樂天大喜屋 (已結業)

今日好想食餐勁嘅，嚟到旺角，就諗起呢度有間性價比極高嘅放題。 一坐低就瘋狂落單，呢度第一樣要讚係-無漏單，雖然叫左好多，都全部到齊晒。 🦐刺身雖然細件d，但想食多d嘅，叫多幾round就ok，三文魚、北寄貝、帶子等等都幾新鮮，最鮮甜係甜蝦、最靚係北寄貝。 🥠炸物炸鮮奶、芋丸、榴槤、甜蕃薯仔、天婦羅，上枱時全部新鮮炸起，熱辣辣👍 🥘煮物麻辣牛魔王，牛肉夠腍夠入味，嗜辣者一定要點。蟹粥估唔到會咁鮮味，又煮得夠綿滑，仲有大大隻蟹腳😋🍙其他手卷、壽司、串燒都好ok; 最後食埋一般放題少有嘅HD雪糕(仲係特別嘅焦糖拿鐵💕)，呢餐真係極大滿足😁

太耐無好好放肆一下，一係唔食，一食就梗係要揀任食！唔同嘅大喜屋都食過幾次，一向都係信心保證，今次就揀咗呢間地段便捷，款式仲要超多嘅樂天大喜屋～入到去已經見到自助區有唔少選擇，包括熟食類別嘅小食：酸菜魚、南乳豬手、*炸蝦多士、炸餃子、章魚小丸子、椰子雞湯等等，特別推薦佢嘅炸物，每件都夠熱，又唔會好油益，有驚喜👍🏻最欣賞係佢連酒店式嘅冷盤海鮮都有！！！大又甜❤️飲品款式多元，要咩有咩，中韓台港咩地區都有，最用心係附送任飲啤酒同清酒，愛酒之人點可以唔揀佢！而甜品都有好多選擇，特別推薦牛奶凍同埋提拉米蘇，唔好睇佢細細杯，食落味道好濃郁，絕對係誠意之作嚟㗎！💯去到重頭戲，掃一掃QR code就可以落單，由冷盤刺身，去到鍋物、炸物、壽司、串燒等等，無一唔比足料，每款都新鮮、大件、夠味、有創意，好多款都令人再三回味！特別推薦👍🏻刺身：甜蝦、赤蝦、虎蝦都係必食，爽彈鮮甜！👍🏻壽司：黑松露蟹肉帶子、龍蝦沙律櫻花蝦多士、炙燒左口魚裙邊，平時放題好少食壽司嘅小編都忍唔住食咗好多件，好有特色外面食唔到！另外海膽手卷竟然可以任叫，一定要食多幾舊！夠鮮，唔臭，放膽食💯👍🏻炸物：天婦羅蝦、芝麻雞翼、榴槤同芋頭波波，其

之前約咗閨蜜團年，當然要食好啲，就去咗樂天大喜屋。依家冇咗晚市，晏晝嚟食其實仲抵，$188一位就可以食足三個鐘，可以一路慢慢食慢慢傾偈。味付八爪魚、螺肉同中華沙律絕對係我嘅至愛。自助沙律吧方便又健康，我都整咗一兜車厘茄返埋位慢慢嘆。冷盤仲有青口、翡翠螺同大蜆，非常豐富。雪櫃入面放滿飲品，而且又多選擇。果汁都有唔同種類，仲有果汁同凍日本清酒。暖嘅日本清酒都係任飲。雪糕雪條都係任食，而且全部都係好吸引嘅味道。放題第一擊當然就係食刺身，總共有12款選擇，我就點咗三文魚、油甘魚、鯛魚、帆立貝、北寄貝、象拔蚌、虎蝦、甜蝦同大赤蝦，全部都好新鮮。我就最鍾意佢嘅迷你手卷，可以淺嘗一下，我就揀咗海膽手卷，紫菜香脆海膽又夠鮮味。其他熟食都好好食，我尤其推介佢哋嘅燒物，所以我不停encore。

全日以來食左好少野，於是以一個飢餓嘅狀態去食放題照樣係一次過嗌左好多好多，首先非常地視覺滿足各款壽司（花之戀、蟹油帆立貝、帝王蟹棒、牛肉芝士，等等）三文魚厚度好足，咬落去即刻有種鬆軟嘅口感真係好新鮮美味，令我食完再食牛肉芝士係出於好奇而點嘅，果然食落去都係好新奇夾雜住牛肉嘅鹹味同芝士嘅輕稠感，面頭仲有啲脆脆有趣得黎帶來深刻印象，味道就見人見致喇帝王蟹肉係大大件一上菜就非常搶眼，橙黃色加埋醬汁睇見到好開胃啖啖肉清而有味，好鍾意呢款一口芝士炸蝦球終於我最鍾意嘅炸物，炸到金黃色圓碌碌咁，真係好吸睛！個size的確係適合一口食嘅，咬落去外皮脆脆的，芝士同蝦肉爆出呢個配搭真係好配，真心好好味！日式撈冷稻庭麻醬烏冬呢個烏冬份量岩岩好，比我地食到飽飽地嘅兩個人分幾有心思地用左3種食材（蟹肉條，青瓜，燒肉），仲加埋芝麻同麻醬，好豐富啖啖都滿足，而且烏冬溫度適當，唔會太凍，係值得試下嘅一道其他食物都好好味，環境都舒適，呢個價錢都合理，難怪咁多人排隊等住食

今晚我們去咗旺角創興廣場嘅「樂天大喜屋日本料理」食晚市放題！我們叫咗雜錦刺身拼盤、多款創意壽司、花之戀壽司、海膽手卷、黃金燒海虎蝦、日本溫泉蛋、燕窩蛋白配一品海參、鹽燒牛舌、芝麻鷄翼、芝士年糕、天婦羅蝦同鮮蟹粥！雜錦刺身拼盤嘅刺身非常新鮮，當中嘅北海道帶子同極大赤蝦嘅味道極之鮮甜軟滑！多款創意壽司同花之戀壽司嘅賣相相當精緻吸引，味道好鮮味！海膽手卷嘅海膽好新鮮軟滑，味道好鮮甜！黃金燒海虎蝦表面嘅醬汁酸酸甜甜，蝦肉嘅肉質都幾彈牙！燕窩蛋白配一品海參嘅海參好爽滑彈牙，味道好惹味！燕窩蛋白嘅味道好香甜嫩滑！鹽燒牛舌嘅肉質好爽口嫩滑，肉味亦好濃郁！芝麻鷄翼炸得表面好金黃香脆，入面嘅肉質好嫩滑，真係好惹味！芝士年糕嘅年糕好煙煙韌韌，芝士亦好軟滑香濃！天婦羅蝦嘅蝦肉好爽甜，表面嘅炸粉亦唔係好厚身！鮮蟹粥嘅粥底都幾綿，蟹肉亦幾鮮甜！另有多款特色雪糕同甜品可供選擇！

個人對日式放題並不算太熱衷，卻是各大放題的常客，只因身邊人太愛吃放題了。每當安排飯局，總是以放題為首選，而這已是我的第五次到訪大喜屋了。  為方便在佐敦上班的媽媽，選了旺角新張才半年的「樂天大喜屋」。稱之為「樂天」，不知會否跟「極尚」一樣有驚喜呢?  樂天大喜屋位處創興廣場2樓，跟尖沙咀店一樣方便。因事遲到15分鐘，侍應仍留位給我，抵讚! 由侍應帶領迅速入座，吃放題還是分秒必爭的好。放題分兩個時段，第一時段(6:00-8:30)及第二時段(8:45-11:15)，平日收費$228/位，假日$248/位，共兩個半小時，午市是$208/位，更暢吃三小時呢!  店面面積，是第一個驚喜。樂天該是大喜屋系列中面積最大的了，這兒的前身該是Jusco十元店，可想而知有多大。    左右兩邊都是食場，場的中央分設等候區(到過大喜屋的人該知道這是入座前的指定動作)和飲品區，空間感比其他大喜屋都要開揚，店面光潔而明亮。  雖然二人桌桌面依舊狹小，但出入比其他分店方便，亦因此衍生第二個驚喜，這兒的飲品和冰品是隨意自行任取的! 數個大冰櫃放滿飲品，各式汽水、啤酒、樂天系列飲品、紙包飲品、咸柑桔、果汁先生...

<大喜屋>呢個名係香港放題界中非常出名而個人非常鍾意去<大喜屋>食放題，原因係....眾多放題中，<大喜屋>的食物質素比較好，呢點...係非常之重要!!所以基本上同友人相約食放題必定揀選<大喜屋> 自認係<大喜屋>粉絲的我，先後去過不同地區既分店食過，甚至連有間高級版叫<極尚大喜屋>都食過，不過，最近係旺角創興廣場2樓就開左一間叫做<樂天大喜屋>~<大喜屋>粉絲的我一於同友人一起品嚐品嚐我們是即日打電話BOOK位，一行14人BOOK左食晚市第二輪既時間，我們8點40分到達，一去到同服務生講左一基本既BOOKING DETAILS，不用等到8點45分就入座長話短說，一於介紹下當晚我地14個人個個都對呢間<樂天大喜屋>讚不絕口既原因啦放題主打菜就梗係....刺身啦超大盤既刺身,非常之新鮮我地每款刺身都ORDER左20片/隻 當中有:三文魚、鱸魚、鰤魚、八爪魚、帶子、北寄貝、象拔蚌、鮑片、甜蝦、極大赤蝦樣樣野都好好食，主要真係即叫即整，好多時食到D炸