王家沙 (已結業)

都話近排旺上海菜咯，短短一、兩個月就到訪過4家上海菜館。其實，又一城嘅「王家沙」就無預喺幫襯嘅，我哋一班細胞小組朋友，原打算去「翰騰閣」飲茶，本身都知星期日午市無得訂枱，已有組員一早去攞位，但等吓等吓都45分鐘啦，無人理，又講唔到仲要等幾耐，所以，建議不如轉場，飲餐茶啫。雖然時值午飯旺市，但「王家沙」都算大鋪，啲客人又快上快落，所以，上到去等唔使5分鐘即有枱。啲細路已經好肚餓，所以，「嗱嗱淋」剔紙仔落單，餐牌都唔得閒影。蟹軾鮮肉小籠包 $52睇落外皮有啲厚，摺位亦明顯唔細緻，所以，入口就較為實，多少都影響咗整體嘅口感。還好嘅喺淨肉餡都做到肉鮮、汁多，又幾鬆化。蟹粉小籠包 $78同樣，外皮都喺做得麻麻，不過，啲豬肉餡確喺做得唔錯，搓得鬆化唔死實，咬開都幾爆汁，加埋蟹粉，入口絲絲蟹香，用料不賴。鮮肉生煎包 $48對比起小籠包，生煎包及鍋貼就做得好好多，包面沾咗少少白芝麻，個個飽滿大隻，包底煎得甘香鬆脆，包身咬落唔黏牙，而內裡豬肉餡如小籠包咁，做得有一手。鮮肉鍋貼 $48跟生煎包差唔多，只喺包皮換上餃皮，同樣鍋貼底煎得焦香脆口，餃皮黏糯筋性，配上多汁嘅鮮肉餡，自不然好食。王家沙鹹粢飯 $42

兩個月之前，才去完旺角新世紀廣場的王家沙，該店的美食，環境，服務等，良好記憶仍在腦海中；上星期六，到又一城商場同加菲貓影完相，找地方晚膳，八月花要等位，轉往附近的王家沙，那時還未到六點鐘，仍有大量座位空置，一步入門口，女侍應即晦氣地說：『兩個人就坐兩人枱啦！』明白她想預留更多空位給稍後的晚飯人潮，但我們根本沒有企圖要霸佔四人枱，駛唔駛咁無禮貌呢？就是這碗八寶冬瓜粒湯，令我再次親身體驗到，此店侍應之服務態度是何等差劣；事緣在落單前，我們在看餐單的湯羹種類（詳見下圖），2214並無註明是以每位計，估計其分量理應不會太少，所以才點了此湯；但上枱時份量確是一位的，碗仔細細（可見上圖），我有點詫異地望著碗湯，還未開口，那女侍應即急不及待，搶著開聲呼喝：『乜唔係你叫嘅咩？』嘩！呢啲係乜嘢態度？後來我再心想，她出口那麼快，相信同類事件也不是首次發生，極可能是此店在印製餐單時，刻意使出的伎倆，2214特別不註明以每位計，看起來價錢相對又平，請君入甕下單，埋單前，看顧客食物記錄，才見到以每位計來顯示！

幾個大學同學約了大學的老師吃飯，為就老師，就在學校旁的又一城搵食。朋友推介王家沙，本看見劣評多於好評，也有戒心，不過老師說沒問題，也決定了。同學預早幾日訂枱，結果準時去到準時入座。一行六人，女士居多，反而點菜點得不算多。瑤柱賽螃蟹：賣相不錯，生蛋黃擺在蛋白中間，要自行攪均。稱為瑤柱賽螃蟹，但要很努力去勉強找到一條瑤柱絲，本來不抱什麼希望，不過食落味道出乎意料地好，真的好像只到一點蟹肉味，洒上特定的醋，實在好吃。蘇式鮮肉小籠包、菜肉小籠包、鮮肉生籠包：中規中矩，蒸出來不算太熱，可即時入口，咬下出充滿肉汁，但價錢不便宜，跟部份路邊小店的味道相差不遠，或者是路邊小店做價太便宜吧。鮮蕃茄菠菜：沒什麼特色，沒什麼特別，同學想吃點蔬菜，才點這個。家鄉火腿上海炒飯：不算大碟、不太能找到火腿、但飯粒相差乾身爽口，味道還可以。京醬肉絲配烤薄餅：相對較好的一道菜，烤薄餅跟京醬肉絲相當配合，可惜一只有四塊薄餅，結果餘下不少肉絲用以配飯。蝦仁黃面黃：炸麵加蝦仁濃湯汁，爽脆的炸麵跟濃湯味道很爽，但蝦仁數量之少令人感到不值，味道好吃但總是覺得不抵。砂窩雲吞雞：六位用，一人一碗，有兩片金華火腿、兩隻雲吞、一片葉、一