Spring field (已結業)

明明只係五月，但係天氣熱到好似七八月咁，行幾步已經岀晒汗，落灣仔買完啲嘢熱到想死，諗住食埋嘢就返屋企凉冷氣算，喺橫街入面見到一間越南fusion，咁啱又冇人排隊，快啲入去坐底先。餐廳好似係主打食牛肉嘅，不過我就比個冷麵吸引咗，一來天氣熱想食凍嘢，二來凍豆漿河粉我未試過呢個組合，加上好少見呢種口味，所以就要咗個「鹿兒島黑豚肉濃豆漿冷河粉」。湯底非常清爽，咸咸地但保留到豆漿嘅豆味。河粉都好爽口再加埋大量紫洋蔥、芫荽同青蔥食落更加清新。我知餐廳主打係食牛肉嘅，牛肉就等下次啦。