君悅咖啡廳

營業中

休息中

上次到訪是一月中，當然疫情嚴峻，市道好差，但反而覺得去餐廳用餐既經驗較好，厨房較用心處理食物。今次再去係為咗同屋企人慶生，幸好壽星叫嘅阿根廷西冷仍然保持水準但今次嘅頭盤沙律明顯份量少左，仲唔記得落鯷魚，我揀咗佢地最出名嘅海南雞飯，但係同十幾年前食第一次嘅感想一樣：不過不失到咗令人期待嘅甜品時間，今次揀咗時令嘅green grape fruit cake ，味道真係好普通，連伴碟都求其咗，真係有啲失望雖然價錢不變，但真心覺得可能個市好番所以餐廳都冇之前咁用心做個餐，只有餐廳職員嘅服務態度維持到四星酒店嘅水準⋯所以都係時候去發掘新地方了

為靚靚媽咪慶生，疫情下一家四口決定選於灣仔「香港君悅酒店」潮玩staycation。酒店離灣仔地鐵站只需步行八分鐘左右，與香港會議展覽中心直接相連嘅入口（下圖右方位置）都好易搵。五星級酒店嘅大堂富麗堂皇。中央大大盆蘭花鮮艷有氣派。升級海景套房面積寬廣，睡房、客廳、浴室嘅空間感都一樣咁足，豪華得很。浴室延伸至睡房嘅設計尤其時尚。最煞食就係個無敵海景，日夜都咁迷人璀璨。辦妥好入住手續後，午餐就直接喺「君悅咖啡廳」度食。樓底高高嘅餐室十分開揚，空氣亦相當流通。於限聚令下，通道都一定有一點五米嘅距離，餐桌自然地分隔得夠開，而且張枱大極都只能擺出二人散座。相信中間嗰排紅色厚墊卡位應最為舒適。每位席上都擺有齊備嘅自用中西餐具、口罩套及濕紙巾。午市散點餐牌大大張，一邊中文，一邊英文。細啲嗰張為三道菜午市套餐嘅餐牌，同樣有齊底面嘅中英文版。場內嘅服務生其實都好熟手，只係碰巧滿座時難免會顯得人手不足。點好菜，先有麵包籃。四口子中，只有哥哥點選套餐，頭盤要凱撒沙律，主菜點阿根廷西冷，餐飲就揀咗杯特濃咖啡。當中甜品一環可於雪櫃內任揀一款西餅或自家製雪糕。大肥爸爸同靚靚媽咪喺隔離枱分咗三款輕怡版嘅香茅大蝦沙律

本人好喜歡食海南雞飯，但香港真正好食的新加坡海南雞飯不多，今天是特意來試全城數一數二貴既海南雞飯是日下午接近2時都相當full house 環境以一間5星酒店來說有點強差人意，枱與枱之間既距離都好密另外感覺上這兒trainee 比較多，看到落單時也要找senior 或送菜送錯枱既情況。落單後先有麵包籃，熱辣辣相當討好，有紫菜面的小圓軟包比法包好食。從落單到海南雞飯上枱等了約20分鍾，應該是即叫即整吧。先喝一口冬瓜粒雞湯，相當濃雞味，感覺似食雞燉翅時的金華火腿雞湯味。個人口味覺得食海南雞飯飲清雞湯會襯點，所以沒有再飲這濃雞湯。再食一啖雞飯，值得一讚係佢相當相當熱！熱到微微冒煙！雞飯是正宗雞油飯不是雞汁或雞湯飯，因為佢夠熱，所以也不覺得太油膩，飯感覺是絲苗米混入珍珠米，口感不錯！ 雞肉，相當的滑！連最厚身位置既雞胸肉都相當滑！ 雞真的煮到剛剛好，不會有血水但又不會過熟變鞋！真係要一讚佢既功夫！雞皮算薄，而且底下無多餘既肥膏。因為是新加坡式而不是泰式，所以雞本身就是白切雞沒有太多味，靠的是3種醬汁。我最喜歡左面的有少少甜辣又好香薑味的黃色醬！ 中間的甜豉油都好好食，右面既䓤蓉就是平時一般的味

認識十多年的友人生日，話想試海南雞飯好耐，於是一行六人到君悅預祝未點菜先上麵包籃，係可以refill的！熱辣辣既多款麵包！最難忘係紫菜包，少鹹，帶有淡淡紫菜味綠茶包都唔錯，略嫌綠茶味唔夠濃，不過色水就好靚。每人食咗兩個包，上主菜啦！可以揀雞胸或雞髀，本人自細鍾情雞胸，貪佢啖啖肉又冇咁肥嘛雞既份量如圖所示超多！雖然係雞胸但完全唔鞋口，仲好有雞味！油飯亦有雞油香，食落唔膩，結果雞未食完已經扒晒碗飯另外碗雞湯真係要讚！係飲過最好飲既雞湯！香甜、濃郁、鮮味！各位食家黎食記得飲咗湯先，唔係凍晒就冇咁好飲架喇～食完飯雖然好飽，但甜品係第二個胃既！所以每人叫多件蛋糕酒店蛋糕黎講價錢合理，賣相精緻，有金箔鋪面，成件事高級晒我件chocolate cake因為係黑朱古力，所以唔甜，但亦唔會太苦澀。食到中間有酸酸地既raspberry，半粒上，連埋朱古力一齊食可以中和到苦味。以前去獅城時食過某大酒店既海南雞飯，覺得一般，個人認為君悅既海南雞飯比獅城既優勝得多！而家邊打食評邊回味當時既滿足感～