影片
港鐵筲箕灣站 C 出口, 步行約2分鐘
繼續閱讀
營業時間
星期一至日
11:00 - 22:30
以上資料只供參考, 請與餐廳確認詳情
間唔中都會來呢度食飯，六點半去到呢度的確冇人嘅。夜啲就唔知啦。 基本上每次都係會食呢兩個餸，送飯一流！冇食一排真係掛住佢！我真係次次都覺得呢個肉餅好好食！真係好味道！欖菜干燒四季豆不過試過星期日中午時間來吃，由於太多人，各樣野的確都「拿西」d。平日晚上食都好唔錯啊。今日仲有合掌瓜湯，雖然有味精得來又唔算太差，呵呵！
繼續閱讀
大坑的本店去過兩次，還好。筲箕灣的店我只來吃個早餐，進去的時間，滿心懷疑，明明名聲那麼大的餐廳，裡面只有一個客人，旁邊名不經傳的，卻坐無虛席。簡單的叫了沙爹牛麵，方包腸仔炒蛋凍0 T，其實味道不差的，但我實在不能把它吃完。詳細的都不用說了，僅看看圖片便會明白，我還不大清楚還有沒有其他的，或許已經被我吃掉了，在這時才晃然大悟，明白無人光顧的原因。大家想嘗試的話，或許在吃之前要好好的檢查一次，不然食物上會加添許多天然蛋白質。
繼續閱讀
筲箕灣東大街食店之爭鬥激烈，民聲冰室已開了一段時間，若不是有相當實力，也不能留下來！每次中午，總會堆了些人在門口，幸運地總會快人一步過去搶位！它保留茶餐廳格居，共有2層，同事常常過來，勝在每同事叫一個小菜午餐（$42-50不等，有白飯及飲品），這樣大家就可以試食不同的食物，何樂而不為？不過，今天過去總覺得侍應怪怪的，有點叫天不應，舉高手都冇人理，跟平時的迅速不一樣。傳說中巨肉餅：有咸旦或梅菜選舉，這店鼓油特別香，撈飯好好食架，同事話這是已縮水的肉餅塔，今日我想一個人挑戰也失敗。肉餅味道很鬆軟，真係名實相當。同事最愛蒸鯇魚：除了愛吃魚的同事食之外，其他人沒有動過。。。份量一點不欺場為食素同事準備的梅菜蒸勝瓜：梅菜挺好吃，但我不知道勝瓜如何叫好吃雞煲：呢個鼓油汁是最強，再搭配雞件非常好餸飯！清菜：忘了加多少錢就有清菜了，突然覺得它是一道清泉咕嚕肉：酸甜味道剛好，炸粉不厚，咬下不硬，其實呢碟小菜好難會難食架！民聲除了肉餅外，其他小菜也保持一定質素，但多人去感覺會豐富一些。。。
繼續閱讀
初三約左一大班中學同學食華星， 可惜冇開， 見呢間有開就入左先算， 心諗唔會差得去邊， 點知好後悔！ 第一樣過份既係就地起價， 一個雙併要成38蚊， 我印象中平時就算華星澳牛一個常餐包粉面，多士炒蛋加埋野飲都係50，而家一個頹面都要40？ 好， 算， 照叫第二樣過份係要點名講呢位姐姐， 我地一共分三批入呢間餐廳， 當我同學叫“米粉，餐肉，炒蛋”，個阿姐竟然話“你叫左三個餸喎”， 同學聽到一頭霧水， 個阿姐補充 “ 你叫左雪菜肉絲，餐肉， 炒蛋丫麻” ， 何來既雪菜肉絲？？於是我同學就再重覆 “ 我叫左米粉， 餐肉， 炒蛋” ，然後阿姐唔道歉， 更反指“你應該講完餸先講面架麻！” 咩理論…然後， 我同另一個同學係第二批入場， 當d 野食係連第三批到餐廳既同學們都有，已過左九個字， 我同另一個同學都仲未有， 就問多次， 個阿姐又係度話“ 唔好吹啦， 你地分批泥， 梗係有d 會遲架啦” 我心諗， 第三批都泥， 遲極都唔會咁遲啦。好 ， 即管再等多半個鐘， 我地因為之後要行山所以索性取消算， 搵左個哥仔， 哥仔發現原來我同另一位同學根本冇落過單， 即係白等左成個鐘！呢個時候真係火都泥， 個阿姐點解唔check 下就一口叫我地咪吹？其實其他員工係唔錯， 起碼個哥仔醒， 同識做， 但呢位員工令到間餐廳服務同效率真係大大減低
繼續閱讀
今日係大年初二，喺東大街搵餐廳，難得呢間民聲冰室又開，眼見周圍嘅茶餐廳都好多人，但係呢間民聲冰室得兩三台，都知道有啲唔對路，但係記得佢個招牌豬肉餅好味咁就入去試吓啦。叫咗兩個餸，鹹蛋蒸肉餅，價值＄88，蜜味牛仔骨，價值＄98。其實價錢都幾貴，但覺得如果好味嘅話都唔介意俾貴少少。等左唔使5分鐘，蒸肉餅就上枱啦，水準比以前下降不少，個豬肉糊口，好鬆散，感覺好唔新鮮，食得出用攪拌機攪出嚟，冇咗彈牙肉質😢7分鐘後，蜜味牛仔骨上枱，冇諗過蜜味竟然係咕嚕牛仔骨！咕嚕汁配三色椒加牛仔骨，被騙！佢啲牛仔骨剩係得啲骨同肥膏，減埋啲骨，應該得三四件肉。個菠蘿仲要有怪味， ＄98呢個菜應該價值＄40都冇。整體而言食物質素下降得好緊要，又貴又唔好食。建議想試吓民聲冰室嘅朋友，去返大坑嗰間食好啦。依家真係一試冇回頭。
繼續閱讀