Spring field (已結業)

春園牛河已經食過好多次，不過第一次試凍食嘅豆漿河，忍唔住想再寫個小小的食評。-🔸鹿兒島黑豚肉濃豆漿冷河粉 $84真心毫不遜色於牛河，難怪咁多人推。呢款個湯底較為濃厚，河粉質地比較煙韌。雖說是凍食又不至於真係好凍，比較偏向微涼再凍多少少。湯底冇想像中咁重豆漿味，少少鹹鹹地，㗳真啲後勁先再滲出豆漿味道，個人感覺似係豬骨湯加豆漿(?) 豚肉肥瘦相間，肉質沒有很嫩滑不過都唔鞋口。如果對豆漿同豚肉都唔抗拒嘅好建議要試一次✨

明明只係五月，但係天氣熱到好似七八月咁，行幾步已經岀晒汗，落灣仔買完啲嘢熱到想死，諗住食埋嘢就返屋企凉冷氣算，喺橫街入面見到一間越南fusion，咁啱又冇人排隊，快啲入去坐底先。餐廳好似係主打食牛肉嘅，不過我就比個冷麵吸引咗，一來天氣熱想食凍嘢，二來凍豆漿河粉我未試過呢個組合，加上好少見呢種口味，所以就要咗個「鹿兒島黑豚肉濃豆漿冷河粉」。湯底非常清爽，咸咸地但保留到豆漿嘅豆味。河粉都好爽口再加埋大量紫洋蔥、芫荽同青蔥食落更加清新。我知餐廳主打係食牛肉嘅，牛肉就等下次啦。

四個人放工後想食個飯傾下計，但又唔想太貴，於是去左呢間幾有人氣嘅越南菜餐廳。餐廳主打越南河粉，價錢由$73至118不等，豐儉由人餐單我地主要都係叫左兩款河粉同埋一個小食，仲有一個季節限定食品（特濃日本雞蛋布丁）。講左個澳洲牛丸牛肉雙併河先，呢個真係食左一啖就明白點解會係店長推介。個湯底有濃濃牛味之餘，一d都唔油，而且清清地，食晒成碗都唔覺得膩而且個牛丸真係超！好！食！不但止更彈牙，仲要好多汁同好重牛味，令人諗起食神嘅「瀨尿牛丸」生牛肉都好味，唔會韌店長推介澳洲牛丸牛肉雙併河至於個鹿兒島黑豚肉濃豆漿冷河粉就係貪得意先叫嘅，個人覺得同想像中真係有d落差。就咁睇名，我以為係好似平時飲果d豆漿咁，甜甜地嘅。點知黎到先發現係咸嘅，不過都好香豆味但扣分嘅係d豚肉太肥，肥到食食下覺得個麵好膩，食到一半都食唔到落去了鹿兒島黑豚肉濃豆漿冷河粉個雞翼一黎係勁香蒜味，但食落係冇聞落咁重蒜味，要點側邊d汁先夠味香草牛油蒜香雞翼最後最令我驚喜就係呢個季節限定食品～個布丁充滿濃濃雞蛋味，配埋個淡淡咖啡味嘅淡忌廉真係絕配，一d都唔膩而且個布丁好滑，真係想食完再食特濃日本雞蛋布丁配自家製咖啡淡忌廉