大滿屋日本料理 (已結業)

因為貪小便宜關係揀左5:30-7:30pm時段食晚飯雖然早但都唔少人 餐廳漸漸坐滿不過兩個人仍然可以坐到卡位食放題多數坐得迫 人少更加與卡位無緣呢到坐得舒服 而且燈光無去開嗰啲放題餐廳咁暗感覺醒神好多餐廳用貌似錦鋰o既魚做主題 天花牆身周圍都有佢地o既存在首先出場係雞軟骨串燒可能因為第一碟 味覺未打開無乜特別要講 唔覺得好食但又唔會難食之後係日式蟹粥 餐單話呢個係必食本來味覺仲未開 但睇佢個樣唔方好食就醒左三分要試真啲粥好稀下 又無乜蟹味唔多知道自己食緊乜 邊忽稱得上必食呢佢又未至於難食 但知道得呢個水平就慳返個胃好過呢啲都算係飽肚野黎架嘛蟹子沙律實物如圖 除左蟹子係沙律醬上面仲可以清晰見到佢個醬係掩蓋左九成o既野.....包括味道個醬多到覺得自己淨係食梗沙律醬乜都食唔到駛唔駛咁重手 搞到啲野唔好食成本又高左對呢碟野無印象 唔知係自己無食到定係無特色到記唔起北海道帶子刺身唔錯雖然唔大粒 但至少嫩滑有鮮味先呢盤刺身等得我好苦 差唔多半粒鐘先黎因為習慣先隊刺身再食熱野 所以一日未見呢盤野都未發力叫熟食等左咁耐又唔見得特別好食千島玉子刺身即係甜蛋 鞋口又硬唔香唔鮮甜鱆紅魚同油甘魚刺身唔知係我

是日星期日與友人行APM, 所以來觀塘搵食! 頭輪5:30PM 好FULL, 如果無訂位, 打算WALK IN是無機會的。我們被安排坐卡位，環境好舒適，屬寬敞！　飲品櫃有多款飲品任拎！又有多款雪糕！個碟幾靚，寫住＂大滿屋＂！一坐底已經即刻想火速入單！！！每台的第一輪剌身不用點，餐廳已經安排好了，而且好快上台！！ＹＵＭＭＹ！急不及待拎了２款飲品！生蝦刺身得個一個人食，　好彩可以叫１隻，好正宗，不太辣！汁不用另外點，已沾滿蝦上！天使蝦壽司－　最鐘意食蝦，蝦肉質爽口，有多款蝦的壽司選擇，好新鮮！鹽燒青花魚－多肉唔魚腥，加檸檬汁好清新！花之戀人－是花之戀，三文魚屬厚切足料，三文魚子夠多！細細粒唔會好飽！海膽親子卷－幾獨得的配搭，海膽夠甜夠鮮味！馬卡龍－見隔離台食緊，急不及待試了，咖啡味好香好出呀，入口食到nuts 味，不會over, 唔太甜，脆脆的好食呀！綠茶都ＯＫ，但唔夠綠茶味！break 左馬卡龍之後，食番Ｄ手卷，原來手卷是好迷你的，細細個唔好太多飯食到飽晒！牛油甜栗米－超甜，好香牛油味，可以encore!燒有機菠蘿－食到飽飽食個菠蘿消下滯，夠甜又唔酸！留肚食韓國密瓜雪條！正呀

好耐冇同細佬食飯, 所以約左佢食放題。 可以慢慢食, 醫肚之餘又可以傾下計, 一舉兩得。 入座之後望下周圍環境, 幾靚! 有唔少魚仔嘅裝飾, 無論是吊飾同埋掛牆嘅都有, 有心思!刺身我地準備叫野食嘅時候突然有侍應拎左一份刺身出黎。 我地話仲未叫喎, 侍應就話呢份是每枱都會供應嘅刺身盆, 方便客人唔使寫紙。 幫客人慳時間又環保, 抵讚! 而刺身方面都好新鮮, 有三文魚, 甜蝦, 油甘魚, 鮑片, 帶子等等, 款式都幾多, 唔錯!壽司新之座呢個壽司新之座其實是張紙個名, 我估是新創壽司咁解, 兩款壽司分別是花之戀人同埋香蔥拖羅脆餅。 個人覺得花之戀人就冇乜特別, 只是普通嘅花之戀, 有三文魚同蟹籽仲有沙律醬嘅配搭。 反而香蔥拖羅脆餅就幾有心思, 用兩塊小脆餅夾住壽司飯, 面頭再放上拖羅。 如果香蔥唔用洋蔥而轉為青蔥會更加好味。 不過整體都唔差!手卷呢到有三款手卷, 分別是火之戀手卷(左上), 海膽手卷(右上), 同埋軟殼蟹手卷(下)。 味道唔錯, 而且做得比較細少, 唔會食一隻手卷已經飽肚。 可惜嘅是主角佔嘅份量實在太少, 如果比例冇咁懸殊會好好多。燒焗料理我地仲試左三款料理, 有鹽燒青花