鳳城酒家 (已結業)

週末例牌活動就係同屋企人飲茶今次就揀左太子呢間鳳城。位置夠方便，地鐵出口一分鐘唔使就見到。酒樓有兩層，眼見感覺大台佔比較多，我地雖然細台但都好好彩唔使等位。男朋友聽說過呢度既炒飯好出名，所以我地就叫左個「鳳城炒飯」。果然，真係好有著揚州炒飯既材料: 叉燒，蝦仁，蛋。特別既係加上蕃茄粒，感覺好新鮮。飯底夠濕潤，水份同油份既比例岩岩好。米飯粒粒分明，軟硬適中。三個人好快就食晒一碟，好飽點心方面選擇的確唔算多。我地叫左咸水角，鴨腳扎，燒賣仔，蓮蓉包。咸水角同出面既酒樓唔同，圓滾滾，比較挺身，外脆內軟。而其他點心就感覺差不多。之前試過銅鑼灣既鳳城酒家，對懷舊既灌湯餃念念不忘。但太子竟然係唔一樣既做法，有點失望。

月尾又近節日，想請屋企人請餐好既，父親大人一直好想試呢到既原隻炸蟹拑，一早早2個星期就電話book定位電梯2樓同3樓都係鳳城雖然book左7：00，但book位既人數太多，訂位既都要等大概30分鐘(walk in要9點先有)撞正近中秋，全場滿座有中秋限定既套餐著名化皮乳豬拼爽脆生腸 ＄220呢個係招牌之一，乳豬肥瘦啱啱好，生腸個味調得好好脆皮炸子雞 半隻$140 炸得好香口，d肉質好嫰堯柱冬蓉羹好正個羹！有冬瓜粒、搖柱、金華火腿、蛋白等等一盎羹裝到有7碗半鍋貼大明蝦$160/8隻未食過蝦多士係原隻大蝦! 完全冇混蝦膠超爽口鳳城生菜包$128鳳城炒飯$108炒飯用鮮蕃茄炒，冇好似出面咁用茄汁，好有驚喜

本身book左位，所以唔駛等。不過入坐冇幾耐就見全院滿坐，真係好期待。朋友大力推介既粟米魚肚羹，果然真係唔錯，唔會太稀似湯，又唔會太濃似芡汁。魚肚十分爽口，而且份量夠多，啖啖都有。跟手到蝦多士，真係好香脆，食落唔油膩，蝦味都算幾夠。鍾意食香口野既朋友仔就岩哂口味，連汁都唔駛點呀。再黎就係乳豬拼生腸。睇左好幾篇食評都見大獲好評，諗都唔諗一定要試下啦。第一口係有點乳豬醬食既，其後都唔駛點，因為其實都幾夠味，有朋友可能會覺得鹹tim。上湯炸粉果係另一個好多食評推介既，所以都有叫黎試下。第一次咁樣食粉果，其實真係幾好食，不過食一兩隻都幾飽肚。而叉燒就有點偏瘦，肥番小小會好食d，不過都算軟身，唔會似擦膠。幾有驚喜既鳳城炒飯，蝦仁夠哂爽口彈牙，蕃茄味好香，又解膩。

每當年尾來臨，酒友就會身痕說要搞飯局，實際要找個地方飲酒作樂，但不少地方也有收開瓶費，或是地方問題要遷就那班大帝，之前在鳳城吃過水準不俗而且免開瓶費，所以就不多想了再來一次。在點菜方面本來大家傾向散點，但散點的話叫的東西和套餐幾乎沒分別，既然如此又何必那麼麻煩，直接篩選出八人套餐，威迫眾人同意食住先，最多之後微調加些想吃的東西，獨裁者就是不想和眾人鬥嗡辯論。鍋貼大明蝦可以說是中式的前菜吧，與蝦多士類似，是在法式麵包上搽上蝦膠再下鑊油炸，蝦膠味道鮮甜而彈牙，麵包就炸得金黃香脆，味道吸引，適合配上乾身的白酒。乳豬中拼盆份量都不少，裡面還有生腸和海蜇，當然生腸是不及萬惡的肥姐那麼好吃，爽度和入味程度都遜於肥姐，但人家獨沽滷味這樣比較實在不公，略帶爽口有滷水香就可以了。乳豬切得很大塊，這方面個人喜歡小巧而精緻的脆皮，一口一件是最好的。這乳豬的確做得香脆，底下的肉很肥美而且多肉，入口軟熟且甘香，水準不俗。雞茸魚肚羮看起來應該是十二人的份量，因為剛好填滿了整個大盆，按理不會專登買一個八人用的大盆去弄這個菜吧，雖然要填滿這個盆也用不了多少錢。看這雞茸魚肚羮鋪滿材料，亦沒有減省成本，還有少許金華火腿絲

與朋友飯聚,想食中菜,因可以坐耐d吹吓水,朋友建議去鳳城我哋由六点半坐到十点,客人都唔少,都有d嘈架,但冇所謂啦,老字号既酒樓就係咁,服務都可以炸子雞～好味,雞嫩皮脆竹笙上素～好多雜菜在內,味道啱啱好炒鮮奶～我觉得一般,冇乜味,又加左d杏仁片在面,麻麻地蝦多士～好香口,不會炸过龙 鳳城炒飯～好大碟,夠乾身,又足料整體上,不錯味道,价錢合理,值得去！

除了龍門酒家之後 再次來了一間懷舊的酒樓感覺好不同 地方乾淨多了 地面不會油油滑滑的同事們點了幾樣特別的點心給我試!义燒酥:: 有點像菠蘿包 但其實裡面是义燒 外皮是酥餅甜甜咸咸的 外皮酥酥的 好吃耶~~~蝦餃:: 外皮口感不錯 不會太綿 蝦仁好新鮮 爽的!!蒸土魷:: 雖然份量很少 一籠只有小小的三四片但蒜味好香濃 土魷很入味 口感軟軟的 最怕咬不開的!!义燒包:: 很大的一個包 比碗還要大 哈哈!!餡料的味道不會過甜或過咸 包皮軟軟的 好吃呀=]鳳城炒飯:: 看起來像是 揚州炒飯 但味道卻不同 很搭!!

昨天約友晚飯共聚於鳳城。前見很多食評都讚這兒的乳豬很好，故與友人坐下後，即叫乳豬來品嘗一番，除了叫了乳豬例牌外，還點了海鮮豆腐煲和鳳城炒飯。乳豬果然是沒有選擇錯，皮很脆及新鮮燒製，而皮下是沒有一層厚厚之肥肉。故不需要像其他食肆般將皮下之肥肉去掉，只剩一層乳豬皮，變成了欠缺有肉和軟骨一起咬下去之層次感。海鮮豆腐煲都好味道及材料豐富，有大隻之蝦仁及帶子。鳳城炒飯是炒得很香及非常好吃的，原來是加了小小蕃茄及茄醬去炒，可說是中式炒飯與西式醬料結合之好產品。此酒家環境都可以，可惜地方太擠迫，如鄰枱客人稍微移動或說話聲音提高一點點，便會影響到別人及聽得很清楚了，可想而知彼此大家都是非常親近啊！