民聲冰室 (已結業)

行完山係筲箕灣搵食. 明明人家話筲箕灣好多野食. 但唔知係咪我地唔識路... 好似無咩鋪頭咁, 突然朋友見到呢間就話呢間係大坑好出名架. 所以二話不說成班人就決定係度食. 等左陣位. 接近兩點入場. 點知有部份食品已經買晒.黎到民聲唔係唔食呢個丫? 朋友話黎親必食 - 鹹蛋蒸肉餅, 問佢點解咁出名, 佢話因為呢個肉餅唔係平而且夠高. 望下旁邊的枱, 果然枱枱都有. 點知一食落口. 嘩... 好咸呀... 尤其底個d重咸. 最後底個part就係咁無人食.. 聽朋友講家下的高度亦比之前係大坑食矮左好多.  咁之前究竟有幾高? 手撕雞. 阿姐推介, 因為好多野都無. 所以等佢介紹. 味道還可以. 不過得面層係肉, 裡面係骨, 所以其實份量唔算多. 叉燒炒蛋, 呢個應該無得輸... 我地叫埋聽聞d叉燒都無晒... 唔知係咪咁, 所以感覺叉燒份量唔係好多..另外我地重有叫菜. 蒸豆腐, 雞煲等. 食物感覺好一般而且偏咸. 令大家有少許失望. 不過lunch time佢有set lunch. 包飯同飲品. 價錢還算抵食. 

昔日係大坑排長龍嘅民聲冰室原來筲箕灣都有分店，仲唔使排隊添！十分肚餓既我急不及待點菜，點知上菜非常快前後十多分鐘！！！😛招牌手撕雞的肉汁鮮美，雞加上芝麻及芫荽味道十分夾，非常香👍🏻👍🏻鹹蛋蒸肉餅整到成座山咁款，肉質鬆化而不油膩，而且超級抵食👍🏻👍🏻👍🏻金銀蛋上湯勝瓜，勝瓜非常之清甜，食落去沒有草青味，亦不會太林👍🏻👍🏻三款菜式用來送飯一流，自己都忍唔住食多兩啖飯餸^_^

再戰筲箕灣東大街!!! 今日的目標... 民聲冰室!!!戶外位置設有枱椅, 適合吸煙人士...還貼滿了各大報章雜誌的報導... 店內有卡位, 坐得幾舒服... 橙色與白色, 很醒神的配搭... 行到餐廳尾部有條樓梯, 可通往閣樓...午市中式套餐有12款, 包白飯及飲品...鹹蛋蒸肉餅 $38-- 迷你版火山, 鹹蛋黃色澤金黃, 油光氾濫, 味道甘香甜美, 肉餅厚如一座山, 初時還擔心會不熟, 出奇地全熟, 又柔軟又多汁, 利害!!! 肉味濃, 好味!!!瑞士汁炆雞 $42-- 份量很大, 超值... 瑞士汁香甜惹味, 炆雞入味, 甜中帶鹹, 伴白飯吃最匹配不過... 雞髀位置肉質尚有彈性, 雞胸位置肉質太腍...熱檸檬茶-- 沒有苦澀味, 茶色通透, 茶味適中, 檸檬新鮮, 最佳配搭...熱阿華田-- 足味, 又香又甜, 飲完全身暖烘烘...味道不錯, 份量足, 價錢不貴, 抵食!!! .

月初時先嚟第一次食嘢, 不過係食下午茶, 當時評價係一般, 以下午茶質素來講, 並不算好. 本着凡事都有second chance 的心態, 這晚再來一試晚餐, 結果感覺非常好!最出名的鹹蛋肉餅真係超級好食, 極之送飯, 絕對係會令你成碗白飯食到乾乾淨淨一粒都無剩果隻.好鬆, 好香, 但唯一係, 食到尾聲, 覺得個汁有啲鹹.另外再叫了一個豆豉鯪魚油麥菜, 唔錯, 但都係無法子有少少鹹.整體來說, 比起上次下午茶感覺好得多!所以, 再有機會, 係會再嚟食晚飯其他小菜的, 但下午茶就唔會啦.