L'AMOUR

在餐廳外面看，裏面是白矇矇一片，我按下門鐘後，職員開門迎接我們。當門打開後，一切都頓時顯露出來，原來用上特製的霧化玻璃門。好像去了另一個空間，感覺很夢幻呢！這裏吃飯充滿私隱度，很適合情侶約會等談心。首先看到的是閃亮的多層吊燈 ，棗紅色的牆身，灰色絨布椅，配上發光酒櫃，酒櫃上整齊排列着多枝酒，感覺高貴典雅。看了餐廳那本大本又有質感的menu，餐廳主打法國菜式，有很多傳統的菜式，例如威靈頓牛柳等。我們二人各點了一個套餐，另外再點了兩份主菜加一份心太軟甜品。而職員感覺專業，斯文有禮，十分配合環境氣氛。♡$688季節限定套餐前菜 •碟豆花木魚清湯、鯛魚刺身鯛魚刺身帶淡淡的粉紅色，味道鮮嫩爽口。倒一點醬汁下去，湯底顏色就會由藍紫色轉變成鮮豔的紅色，感覺很有趣呢～•季節限定法式濃湯是南瓜湯，出色的味道😋 🥢必點🥢南瓜味道香甜，味道突出，不會被忌廉蓋過味道，口感濃郁，我很喜歡呢～喝到一滴不留啊！而蒜蓉包已烘成金黃色，十分香脆，且蒜蓉味濃。•季節限定法式多士是魚子醬多士，多士味道香脆，上面有三文魚籽、黑色的魚籽和金箔，用料高級，餐碟充滿古典味道，擺盤精美。•季節限定輕食是鵝肝撻，帶有香濃的香酥味，就連

首先一讚係店長服務超好，雖然餐牌上冇乜小朋友岩食既食物，但店長細心提議叫廚師準備白汁鱸魚扁意粉（餐牌上冇的），小朋友很喜歡❤️老公生日叫左2 份季節精選，菜色擺盤喜出望外，很精緻味道超贊。前菜係日本鯛魚刺身配凍湯，味道清新跟著係南瓜湯配脆脆多士接住係魚子醬多士，滿滿魚子超滿足最贊是鵝肝撻，份量剛好，不會膩特別係日本A5和牛，多汁又稔有牛味，唯獨是牛柳已order 5成，但少少過熟， 味道還是很好。最後還有生日甜品，意大利芝士蛋糕配馬卡龍。超滿足，完美我們一家很享受的晚餐，謝謝！

之前已經預約左呢間餐廳，想要好好慶祝吓今日。差不多6點鐘嚟到餐廳，見到餐廳竟然空無一人，心諗會唔會中伏？好彩結果係無令我失望嘅，其實用餐中途已經不斷見到有客人入嚟，到我地差不多食完，餐廳亦差不多滿座。 朋友要左一個dinner set，而我見到個餐咁多嘢食，都擔心太多嘢食會食唔哂，所以只係叫左個小食再加main course。 Dinner Set($688)共有6道菜：1st 季節限定法色濃湯： 甘筍橙湯2nd 季節限定法式前菜：酒釀法式鵝肝凍3rd  季節限定法式多士：魚子醬多士4th  季節限定輕食：法式鵝肝撻5th  主菜(可選牛、豬、雞、鴨、魚，朋友揀左要牛)鵝肝牛柳6th 季節限定甜品：芝士蛋糕 一個Dinner set有成六道菜，我真係食唔晒，朋友就覺得好正、啱啱好。每道菜都會依次序，逐一上台，上台後就係影相打卡時間(😄📸碟碟嘅擺盤都唔一樣，重要超靚)。對於呢六道菜，朋友嘅評語係：每道菜都有驚喜，味道完全唔一樣，所以每食一樣都有新鮮感。🥣先講個湯，真係非常之濃稠，甘荀味非常之出。🧊而個鵝肝凍，酒味濃郁、食落真係好香、好醇、好滑。🍞魚子醬士，唔洗多講，真係有好正嘅海水味。

法國菜食得多，都係離不開港島、尖沙咀等地區。連新界都有法國菜真係未試過，今次來到位於大埔嘅人氣法國餐廳，一嘗隱世法國菜嘅滋味！來到Lamore門口就比佢超過兩米高嘅玻璃門口所震懾。其實門口係一塊極大嘅電光玻璃，合上門時係會霧化左看不透，私隱度夠高，當開門時就會自動變透明。電光玻璃好貴，淨係睇門口就知店主落足本裝修😆入到去就見到佢個signature嘅大大水晶吊燈，超靚絕對係打卡位。不過我較欣賞係佢個酒櫃，橙黃色嘅背燈，加上延伸到頂嘅陳架，夠晒氣派。我地叫左個6 courses meal $688 + 10%，除咗主菜可以選擇牛、豬、雞、魚之外，其餘嘅菜色都係寫住seasonal，夠晒神秘！頭盤：鵝肝凍鵝肝香滑，配搭各種生果夠創新，打開味蕾👍🏻雞肉忌廉湯忌廉香濃，入面有雞肉、粟米、薯仔，湯比較杰身，應該係加左薯仔蓉，所以口感好豐富，飲完都已經半飽😂魚子醬多士多士香脆，彷魚子醬份量夠晒多，味道偏咸，適合鍾意重口味嘅人士。鵝肝撻上枱時仲係熱辣辣值得一讚，鵝肝口感唔錯，酥皮正常發揮。法式西鰽鱸。椰菜花蓉。紅腰豆魚夠鮮味而且魚肉爽滑，魚皮如果可以煎脆少少會更好，份量都唔少有兩大塊，配合wasab

呢期試過幾間遠離主戰場又優質嘅餐廳, 今日乘勝追擊, 約埋幾位江湖老友嚟到大埔嘅 L’Amour. 聽講餐廳由前文華東方總廚助陣.🥢 餐廳裝修歐陸風格, 樓底夠高, 設多張四人方枱, 用餐地方見到酒吧, 氣氛格調一流. 今日點咗 “季節限定” 晚餐, 即係 “廚師發板”, $688+10%, 六道菜, 另外加咗特色飲品.🍮 第一道… 波特酒釀葡萄, 法式鵝肝凍. 鵝肝凍味道相對濃郁, 配清甜多汁嘅葡萄, 效果出色, 掂!🍅 第二道… 蕃茄濃湯. 夠熱贏咗一半, 味道少少似羅宋湯, 比起其他餐廳嘅蕃茄湯略甜又冇咁酸, 啱我口味喎.🍞 第三道… 特級魚子醬多士. 份量慷慨, 加上金箔, 睇好過食.🤗 第四道… 法式傳統鵝肝撻. 份量似鵝肝批, 酥皮底, 熱辣辣, 鵝肝味非常濃郁, 讚!🐂 第五道… 主菜: 選擇一, 法國傳統鵝肝牛柳, 五成熟. 鵝肝落咗炸粉, 正常發揮, 牛柳極厚身, 切開中間肉質非常嫩滑, 咬落又腍喎, 值得推介! 🕊 第五道… 主菜: 選擇二, 鵪鶉. 嚟法國餐廳一定要試下鵪鶉, 皮香肉嫩, 味道調教準確, 唔錯.🍰 第六道… 芒果芝士蛋糕. 芝士味相對輕身, 夾到芒

唔好來食生日飯，佢地既甜品係完全無蠟燭服務，最後要我帶埋支蠟燭嚟再話加$100先幫手整，最後買單要$2300 / 兩個人既set 雖然我哋多一個人嗌左杯嘢飲，兩個價錢應該可以食好啲嘅質素。服務都正常，上菜睇你食晒一樣，先再上下一樣野食。我應該唔會再食佢，不過成個感覺真係唔太抵食，同埋冇乜邊個菜式係令我覺得想再食多次，佢啲甜品係幾靚嘅，但本身有一杯酒想影佢個波波好快就爆咗影唔到，所以基本上成間餐廳除咗貴之外係冇咩亮點。