蚊蚊豬老火鍋

營業中

休息中

其實食咗依家蚊蚊豬超過10幾次，真係唔記得幾多次，食放題次數比較多，散叫都試過唔少次，不過今次隔咗好耐再食，所以寫一寫😆疫情持續一年多，每間舖頭都唔容易，第四波之後就食好少少啦🥰食放題安格斯實在太多次，今次散叫交俾同事發板🀄️我專一嘅程度真係去到自己都難接受，無論食放題或者散叫，都係叫五指毛桃雞湯底🤣因為我覺得咁多隻湯底之中，五指毛桃同雞係最夾🥰兩位同事不停飲湯，搞到我都飲埋一份象拔蚌刺身，鮮甜爽口，新鮮👍🏻食海鮮就係咁簡單，新鮮兩個字平常食安格斯放題就會大啖大啖食，今次散叫，就好好品嚐每一片🥩好有牛味！手打丸，彈牙爽口，新鮮😋鴨血應該係盒裝，可以叫半份，過一過口引🤓鮮雞子真係不得了，新鮮冇雪味，每一粒都彈牙爆漿😆自帶白酒，冇收開瓶費🥂飲杯其實仲叫咗好多其他嘢食，有萵筍、響鈴，不過掛住食無影相🤣

話說今日朋友派帖俾我，佢揀左呢間新開既蚊蚊豬老火鍋打邊爐邊食邊講兼派帖。好少行過泥呢邊食野，不說也不知道原來咁多野食選擇。同朋友坐底後揀左雙拼湯底雞煲拼牛油紅湯窩。雙拼岩哂我不吃牛肉可以分開一邊食牛一邊不吃牛，這個半邊雞煲窩好好食，醬料較得好好味，送飯真係一流！我地叫小辣，辣得過引岩岩好。另一邊既牛油紅湯，我地以為會好辣又係叫小辣，上枱時湯面全是辣椒花椒八角等，心有點想著patpat第日實痛啦，加下一件牛油整既鯉魚很香而不油，睇得實得，原來都不是我想像咁勁，但麻辣還是很刺激味蕾，好正！不知不覺中越辣越想吃的😂😂😂😂配料方面，食物新鮮乾淨企理，不得不提是鴨血超好吃，吸了湯的味道，我們點了2碟呢😂豬大腸沒有異味，洗得乾淨全部放哂落去煲，朋友話咁樣會煲淋啲好食好多，事實也是幾淋不會un。不錯不錯！我們還要了牛脊肉，朋友說牛肉不錯。牛脂分布好，牛味重，新鮮，一整碟分量也多，扺吃呢！另外一提就是每位都有一瓶麻油，聽服務生說在國內都是沾麻油吃的，對我這個大鄉里泥講很有趣呢。整體來說食物不錯又坐得舒適，價錢合理，好味！

今日同老婆喺太子花墟行年宵，行完之後到處搵食，最後嚟咗呢間蚊蚊豬老火鍋店。呢度有兩層，地方舒適。最特別之處，係枱面擺放左每人一條圍裙同埋每人一瓶麻油。麻油啲店員話係麻辣鍋正宗嘅食法，可取代豉油。圍裙可以令到客人安心進食不用怕衣物整污糟，非常細心。湯底我哋叫咗個雙拼既，重慶活雞煲+招牌牛油紅湯鍋。雞煲食落雞肉嫩滑入味，不出幾分鐘我同老婆就食晒了牛油湯鍋牛油幾得意，整到成條魚咁一下子落去湯鍋到，望住佢慢慢溶晒，都幾過癮。食落既麻又夠辣，再配埋呢度每人一樽嘅麻油簡直天衣無縫。鮮蝦雲吞：大大隻蝦肉，蝦肉食落爽口彈牙，很正鴨血：平時食豬紅就食得多，鴨血就真係小食，估唔到原來鴨血個口感同味道都比豬紅好，好食到我哋叫左多一碟黎食。手切牛頸脊： 肥瘦均勻，肉質鮮嫩豬大腸：洗得好乾淨，食落爽口，不過老婆唔食內臟，搞到我一個人清晒總結，呢度嘅環境舒適，服務一流，湯底出色，嘢食新鮮，係一間值得一去再去嘅火鍋店。