農場鮮奶有限公司

營業中

休息中

星期六夏日炎炎不特止，仲有一號風球熱死辣辣，但見天氣陽光太好，所以冒住曬黑既危機決定勇闖效外，晏就未食lunch就渣車入場黎農場鮮奶喂羊仔同試下好出名既「鮮奶」，先講下喂羊仔可以買$3一束長草去喂羊。 跟住就買左兩盒500毫升既全脂鮮奶（正常），同埋叫左個芒果布甸食。芒果布甸好滑而且果肉好多，真係媲美唔少甜品店。估唔到去到郊外都可以食到咁好味嘅甜品係驚喜嘅一點鮮奶真係我試過人生以來最好味嘅鮮奶，非常鮮味，好飲過維記同十字牌好多，但500毫升飲飲下真係好飽，飲到有啲想嘔😂 喂羊仔好好玩 平時香港好少有呢啲地方俾我地親親大自然同動物，最緊要仲有咁好味出名嘅牛奶飲，值得推薦大家一定要來試一試！

一直都好想餵羊，適逢今個假期都得閒，就去左想去好耐農場鮮奶。 雖然羊唔多，不過餵過程好近距離同羊接觸，$3 一扎蔥都餵到好耐。玩完之後，就去左買想試好耐芒果布甸同牛奶。真心覺得牛奶好新鮮好好味，芒果布甸都好出色。如果行開元朗都建議週末入去玩下

平日避開人多的時候來最好, 天朗氣清更是令人舒暢!沒想像中那麼香, 其實飲下沒什麼特別, 未能突出, 不難忘餐肉香脆, 很認真呢! 蛋很大隻, 都脆身的, 麵的軟硬剛好, 簡單的能做得美味是不易的事

對於住市區的香港人來說, 週日駕車來元朗逛逛已經十分奢侈。路途遙遠, 第一次來, 多得GPS一直帶路, 入來的單程路很窄, 對於四驅車來說更是考技術之旅, 無驚無險終於來到了。入到來的感覺很悠閒, 除了環境優美, 還有大龜龜和黑羊, 一家大細來郊遊最適合不過。因為剛吃了午飯仍然很飽, 我們只點了燉奶、薑汁撞奶和燒賣, 不過遠道而來又怎能不買鮮奶回家呢?坐在戶外感覺有點涼, 吃熱騰騰的燒賣剛好驅寒, 燒賣味道很好, 加豉油辣油就特別惹味。燉奶帶著濃濃的奶味, 比出面吃到的奶味濃得多, 感覺也新鮮, 讚! 相比之下薑汁撞奶比較遜色, 店員叫我們等一等才吃, 因為薑汁撞奶仍未凝固, 我們等了數分鐘, 吃時微暖, 只吃到薑味, 卻吃不到奶味。 其實此行之後我們的新界西北遊還有數個景點, 買了鮮奶深怕放在車子會變壞, 但一場來到, 還是買了。 其實不算便宜, $28.5, 應該比出面買到的盒裝鮮奶貴, 不過就試一試吧!回到家就即刻打開, 看有沒有變壞, 好在天氣還算涼, 隔了5、6個鐘都沒有變質。 入口奶味濃郁, 不錯。不枉此行, 下次再見。

恨左好耐, 終於可以來試下呢度既牛奶啦........由於好鍾意飲奶既關係, 所以第一件事就係叫左盒奶飲, 好新鮮, 好好味呀~~~再叫左個餐蛋麵, 都算不錯, 但價錢貴左dd, 但好左環境都不錯下次再去飲奶呀!!!