Manecy's Studio Restaurant (已結業)

今日約咗舊同事食好西，朋友揀咗係銅鑼灣食德國菜。由於我好鍾意食TAPAS同SALAD，所以叫左2碟。頭盤食咗個西班牙黑毛豬火腿配蜜瓜，餐牌講明係24個月嘅黑毛豬。小妹就食唔出幾多個月，不過都好好食，蜜瓜幾甜D黑毛豬又好入味！正！最鍾意係鮮蝦配牛油果醬多士，牛油果落得足，加埋隻蝦同多士香口又好食。主菜叫咗炭燒煙燻美國豬肋骨同美國頂級牛肩胛扒朋友一個人食晒成個豬肋骨，睇落分量都好足。我就食咗牛肩胛扒。配菜幾好食，尤其果個茄子！薯角都幾脆！第一次食牛肩胛扒，都幾好食，幾有咬勁同肉汁。叫左5成熟，亦都煮得啱啱好，最怕OVERCOOK。由於朋友食得太飽無食甜品就走，OVERALL覺得平日夜晚去都唔錯，地方唔太逼而且仲好有MOOD傾計。