スーパー丼 (駱克道) (已結業)

銅鑼灣SUPERDON，無食過都經過過，走清新路線既日式丼飯，一定俾佢吸晴既刺身丼吸引左，北海道海鮮丼、吞拿魚三色丼、北海道馬糞海膽丼等都有，自己揀海鮮配搭亦可以😍成日都坐爆人要等位就知質素應該唔錯，發現聯乘左蠟筆小新，推出夏日限定雪糕咖喱飯系列😗真係加軟雪糕落咖哩飯度😯真係要試下，仲有小新系列既特飲，同小新精品、周邊產品，幾特別✨雖然黎試雪糕咖哩，但主賣刺身丼點可以唔試下啲刺身先呢😋刺身盛合，有三款刺身：三文魚、油甘魚、帆立貝，坦白講，三文魚真係圖文不符，實物吸引好多！🤩 係睇得出既肥美，又大舊，食落魚脂好夠，又鮮又滿足🥳油甘魚都好鮮，厚實嫩滑，北海道帆立貝夾住檸檬幾清新，都好鮮甜👍🏻試埋佢既燒物，鹽燒牛舌(三切)，上枱已經好香，好大塊厚切，焦香同牛味都好濃，好正🫶🏻今日既主角：雪糕咖哩牛肉飯(中辛)，賣相好特別，放左半個阿波羅甜筒雪糕係咖哩飯上，半溶雲呢拿雪糕，撈埋咖哩食，令咖哩滑左同多左啲奶/忌廉味😌都幾特別，我覺得味道都唔錯，咖哩牛肉有埋金菇係入面，整體都幾好味，套餐會有埋兩件腐皮壽司、麵豉湯同一杯特飲，腐皮壽司正常，點咖哩食幾得意😄揀左動感超人芒果特飲，深藍色梳打加芒果，好靚

SUPERDON 係一間以白色裝修嘅休閒簡約餐廳。店舖以質素取勝，全部魚生都係由日本空運。餐廳提供多款丼飯選擇，包括刺身丼同熟食丼，附合唔同年齡層口味。悲傷小姐今次身處銅鑼灣都享受到大眾化價錢提供最優質嘅日本刺身同丼飯。💗自選海鮮丼($244)今次悲傷小姐就自由選擇海鮮配搭，餐廳提供10款嘅刺身，每款材料價錢大約$38-$88，揀咗兩份海膽同三文魚子。丼飯飯量十足，面頭舖滿豐富嘅刺身。海膽鮮甜的腥味，入口融化，最後仲帶少少回甘，令我呢個海膽迷都融化la🥰圓潤飽滿有光澤嘅魚子脆卜卜，令成個飯嘅口感再提升，由於魚子非常新鮮所以咸味非常足夠，連日本醬油都唔需要落，基本上啖啖飯都充滿海洋嘅味道🌊💗特選燒鰻魚丼（$88）鰻魚燒得好香冇腥味，外皮脆脆嘅魚肉頗嫩滑，肉質都算肥美，而且冇乜骨，值得讚嘅係有好多舊。餐廳超有誠意加上蛋絲同紫菜絲，同鰻魚醬汁真係撈哂碗飯食🐟💗鹽燒牛舌 ($48)悲傷小姐係牛舌迷，見到有串燒係必定會叫。呢度嘅牛舌都算厚切，肉質嫩滑彈牙，配上海鹽同黑胡椒調味完全無得輸👍🏼💗 鹽燒和牛粒串 ($88)和牛只有4粒相對都幾貴，不過燒得啱啱好，內心仲有少少粉紅色，入口鬆軟juicy，

火炙三色丼$98三色=三文魚，呑拿魚，左口魚邊。好少見嘅左口魚邊，燒過之後出曬油香，入口即溶。三文魚肥美，唔洗火炙都一定好味，火炙完更加唔洗講。呑拿魚高質無腥味，燒得好靚，特別香口。**套餐會送埋麵豉湯+三文魚卷蛋**芝士年糕$38外脆內軟，以為好煙韌有拉絲，原來用咗水牛芝士，入口即溶，芝味濃郁。鹽燒牛舌$48四大件厚切，好難得完全唔韌，嫩口得嚟帶啲爽口，可惜掛住影相，食嗰陣唔夠熱。日式炸雞$48日本街頭常見炸粉，粉漿薄，肉質JUICY，真正外皮香脆，雞肉嫩滑。赤富士$30葡萄味梳打，真正提子汁味。富士山$30波子汽水味梳打，真正波子汽水味，not recommended。

自己係港島人，出街都係去銅鑼灣、太古。每次行銅鑼灣都會經過呢間Superdon，但見價錢頗高，所以一直冇食到。不過今日慶祝有Grad Job offer，自己同女友膽粗粗入左去。之前門口望入去以為只有壽司吧枱座位，原來後面仲有卡位。餐廳以白色灰色為主調，貫徹日系清新樸素既風格。餐廳有春季限定魚生丼。雖然今次沖住魚生飯而嚟，但呢三款對學生既我有啲貴，唯有遲下先再食。登登登登！我最後揀左火焰三色丼，包括三文魚、吞拿魚同左口魚，刺身輕微炙燒，逼曬啲油脂出嚟，其中以吞拿魚油脂最豐盛。另外三文魚鮮嫩肥美，左口魚比起三文魚同拖羅較簿片，但非常爽口，充滿陣陣甘香。飯嘅醋酸味突出，份量比較少，但味道確實實出色。套餐會送埋麵豉湯，味道非常濃郁。女友叫左玉子生薑豚肉丼，生薑豚肉配上溫泉蛋令口感更豐富，生薑味濃郁，豬肉肥瘦適中。另外叫左一串鹽燒牛舌，$48有四大件。厚切但完全唔韌，口感軟脆帶點爽口。一以為炸豆腐係凍食，所以成粒食，點知一咬果下熱辣辣，豆腐仍然嫩滑，外皮香脆。果然一份錢一份貨，其待下次再嚟。

假日同朋友去銅鑼灣，行到三點幾肚餓想搵野食，見到呢間餐廳未食過嘅即刻入去試下先呢個炸一口芝士岩哂中意食芝士但又怕太膩（就係我😂）嘅人食，由於係新鮮炸好所以咬落會有啲辣口，但係越食越停唔到口牛舌比較厚身，好難得燒到咬落嫩口而又入味，平時唔中意食牛舌嘅我都忍唔住食左兩塊朋友想食帆立貝所以揀左呢款有三個貝類刺身嘅丼飯而我比較中意食三文魚，就揀左呢個鋪滿三文魚同蟹籽嘅丼飯啦三文魚厚身唔腥，啲飯亦都好香口，食完又唔會有飽飽濟濟嘅感覺

今日同媽媽約好品嚐一下美食！這間是食日本井飯！在銅鑼灣這個地區好方便、在中心地帶（地鐵巴士都得）、在地鋪的。地鋪、落地玻璃、有食物圖畫推薦！好光亮的！乾淨清潔又舒服光亮的環境、好整齊的地方滿滿的客人，服務員態度友善、與客人好好溝通、內心講解；食物方面，有好多不同井飯選擇；有魚生刺身、和牛、熟食（蠔、鰻魚、天婦羅等）中午及下午茶餐的選擇都好多、豐富的食材1.（味噌湯、麻醬蔬菜沙拉）味噌湯：唔會好咸、湯中有豆腐卜、海帶、豆腐；麻醬蔬菜沙拉：清新、清甜、健康的沙拉，麻醬好香、材料：豆腐粒粒、車厘子、沙律蔬菜2. （鹽燒牛舌）鹽燒好香、牛舌好厚身、口感極佳、好好味道、外表香脆內面好香軟正呀！醬料好麻香、檸檬汁清新又去油膩，增加肉的香味好易咬開，軟腍美味3. 玉子生薑燒黑豚肉井飯玉子顏色好靚、好香蛋味；黑豚肉肉味香濃、軟腍的、薄片的、份量好多；配上微微生薑味及熟洋蔥的香甜，口味一流米飯是採用日本米，軟硬剛剛好，份量多，好滿足4. 迷你燒鰻魚飯鰻魚飯好香，鰻魚外皮燒香脆、配上香濃鰻魚汁，唔乾有咬口，媽媽的最愛，配上蛋絲及脆脆黃蘿蔔下午飯的份量剛剛好，不會太多！又抵食！下午茶餐：配上餃子熱辣辣上碟，