影片
更多
2015-01-29
12228 瀏覽
認識十多年的友人生日，話想試海南雞飯好耐，於是一行六人到君悅預祝未點菜先上麵包籃，係可以refill的！熱辣辣既多款麵包！最難忘係紫菜包，少鹹，帶有淡淡紫菜味綠茶包都唔錯，略嫌綠茶味唔夠濃，不過色水就好靚。每人食咗兩個包，上主菜啦！可以揀雞胸或雞髀，本人自細鍾情雞胸，貪佢啖啖肉又冇咁肥嘛雞既份量如圖所示超多！雖然係雞胸但完全唔鞋口，仲好有雞味！油飯亦有雞油香，食落唔膩，結果雞未食完已經扒晒碗飯另外碗雞湯真係要讚！係飲過最好飲既雞湯！香甜、濃郁、鮮味！各位食家黎食記得飲咗湯先，唔係凍晒就冇咁好飲架喇～食完飯雖然好飽，但甜品係第二個胃既！所以每人叫多件蛋糕酒店蛋糕黎講價錢合理，賣相精緻，有金箔鋪面，成件事高級晒我件chocolate cake因為係黑朱古力，所以唔甜，但亦唔會太苦澀。食到中間有酸酸地既raspberry，半粒上，連埋朱古力一齊食可以中和到苦味。以前去獅城時食過某大酒店既海南雞飯，覺得一般，個人認為君悅既海南雞飯比獅城既優勝得多！而家邊打食評邊回味當時既滿足感～
未點菜先上麵包籃，係可以refill的！
麵包籃
203 瀏覽
0 讚好
0 留言
綠茶包都唔錯，略嫌綠茶味唔夠濃，不過色水就好靚。
每人食咗兩個包，上主菜啦！
海南雞飯
$255
237 瀏覽
0 讚好
0 留言
雞既份量如圖所示超多！雖然係雞胸但完全唔鞋口，仲好有雞味！
油飯亦有雞油香，食落唔膩，結果雞未食完已經扒晒碗飯
另外碗雞湯真係要讚！係飲過最好飲既雞湯！香甜、濃郁、鮮味！
各位食家黎食記得飲咗湯先，唔係凍晒就冇咁好飲架喇～
食完飯雖然好飽，但甜品係第二個胃既！所以每人叫多件蛋糕
Raspberry and 72% chocolate cake
$48
203 瀏覽
0 讚好
0 留言
我件chocolate cake因為係黑朱古力，所以唔甜，但亦唔會太苦澀。
食到中間有酸酸地既raspberry，半粒上，連埋朱古力一齊食可以中和到苦味。
以前去獅城時食過某大酒店既海南雞飯，覺得一般，
個人認為君悅既海南雞飯比獅城既優勝得多！而家邊打食評邊回味當時既滿足感～
題外話/補充資料：
身為五星級酒店既咖啡廳，呢度員工服務只屬一般。
唔會主動加水，有客遲黎又唔會主動俾隻杯，有個經理級阿姐幾次見到我地揮手竟然當睇唔到。
非常有待改善。
(以上食評乃用戶個人意見 , 並不代表OpenRice之觀點。)
張貼
