穌棧 (已結業)

🍽青咖哩雞扒飯 ($78)🍽香葉肉碎蛋飯 ($78)🍽鮮蝦炒金邊粉 ($82)🍽蝦醬炒通菜 ($68)🍽蝦餅 ($68)🥤椰汁冰 ($36)疫情下平日既午市依然好旺場 一點半之後先去到 都要等一陣位鋪頭細細地 店員話可以坐到18個人💁🏻‍♀️我地四個人去 (當時二人限聚令) 店員好好 安排兩張連住既枱 方便我地傾偈同share食物😊未去之前本身睇左餐牌諗左食乜 去到先發現原來lunchtime淨係得一個menu😅不過都唔緊要 我地係門口等位已經諗定食乜店員都好好幫我地寫定野落定單先然後佢見我地想食lunch menu以外既野食 就問我地想食乜 試下問下廚房做唔做到😀因為嗰陣都差唔多兩點 唔係peak time 所以廚房都幫我地整左個通菜同蝦餅😆食物方面 三個主菜都大份 而且仲好好味😋特別一讚既係肉碎蛋飯 有少少辣味 食落好香 要黎撈飯食就最岩👍🏻

午膳時間四處揾食，以泰菜為目標，最後選了小店穌棧用膳。餐廳地方少，人客多，座位的確擠迫。午市套餐有＋二款選擇，五＋餘元一份，連飲品一杯，價錢OK。一碟鮮蝦炒金邊粉，有四隻海蝦，其餘餸料不多。海蝦肉質都算爽口，但鮮蝦味就偏淡喇！金邊粉質感合預期，醬汁甜酸交替，淺嚐酸香惹味，多吃甜味漸趨主導。餐飲泰式奶茶，茶底味道獨特，作為特飲不錯。

工人尋晚冇煮我飯，所以今日出街食晏。後來經過船街嗰間Cafe y Taberna就入去試下。餐廳大概有不足二十個位，但12：15左右除咗一張被訂嘅枱外，其他枱全部滿座。午餐以set lunch為主，今日有海南雞飯、冬蔭功、泰式叉燒飯、青咖喱雞、豬手㷛同埋鮮蝦炒金邊粉。套餐包一杯泰式飲品或㗎啡、茶。價錢由$48至$58不等。我叫咗鮮蝦炒金邊粉同埋香茅特飲。等咗唔到十分鐘就上菜。份量唔算大，都有五、六隻中蝦，咬落好爽口。金邊粉亦炒得乾爽，唔會一pat pat；另外啲粉吸咗個醬汁，都幾好味。響香港唔係每間泰國餐廳都有香茅特飲。呢間都OK，但如果可以再濃啲同埋少甜就更好。因為唔係咩大餐廳，所以唔會expect有啲咩酒店級服務。但我比較欣賞呢間餐廳係就算佢係一間小餐廳，都唔會為咗做多輪生意就催你埋單。一般食客亦好識做，食完就走。今日餐飯盛惠$54。返到公司同同事提起呢餐飯，佢話海南雞飯同埋㗎啡（另加$6）係佢嘅至愛。如果有機會我會再幫襯，試下佢嘅海南雞飯。