天穴

營業中

休息中

鍾意午餐時段去《天穴》食佢哋嘅lunch set，性價比非常高！除咗食材質素穩定，都鍾意佢環境舒適，餐廳大部份位置都可以望到開揚海景，一邊食一邊欣賞靚景，份外心曠神怡！今日天氣少少涼，除咗叫返之前‘例牌’叫嘅“迷你丼物餐”，仲叫咗從來未試過嘅 - ”日本產黑豚泡菜溫泉蛋石鍋飯”，希望有D熱食暖吓肚～迷你丼餐跟一小碟前菜同麻醬沙律，另可選擇烏冬或蕎麥麵，我兩樣都試過，比較喜歡烏冬，佢個湯底好清，烏冬亦煙韌，我朋友食得辣，會加七味粉，佢話《天穴》嘅七味粉有柚子味，令烏冬帶微辣之餘亦帶清新，佢每次都會連湯都飲埋～ 😋石鍋飯則跟前菜、沙律同麵豉湯。《天穴》嘅麵豉湯唔鹹，有適量嘅昆布同圈圈腐皮🌀～跟住到主菜嚟la…迷你丼物餐(呢個set係可以喺10多款迷你丼裏面揀選兩款，”賣飛弗”combo 係鰻魚飯同蔥吞拿魚生飯）今次個”鰻魚飯”一貫嘅好味道，鰻魚汁濃度甜度適中，鰻魚入口仲係暖嘅，可惜今次嘅鰻魚係魚尾部份，無之前食嘅腩位咁厚肉肥美”蔥吞拿魚生飯”水準不變，我反而想推介吓飯面唔同顏色嘅芝麻，問過侍應，原來係《天穴》師傅自己炒嘅，芝麻嘅香配襯住吞拿魚蓉，Oishi~~~~😋日本產黑豚泡菜溫泉蛋石鍋

之前試過諗住walk-in,但佢哋話冇位.所以今次試食係有book位.我諗大家下次book位要預早啲時間起碼一星期前,因為佢都幾full Booking下.我同朋友兩個人食叫咗個刺身拼盤,好似總共有七至九樣刺身.味道其實唔錯,但係刺身食落去係亂嘅而唔係凍嘅，一開始冇為意，但返到屋企即刻肚屙。我有啲懷疑係啲刺身出咗事鰻魚飯正常吧，但係個鰻魚皮麻麻哋。平時食鰻魚都唔會覺得個皮有問題，但係佢嘅煮法令個鰻魚皮好”un”可能我對呢間餐廳有太高嘅期望,以為價錢咁貴食材應該好新鮮同美味總括嚟講食物一般,食風景為主.價錢一定係貴以上㗎啦p.s.我今次係因為有海港城啲食物券先來試食嘅

遲來的午餐，來到餐廳也差不多四時了，為趕上午餐時段，先點了食品。知客的笑容可加，態度友善，她一路引領我到窗邊的圓枱，坐擁維港的景色，今人心擴神怡。打開餐牌，噢😯！實在太多選擇，又要病發，幸好進餐廳時帶位的知客早已明言天婦羅已售罄，不用選擇。但只是魚生飯也多不星數，叫我如何去選？除了魚生飯，也有和食丼，選擇真的很多，照片也相當吸引。先來了前菜，是沙律菜和麵豉湯。最後選了豪華三色丼，是有日本三文魚子、海膽和葱花吞那魚腩蓉，日本三文魚子，果然是日本貨，鮮甜甘香，魚油在口腔中充斥著。海膽也是十分鮮甜，每倉海膽也是整件的，師傅小心翼翼的併合，疊上了兩三層，吞那魚腩蓉也是十分甘香，不過我點的芥末不足，但魚腩的份量很多，飯卻很少，本來就是很好的，證明餐廳毫不吝嗇，但是魚腥味較重，未能給飯蓋過。鰻魚飯也是十分豐盛，厚厚的鰻魚足足有八大件，非常吸引。但吃進口略嫌鰻魚汁不夠，飯也有點涼。幸好服務不錯，着穿戴整齊的服務生取額外的鰻魚汁，也是即叫即辦，為鰻魚飯賺回不少分數。飯後已很滿足，再加上特色糯米糍，餡料有陣陣的蜜瓜香味，很特別，很美味。雖然當天並非風和日麗，但維港的景色是這裡的賣點，這說法也沒有喧賓奪主