Manecy's Studio Restaurant (已結業)

今日嚟到銅鑼灣嘅德國餐廳， 一入去呢度嘅裝修有啲英倫味， 好適合由外地返嚟嘅朋友。由於呢度主打德國名菜豬手， 我就點咗呢度最出名嘅咸豬手，再加啲手工啤同埋個小食。鮮蝦配牛油果醬多士$98牛油果醬非常濃郁， 配以新鮮彈牙爽口嘅蝦， 再用覺得好脆嘅拖士襯底！ 成個組合都非常夾！德國爆脆鹹豬手$248最出名嘅主菜咸豬手， 外皮炸得非常脆， 有啲似燒豬嗰種鬆脆。 雖然外皮炸得好脆， 但係內裏嘅肉質非常鬆軟， 真正做到外脆內軟！ 而且佢有啲酸菜蕎頭襯底， 食得嚟嘅時候可以用呢平衡一下。傳統西班牙海鮮飯$258佢另一個主打就係西班牙海鮮飯。 外表上睇海鮮非常多， 有帶子,青口蝦,墨魚等等， 非常足料！Beer -Brother Cloud Lemon Cider $48叫咗一支好特別嘅德國cider， 如果鍾意飲咸檸七嘅朋友應該會愛上你一支！

今日約咗舊同事食好西，朋友揀咗係銅鑼灣食德國菜。由於我好鍾意食TAPAS同SALAD，所以叫左2碟。頭盤食咗個西班牙黑毛豬火腿配蜜瓜，餐牌講明係24個月嘅黑毛豬。小妹就食唔出幾多個月，不過都好好食，蜜瓜幾甜D黑毛豬又好入味！正！最鍾意係鮮蝦配牛油果醬多士，牛油果落得足，加埋隻蝦同多士香口又好食。主菜叫咗炭燒煙燻美國豬肋骨同美國頂級牛肩胛扒朋友一個人食晒成個豬肋骨，睇落分量都好足。我就食咗牛肩胛扒。配菜幾好食，尤其果個茄子！薯角都幾脆！第一次食牛肩胛扒，都幾好食，幾有咬勁同肉汁。叫左5成熟，亦都煮得啱啱好，最怕OVERCOOK。由於朋友食得太飽無食甜品就走，OVERALL覺得平日夜晚去都唔錯，地方唔太逼而且仲好有MOOD傾計。

對呢間餐廰好失望，食物質素十分普通，未至於難食，但絕對唔值呢個價錢。也有試這裡的甜品，紫薯朱古力盆栽,可惜好睇唔好食。餐廳人手唔夠，可能因為呢個原因，侍應態度有待改善，多次招手也沒有待應走過來。