Yadllie Plate 야들리애플래이트 (兆萬中心)

今日同朋友去旺角行街，經過兆萬中心有好多餐廳，見到一間韓國餐廳都幾多款選擇，我哋大家又好耐冇食韓國嘢，Lunch time 仲有7折優惠！所以一於去試吓鱈魚乾海螺拌麵🍜麵上面鋪滿蟹籽，而底部鋪滿唔同嘅生菜、海螺、鱈魚乾，拌埋佢嘅甜辣醬，好好味😋口感豐富👍🏻迷你忌廉帶子年糕麵🧀年糕整成幼身好似麵咁，而菇同帶子爽口鮮甜、忌廉夠哂creamy 香辣芝士八爪魚🐙超多八爪魚而且好大隻，爽口彈牙👍🏻同埋鋪滿咗超多芝士，仲有拉絲😍加埋辣汁，超惹味、超正😍半半雞🍗我哋叫咗兩種味道：首爾醬油、黃金蒜香🧄佢嘅炸雞唔會炸到乾，啲肉仲好Juicy👍🏻而兩隻汁都唔會過濃，會食到雞嘅味道👍🏻😋白切五花腩🐷個鍋裡面有水，所以蒸住D五花腩保持溫暖👍🏻亦有附上新鮮生菜、蒜頭同埋兩種醬汁，五花腩厚身，肉質嫩滑、肥而不膩😋包埋生菜、蒜頭同醬汁超好味😋巨峰乳酸梳打🍇味道酸酸甜甜亦好香巨峰提子味😋味道唔會藥水味，加埋乳酸同梳打亦都好解膩👍🏻

對於一晚有兩場飯局-晚飯局>糖水局黎講, 一定要揀超近地鐵站同易揾嘅, 朋友話不如兆萬, 仲以為又食放題我已經耍手差啲擰頭, 原來係食韓國炸雞烤雞, 搭𨋢上11樓, 灰色底好型嘅裝修, 等左一陣有枱, 仲要有靚靚木系卡位添.>半半烤雞•🌶大邱辣醬 + 蜜味芝士粉 (HKD168)一次過揀兩隻味: 來自大邱嘅辣醬🌶辣味非常過癮, 一路食一路飲沙冰降溫; 雞肉口感特別嫩, 係來自韓國嘅原隻35天嫩雞烤成. 啖啖雞肉無論邊個部位好勁易搣離骨+嫩滑入味, 最正係墊紙上留低係醬汁而非一大tum油. 蜜味芝士粉蜜糖味道微甜, 感覺完全滲透每吋雞肉. 芝士粉係毫不吝嗇灑滿成個面呢. li個係即叫即烤, 等候時間相對長dd絕對值得架.>鱈魚乾海螺拌麵 (HKD118)食材配料各樣豐富到一個點嘅拌麵, 麵質腍身, 但不糊不散的. 拌匀韓國辣醬, 菜, 燈籠椒, 四個字”辣到噴火🔥”. 最讚係大量𡁻𡁻鱈魚乾同大大口爽口切粒海螺. 成件事勁剌激味蕾!>香炸軟殼蟹 (HKD88)軟殻蟹正呀, 睇相同食開日式炸軟殼蟹有點唔同. 原來分別在於個炸漿, 佢係較厚身, 咬落有點年糕嘅煙

第一次黎兆萬唔係食放題，而係食韓國炸雞🐥🐥估唔到啲質素都唔錯👅因為我哋有四個人食，所以我哋就叫咗四杯唔同嘅嘢飲可以試多啲野👅我哋就叫晒個三款唔同嘅yadllie drink同埋一杯生啤。yadllie drink個三杯入面嘅士多啤梨味同埋藍莓味都比較酸，但係感覺都幾fresh。而我就飲咗薄荷味嗰杯，好清涼解渴！芝士蟹子蛋卷味道唔錯！芝士同蟹子份量都適中，不過夾既時候真係要小心啲，唔係啲蟹子會跌哂出黎😂😂麥芽啤酒蝦係我平時比較少見既，所以就點左黎試下，炸蝦層皮有微微嘅啤酒味，不過味道唔算太重，而且試咗唔鍾意嘅話，可以搣咗層皮出嚟先再食，因為啤酒味冇沾到入去隻蝦度🦐芝士排骨雖然只係得四件，但係真係貴精不貴多，因為佢本身已經好入味，再配埋燒到啱啱融咗嘅芝士黎食，味道真係好好，愛芝士嘅我哋都清晒成碟芝士！😋😋無骨炸雞食起嚟好方便，而且都炸得幾香，四個人share食啱啱好😎成個晚餐覺得最盞鬼就係呢個紫菜蟹子手抓飯，店員拎到埋黎會問你想自己整定係佢幫你整，我哋咁懶,就梗係叫佢整啦,仲可以順便影吓相添😅😅最後仲叫咗個oreo朱古力雪冰作結，不過之前食咗咁多野,呢個真係一個人食唔晒，所以我哋四個人都係