Espresso Alchemy

營業中

休息中

腸胃炎病咗幾日，日日粥水、粥水又粥水，無啖好食，所以，趁好番，今晚又喺得返一支公開飯，專登食好少少，就諗到嚟海港城嘅「Espresso Alchemy」嘆杯靚咖啡，食個意大利飯，呢度嘅出品穩打穩紮，啱我好味，最緊要啲咖啡有水準嘛。餐廳嘅環境可以講跟商場空間連成一體，下單嘅櫃位喺較「入鋪」嘅一邊。對開嘅另一邊就喺用餐區，地方都幾大，拱門形嘅窗框，加上波波燈，裝修上帶點歐陸風，予人感覺閒適寫意。  基本上，印像中跟上次嚟嘅餐牌變化唔喺好大，食物方面，就包括有沙律、三文治、多士、意大利麵、意大利飯、全日早餐、漢堡、意大利三文治及甜點。而飲品方面，都喺一系列意式咖啡，以及多款特色飲品、朱古力……等等。 選購食物採半自助形式，晌收銀處落單後，收到號碼牌，就由店員將食物送上，簡單嘅服務，卻唔收加一服務費。  南瓜蓉配炸松子核桃碎忌廉意大利飯 $109 上一次嚟試咗佢哋嘅虎蝦車厘茄意大利飯，今次當然要揀番意大利飯，一碟意大利飯好睇到廚師嘅手勢同實力，掂唔掂你得呃。初時見佢個菜名叫南瓜蓉，以為只喺個汁底加入南瓜元素，原來唔止咁，飯面仲有好多烤南瓜肉，此外，仲有好多松子仁、核桃碎，令到整體口感豐富；而飯

難得表哥放大假，所以，約咗佢出嚟食個高檔早餐。海港城嘅「Espresso Alchemy」食過一次晚飯，知道食物質素高，咖啡好，最緊要喺環境舒服嘛，又可以坐耐少少傾吓偈。開放式鋪面主要喺落單買食物，而主用餐區就晌鋪面對住嘅商場空間，地方頗大，座位亦好闊落，裝修帶點歐陸風，因為有設計成拱門形嘅窗框，又有啲波波燈，整體感覺寫意。   如大多數嘅咖啡店，都會兼營售賣不少咖啡嘅相關產品，如濾杯、濾紙、咖啡豆……等等。早市時段提供配上咖啡嘅早餐，款式有全日早餐、奄列、意大利三文治及多士，配即磨咖啡，亦可以加$10轉為其他意式咖啡。 餐廳採半自助形式，晌收銀處落單後，收到號碼牌，就由店員將食物送上，亦唔收加一服務費。 此外， 店員會送上餐具，不過，額外嘅餐具、清水、紙巾、調味料……等等，可以晌自由櫃枱隨意取用，當然，唔好濫用，唔好浪費啦。檸檬汁烤雞煙肉意大利三文治 $69曾經晌其他分店食過佢哋啲意式三文治，做得喺唔錯，而呢款有檸檬汁烤雞肉，又搭上煙肉，幾啱小弟口味。麵包烘得靚仔，拎上手熱焫焫，入口麵包烘至外脆內軟，而裡面餡料非常之多，烤雞嫩滑有檸檬香清香，而煙肉煎得脆口，整體味道惹味，喺有質素嘅意

今日黎到海港城既Espresso Alchemy，好多人排隊，我都等左15分鐘先有位🙈同美麗華分店唔同既係呢到有一排窗檯，雖然景觀係馬路，但方便自己一個工作或者食野👍🏻呢到新增左特色飲品，含有酒精，咖啡以外既飲品，可以一試－－－－－－1. 檸檬汁烤雞煙肉意大利三文治 $69個包烘到脆脆地，份量就比較輕盈，適合細食嘅人，雞胸唔鞋，冇雪味，加煙肉仲可增添咸香味，不過檸檬味唔突出😫2. 火雞胸番茄芝士三文治 $69包有鐵板烤痕，不過外皮再酥脆一點會更好🙈火雞胸薄片，口感較雞肉鞋一點，不過熱食時芝士都有少少拉絲，配蕃茄感覺清新3. 青醬雞扒沙律 $79份量夠2人食，原塊雞扒切片，青醬味唔算好濃，但雞扒完全唔鞋唔乾，每一塊都大大片😋沙律仲加左番茄乾，耐嚼更有番茄味4. 西多士伴漿果雪糕配楓糖漿 $69西多士擺盤幾吸引🤤不過外表有少少燶，切開入面仲有果醬，酸酸甜甜，整體油膩感唔算好重，而且朱古力雪糕好食，但溶得有點快5. 鮮奶咖啡 $40加$2要almond milk，仲有拉花🥰咖啡豆好香，入口細滑，奶味唔會蓋過咖啡濃味

又喺老婆返學嘅日子，不過，呢一季就返完，佢可以抖抖，而小弟一支公晚飯亦暫時告一段落，所以，今晚唔好待薄自己，食番餐好嘅先，仲嘆杯靚咖啡。所以，過咗嚟海港城嘅「Espresso Alchemy」，一來食過佢啲出品，穩打穩紮，二來幾欣賞佢哋啲鮮奶咖啡，三來就喺食完方便我落柯士甸搭西鐵返屋企，仲可以晌上面拍埋卡搭港鐵慳兩蚊。 餐廳嘅環境可以講跟商場空間連成一體，下單嘅櫃位喺較「入鋪」嘅一邊，簡潔明亮。如大多數嘅咖啡店，都會兼營售賣不少咖啡嘅相關產品，故櫃枱旁就擺放咗唔少濾杯、濾紙、咖啡豆……等等物品作零售。 而呢一邊側旁就安放咗一大張共享餐枱，當然，依家晌限聚下，就唔能夠一大棚人坐埋一齊，但疫情過去後，就方便三、五知已嘆吓咖啡聚一聚，又或幾個同學嚟傾吓功課。 至於另一個用餐區，就座落於鋪面對出嘅商場空間，地方都幾大，拱門形嘅窗框，加上波波燈，裝修上帶點歐陸風，予人感覺幾閒適。 因為都唔喺第一次光顧「Espresso Alchemy」，所以，飲品及食物都大概知道有啲乜。佢哋嘅主力就梗喺賣咖啡啦，種類十分之多，此外，仲有多款特色飲品、手工啤、朱古力、茶品……等等。 食物方面，選擇上亦不少，印象中