，但人蔘味唔出，清清淡淡唔會令人有深印象。佢跟左兜麻油，好少叫呢款湯無人同我講麻油既用處，我仲傻下傻下倒左落湯到以為調味，諗諗下先諗到應該係俾我地點雞肉🤣🙈。.泡菜
.
作為稱職既荃灣街坊foodie，不假思索去試一下新餐廳睇下點解日日都咁旺。裝修格局開揚，二人檯都算幾闊落唔孤寒。
.
甜辣炸雞半份 💲86
⭐️3.8/5
好想試下佢地招牌之一嘅太陽芝士雞鍋（💲248）雞款乜都有，整得好靚仲有芝士醬點。不過份量太多基本上兩個人只係能夠食一個就要收工，所以被迫放棄轉左跟隔離枱單點半份甜辣炸雞。甜辣炸雞好似好多主打韓國嘢嘅餐廳都有提供，要好味唔難，不過呢間嘅炸雞出品幾值得一讚，因為佢皮脆之餘入邊嘅雞係非常嫩滑仲留到肉汁個種。不過呢度扣咗多少分，因為佢有兩三件真係僅熟仲有少少粉紅色。雞都係全熟會比較好。
.
鮮人蔘雞湯 💲88
⭐️3.5/5
料係足，但人蔘味唔出，清清淡淡唔會令人有深印象。佢跟左兜麻油，好少叫呢款湯無人同我講麻油既用處，我仲傻下傻下倒左落湯到以為調味，諗諗下先諗到應該係俾我地點雞肉🤣🙈。
.
泡菜煎餅 💲68
⭐️3.8/5
做功課網上睇某d食客留言話佢既泡菜煎餅 麻麻地，好多粉。但因為泡菜系列菜式一直係我優先選擇所以勇者無懼，大不了最多中一次伏。但食落我覺得都ok岩胃口wor! 可能要求唔高，邊脆，泡菜份量夠唔好全部都係粉，餅心口感軟熟，加埋岩食既調味醬我已經好收貨。
.
韓式牛肉炒粉絲 💲68
⭐️4/5
同同行者都一致認為除左個泡菜煎餅，佢地既韓式牛肉炒粉絲係今既晚VIP。以💲68一碟計份量有大驚喜，係多到兩個人都食唔完既份量，足料唔會係一大碟粉絲，味道上亦合格有餘。贏在性價比。
.
香蕉雲呢拿煎糖餅 💲68
⭐️3.8/5
上網睇資料話煎糖餅係韓國既傳統平民街頭小食甜品，對我黎講呢款係特色野因為我第一次接觸第一次食。英文翻譯就咁寫Banana Ice-cream Pancake… 但其實佢既Pancake 同西式既好唔同。韓國煎糖餅係大大個，兩邊香脆金黃色，味道微甜煙靭，口感厚實飽肚唔係空氣系列作品。以甜品計佢都相當飽肚，令我始料不及。
.
總結：裝修坐位舒服，價錢平民，地點就腳（當然係講就我腳）。除咗peak hour食飯時間基本上一定要等位置外，同埋用餐時間得90分鐘之內，都冇咩特別嘢挑剔。可一可再餐廳系列。
.
不專業食評 nei.foodie
甜辣炸雞半份
$86
13 瀏覽
0 讚好
0 留言
甜辣炸雞半份
$86
10 瀏覽
0 讚好
0 留言
鮮人蔘雞湯
$88
14 瀏覽
0 讚好
0 留言
鮮人蔘雞湯
$88
12 瀏覽
0 讚好
0 留言
鮮人蔘雞湯
$88
5 瀏覽
0 讚好
0 留言
泡菜煎餅
$68
7 瀏覽
0 讚好
0 留言
韓式牛肉炒粉絲
$68
6 瀏覽
0 讚好
0 留言
香蕉雲呢拿煎糖餅
$68
4 瀏覽
0 讚好
0 留言
張貼
