4口

營業中

休息中

講起福建菜都會令人諗起傳統既中式餐廳，但係位於IFC既四口，就截然不同。雖然提供福建菜，但係餐廳既裝修反而時尚簡潔，又以鮮明既螢光橙色作主調，比人感覺好年輕，反而似去左一間文青CAFÉ用餐！提起福建菜，又點少得海鮮呢！呢排佢地推出左新既季節menu，主要係食蠔既，我地都揀左兩款黎試下！✨鮮炸紫菜海蠣用左紫菜黎取代平時既炸槳，感覺冇咁heavy。紫菜炸到超脆，味道濃郁；而蠔都幾大隻，肉質解嫩。兩樣野夾埋口感好豐富！✨福建鮮海蠣煮泗粉泗粉其實姐係薯粉，配上蠔、豬肉、鮮菇等熬煮而成。個湯非常濃厚，薯粉口感滑溜彈牙，索哂啲湯汁，味道非常鮮味！✨姬松茸竹苼排骨湯&黑蒜粒燉排骨湯好少地方有燉湯飲，所以今次同朋友叫左一人一盅。兩盅湯既配料都唔少，見到大大舊排骨，姬松茸竹苼排骨湯顏色比較淺，味道比較鮮甜。而黑蒜粒燉排骨湯飲落比較香，而且仲有少少既胡椒辣味，啱冬天飲！✨鮑魚紅燒肉上面三隻大鮑魚，口感彈牙。而紅燒肉係肥瘦相間既腩肉黎，豬皮已經炆到入口即化，而味道方面，甜得黎食到少少果香，中和左肥肉膩既感覺。而且配菜仲有啲菠蘿、無花果等，可以去除紅燒肉既油膩感覺！

早幾日同女朋友經過中環IFC 見到一間餐廳叫4口，見個名幾得意，就睇下係食咩嘅先，原來係一間新派福建菜餐廳，外面睇落餐廳環境唔錯，睇埋價錢都幾合理，就一於坐低試下，餐廳環境都幾闊落舒適，唔會坐得好逼。餐廳有個季節菜單，我都叫咗幾款試下✨臘味雞肉捲 $48係一道凍食，雞肉捲嘅雞肉扎實，口感似食燻蹄，臘腸咬落軟腍，兩者味道都幾夾，沾埋個醬汁更惹味。✨黑蒜焗龍躉 $168龍躉啖啖肉夠大件，食落新鮮，配搭埋蘆筍、黑蒜、磨菇、洋蔥、野菌炒十分惹味。✨鮮炸紫菜海蠣 $128黑色嘅係紫菜，海蠣(蚵仔/蠔仔)炸得酥脆，食落新鮮唔腥香口惹味，推介。✨脆炸紫菜酥 $118賣相相當唔錯，好似層層疊咁砌成三層，外皮炸到金黃香酥脆，裡面有紫菜同爽口嘅馬蹄，口感豐富。有鳳梨、無花果等水果做伴菜，味道清甜，食返啲水果冇咁膩。✨家常紫菜燜飯 $118呢個燜飯好出色，粒粒分明，做到唔會太濕或太乾充滿香油味，加埋炸過嘅紫菜，海蠣肉粒等配料食更香口。✨福建海蠣餅 $98味道似地我地嘅港式蠔餅，外皮同樣炸到金黃酥脆，大大粒蠔肉咬落外脆內軟非常香口。✨古早味花生湯 $28係台灣就見過，但我都係第一次食，花生湯嘅味道唔會好甜，而

福建從來都唔會令人失望😌由於地處沿海，經常以海鮮入饌🐟菜式都以突出食材鮮味為主🦀位於中環IFC嘅福建菜館「4口」，取名自身理、情感、心理、心靈四個層次需要💕希望以整個用餐來滿足客戶4口❣️.餐廳一反傳統中式菜館設計，以簡約時尚風為主✨木色主色調，配以柔和燈光，令人有種舒適、賓至如歸感覺😌.🍴姬松茸竹蓀排骨湯🍴黑蒜粒燉排骨湯💰$58先來個湯品暖暖身☺️兩款排骨湯都非常清澈，一啲油膩感都無😌營養價值極高👍🏻 姬松茸味鮮香醇，黑蒜散發陣陣香氣，好足料😆.🍴鮮炸紫菜海蠣💰$128季節菜單🌟充滿福建風味嘅菜式❣️先係香脆可口炸紫菜，然後內裏隱藏粒粒海蠣，每口都夾雜海洋鮮味🌊令人一口接一口吃不停🤪.🍴廈門沙茶麵💰$138沙茶湯底配以海蝦、魷魚、五花腩，豆腐、糖心蛋🤤湯底濃郁之餘又唔會太鹹，配料非常入味😋麵條掛湯地強，每啖都充滿濃郁沙茶味😍.🍴福建紅糟雞💰$98特色福建菜之一❣️雞肉加紅糟煮熟，所以會呈酒紅色🍷入口更有淡淡酒香🍶相對下較濃味，但又唔會有種好膩嘅感覺😙.🍴小海鮮燜軟豆腐💰$98配料相當豐富，有油豆腐、娃娃菜、豬肉粒、蠔豉、蔥蒜等😌味道較清淡，份量都幾多下😛.🍴家常紫菜燜飯💰$118加入炸紫菜、

Lunch時間 同事問有無興趣試下 IFC新開福建創意料理 我諗自己除咗福建炒飯同廈門炒米 都諗唔到自己有無食過 鍾意試新嘢嘅我所以就一口答應 舖面非常寬敞 有吧檯同卡位選擇 果然係熱門打卡新店 廈門沙茶麵濃濃嘅沙茶湯底 麵夠粗身掛湯 配料亦相當豐富 有蝦 五花腩 魷魚圈 腐皮同溏心蛋 福建鮮海蠣煮泗粉味道有d似台灣嘅麵線 另外加上大量配料 有冬菇醉 腩肉粒 同蜆肉 令到湯底更加香濃 福建紅糟雞色澤淡紅 聞落去有少少酒香 骨頭酥脆 肉質軟嫩 味道醇香 臘味雞肉卷凍食 用雞肉包住中間臘腸 一啖有兩種口感 鮮炸紫菜海蠣呢個同泗粉都係Menu上嘅季節菜單 但係賣相真係唔吸引 但係食落非常有驚喜 用紫菜包住嘅蠔餅 紫菜外皮炸得非常鬆脆 啖啖蠔香 大力推薦呢個 桂圓檸檬烏龍茶檸檬茶加上桂圓 即係龍眼 非常滋潤 大紅袍仙草茶茶底夠香醇濃厚 手沖咖啡+曲奇餅天氣凍無叫凍飲 嗌咗個Hand Drip Coffee 佢咖啡每日唔同 可以問下咖啡師Today Special 今日呢個有少少白蘭地酒香 同少少楓糖漿 配合埋佢個曲奇 苦澀之後用曲奇嘅甜味中和返 lunch都可以食到咁特別既福建創意料理夠哂滿足