天天海南雞飯 (Fashion Walk)

營業中

休息中

已經有四個月無食大餐啦，返工返到天昏地暗。今日終於有時間食個大餐、寫下食評。這間天天海南雞名字特別，門面都特別，藍色logo大大隻有三個。一入去就見到有bar枱，仲有幾隻像真度高既公雞添。見到餐牌多款湯水都好吸引，當中最𥄫睛既係椰子八寶燉雞湯。原個椰子送上，店員即場淋玫瑰露並點火，足足燒了十幾秒。雞湯香氣十足，用料亦十足，味道濃郁，真的啖啖滋味。 兩個人飲有啲唔夠喉。我見幾乎枱枱都會點天天海南雞，所以一定要試下。果然不錯👍🏻雞做到無骨兼嫩滑，雞皮唔肥，份量應有半隻，而且有三款醬點。辣醬都幾辣，點青瓜好夾。個人鍾意點黑醬油加一小條芫茜吃，好滋味。這裡的食物都扮靚靚出場。鹽磚和牛更有一寸厚的鹽磚放底，而和牛上有木魚同炒得香口既蔥頭同蒜。和牛香口重牛味，好食！和牛熟度剛剛好呢！最後就是甜品了，榴槤丸子外皮炸得好脆，內裡煙韌。榴槤味芝麻味夠香，不過價錢貴了一點。

20200223🌤️Sunday🌹「天天海南雞」新加坡米芝蓮餐廳在2018年初來港開業，每次經過都排長龍，所以等到今天有緣分品嘗；店鋪裝潢時尚，環境高格調氣氛🕯️ 已黑藍顏色為主，更喜歡餐廳播放柔和音樂，門口位置更設有情調酒吧區🍻白飯值得一提，我特意問 Waitress, 點解白飯可以熱騰騰又不會太硬，Waitress 解釋因為經過特製蒸煮，之後再放落石鍋裡面，所以保持一定溫度。服務態度非常之好，態度親切😍每送上一道菜都會介紹一番👍👍👍

天天海南雞是我每次到新加坡必定光顧的食店，過江後跟另外三家米芝蓮推介的獅城猛龍超好面、老街坊及五十年代合作變身成為一家時尚精品餐廳，試問怎可錯過天天海南鷄皮薄肉滑，無肥膏、無雞腥味，既健康又新鮮！雞油飯用石窩上，保持着溫度，粒粒都好好味被鄰桌食客的鹽磚和牛吸引，點了同款菜式！澳洲和牛肉質嫩而多汁，入口即溶！蒜蓉露荀大大棵！口感一流，清新之選飯品方面也充滿南洋風味，有滋養薏水及五十年代奶茶下次一定要在午巿再來體驗一下新加坡地道模式，試試超好面及老街坊的招牌菜

之前係plum food 已經食過佢地招牌菜式天天海南雞飯，適逢朋友想食新加坡菜式既晚餐，就同佢一齊再去品嚐呢間米芝蓮餐廳！黎到都幾多人下，等左一陣就有位啦！睇完menu後我地當然叫佢地招牌菜式：天天海南雞飯（例牌）再加多個鹽磚和牛。呢度既海南雞飯配埋佢秘製既三款醬汁，真係好開胃，雞肉又唔會太肥，點埋佢個醬汁更加yummy! 另外個鹽磚和牛都唔錯，佢上面舖左層木魚，熱辣辣時佢就會郁郁下，好有動感既和牛好似係度跳舞ing🤣,和牛肉質好唸，肉味香濃！原來呢度除左海南雞之外，和牛都係不二之選！👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

近日超人氣「天天海南雞」，每次經過人龍不短，終於草根姐妹都去朝聖一下。一步入餐廳🍴，草根姐妹以為自己去了中環的高級西餐廳，近入口位置設有Bar枱🍸，感覺好Chill~環境令人忘卻今天吃的是海南雞飯呢🙈💕天天海南雞［例］($148)+天天石鍋雞飯（$48）Tian Tian Hainanese Chicken 主食方面，點了店內主打的天天海南雞🐔🍚。店內寫著用了肉雞，雞肉嫩滑，這款肉雞特色在於脂肪特别少，雞皮薄到緊貼雞肉，皮肉之間有層晶瑩的啫喱。不過同時草根覺得雞肉味道唔突出。雞飯亦是這晚的另一重點❤️!晚餐的雞飯要另點，所以午餐較抵食呢😝！雞飯做到油而不膩，有少少雞油能帶出香味，以石鍋盛載可保溫之餘又可令米飯不會變乾，不錯吃。海南雞還附有3款醬汁，草根認為酸辣醬最突出，雞肉點醬後正好彌補肉味不足的問題。可惜的是價錢很貴，想必這個價格有一大部分都用以交掉租金和裝修呢😭。鹽磚和牛 ($148+$20金蓮花葉Nasturtium Leaves)Sautéed “Wagyu” w/ Garlic on Salted Rock鹽磚和牛賣相特別精緻，賣相非常高檔，餐廳以鹽磚做底，上面放上和牛粒 ，置

話說我個嘴尖既fd話好好食，咁我就緊係心郁郁想試，今日終於有時間試啦，七點去到排隊，人龍都ok, 等左差唔多半個鐘，就有職員問我地坐唔坐outside可以唔洗等，貪快就中伏啦！因為牌照問題，outside全部唔可以用餐具，所有嘅食物及飲品都會用外賣盒上，不過係免收加一，但係我寧願俾加一都想佢俾返哂D碟我。。。騰雲駕霧冇咗乾冰，鹽磚和牛冇咗舊岩鹽，完全唔係果回事，真係好失望。。。最重要嘅係海南雞唔係想像中咁好食，完全冇雞味，好多骨，啲肉仲好"林", 不過個雞油飯係好好食好香！ 提一提雞同飯係要分開嗌架！！！cocktail唔係十分特別，連杯變埋膠杯，連想飲既衝動都冇。。。服務好好，負責serve我地area嘅staff會keep住問客人意見，十分健談~

跟友人去朝聖🤩期待已久星洲的天天海南雞飯來到香港了😋一行數人來到餐廳先在bar桌上點了幾款特色cocktail🍸名字很可愛「I’m 18」「Maybe you are young」我淨係記得呢兩款🙊前菜「黑松露蝦多士」老闆親自送上接著「黃金翠玉瓜淮山雙拼」、「花雕醉蝦」、「冰鎮鮑魚」、「鹽磚和牛」美味之餘賞心悅目加上老闆貼心推介的燉湯「杏汁燉白肺」夠晒滋潤適合女士們，而「黑蒜雞湯」聽說是男士恩物😏主打🐔「天天海南雞」當然唔可以錯過啦😝雞肉嫩滑可口，三色醬汁畫龍點睛，油飯跟石鍋上香口貼心「菊花芥菜膽」清香，「鴛鴦菜花」野味最後「三色花海麻辣火鍋」配「雪花肥牛」&生財「生菜」🙈已經飽到一個點（其實我仲想試下咕嚕肉、賽螃蟹、乳鴿.....) P.S 五十年代咖啡必叫☕️天天海南雞飯 (銅鑼灣)銅鑼灣京士頓街9號Fashion Walk地下H2號舖