La Vache!

營業中

休息中

雖然在尖沙咀開了分店,還是覺得卑利街本店最好,已經吃了好多次,永遠冇失手.依度係食牛扒,並沒有其他選擇.所以一坐低同佢地講食幾成熟牛扒同飲咩就可以了.依度麵包冇乜大驚喜.沙律好吃,最喜歡佢有合桃.牛扒選了四成,會有個架用蠟燭伴着食,不過要小心Overcook,怕太熟可以放在碟,食之前放上去整熱食每次來食薯條都食飽,依度薯條係用煎牛嘅油炸所以有好重嘅牛扒味.最最最正係薯條係冇限任食,所以每次都食到飽飽.今次吃得太飽嘅關係,所以冇叫到甜品,依度布丁都好好味架！佢地會成架甜品車推出來比客人點架,次次都好想叫曬佢唯一缺點係依度比較嘈,傾計冇咁方便！

間唔中一次嘅Mrs Wide (請自行翻譯成中文）飯聚又到喇，今次都係揀尖沙咀，因為對港九新界嚟嘅「阿太」都好方便。之前冇留意，嚟到La Vache 坐低先知，原來呢度只供應一款套餐，就係沙律、10oz 牛扒、薯條餐，侍應知我第一次嚟，亦用咗帶有法國腔嘅英文，愉快地向我解釋一次：呢度嘅概念係想帶畀大家一個簡約嘅法國晚餐，所以客人只需要揀牛扒幾熟就得喇，薯條無限供應㗎。朋友即刻話yay！咁我哋唔使揀，留多啲時間傾吓偈啦。我哋幾位叫咗牛扒medium rare x 1, medium x 1 , medium well x 2。四塊牛扒以鐵碟捧上，嚟到就一直用小蠟燭座熱保持溫度。見牛扒燒到黑黑的，好似燶燶地，但食落原來只覺充滿焦香，每一口都併發牛油脂，真係超正。薯條亦都好好食，但我胃口唔算大，冇refill喇。飲咗3杯酒，2杯果汁，食埋甜品，4人聚會埋單每人$440，有酒有高質牛扒，食埋甜品，真心不錯呀。大家傾完，只係話最好提供埋餐湯，咁就完滿喇。

這間餐廳對一上想靜靜地座低傾計有點難道，背景音樂太大、檯與檯密度太高。餐廳環境尚可接受，食物質素、用料高、背回其它不足之處。這晚我們一行二人了一支House Red Wine，味道易入喉，果味重，出奇地好味。全間餐廳只有一款菜式，牛排🥩餐，只要跟侍應說明熟成數即可、食物會隨之送上，首先是麵包，沙律、牛排、甜品（另叫）沙律🥗食得出用上靚欖油牛排略有點失色，有點鞋（五成）甜品侍應會推著手推車向客人介紹每一款甜品，但要另外計錢，每一款都好吸引，最後點了栗子蛋糕，很好味，栗子味重總結：餐廳無得訂檯、嘈雜，但食物拉回不少分數，值得一試

今日太太生日, 晚上唔知食咩好, 我原本諗住去D 普通地方食, 但太太想食好D, 又唔想太貴, 就上Openrice search, 結果搵到呢間, 原本年頭結婚周年日時都想來食, 結果今晚至真係去呢度食。上網見晚上都幾多人, 於是就5:50p.m. 就到門口, 排第一, 準時6:00p.m. 入去, 環境都算OK, 係有少少迫。之前做左功課, 知道只有一味主菜, 就Order 左兩份medium well done 的牛扒。先講麵包, 係ok 的, 不至於好好味。個salad 都ok, 又係一樣不至於好正。到主菜, 件牛扒唔算大件, 但真係幾好味, $298 呢個價好抵食下, 性價比高, 係薄左少少。食完就等甜品, 侍應介紹signature disk, 係棒子味的唔知咩野, 都幾好味。另一件甜品係lemon cake, 好味。埋單$900有找。下次可以叫少一個甜品, 因為都成$108一件, 1/3 件扒的價錢, 個人覺得唔太抵。 至於服務真係幾好, 問左我幾次食物的意見, 又問左我要不要refill d 薯條, 招呼真係好好。

呢排食左幾間想左食好耐（由佢開到而家！）終於食到嘅餐廳👍🏻其一就係中環中價扒房 La Vache!呢到book位要5位起，否則就要walk in。之前來過知道walkin要等個幾兩個鐘所以放棄左，今次朋友7點先來登記（佢在有檯時會打電話通知），都等左大約1個鐘。內裏環境都好似歐洲的bistro餐廳只要一樣餐點：牛扒+任添薯條 每位$298Drink list如下我地點了house wine，橙汁 同 L'elixir (cocktail)講左牛扒要幾成熟後，先送上麵包+沙律食住先沙律個dressing（唔清楚係咩）似加左檸檬汁，酸酸味味好refreshing吃完沙律後，牛扒大約係點左餐後30分鐘上餐廳會在牛扒盤子下放了小蠟燭keep warm我地3人都要medium rare，覺得比medium rare熟d d但可接受外層煎得幾香脆、裡面keep到d肉汁，食落唔會好硬，肉質算柔軟牛扒碟上有3種不同醬汁，番茄醬、芥末、蒜味蜜糖醬（？），我最喜歡係蒜味個個醬，不過其實唔點醬牛扒本身都好有肉味！當然呢個價錢，唔好expect有好靚的牛扒，但以 出街食·中環·晚餐·牛扒 來講，呢個價錢好ok

小吉最喜歡吃牛扒, 城中的大熱店La Vache!一直是我們想要吃的店子. 是日就在意外之下, 跟文迪, 總管以及Min姐來到這裡吃午餐. 原來星期六的下午, 店子是沒有甚麼客人的, 到了下半段, 我們更是包場. 如果大家在晚上要排大隊的話, 星期六午市來吃會是個好選擇.這裡的環境簡潔, 很有巴黎小店的風味. 至於吃的, 是不用揀的, 因為店子只供應一款菜式, 就是$258的套餐, 大家只要揀生熟程度就可以. 當然, 如果想喝酒的話就要另外點選了.麵包: 先來的例牌是麵包, 我一向對法式麵包沒有好感, 是日吃到的, 也是麻麻, 實在是偏硬, 不夠鬆軟, 只吃一件已經相當足夠.Green Salad with Walnuts: 7.5分, 既然主菜是牛扒, 頭盤來點菜蔬是合情合理的. 這裡的沙律份量幾大, 沙律菜是幾新鮮的, 夠爽口, 配上的芥末醬汁是幾醒胃的. 不過合桃就不太脆身, 影響了食味.Trimmed Entrecôte Steak: 8分, 雖然是日客人不太多, 但也要等了良久才有得食. 店員把我們四人的牛扒一併送上, 放在鐵架上, 下面還有蠟燭加熱. 她先為我們每人夾兩件牛

潮人表弟來港工作已近三年，出名愛蒲，對年輕人o既新蒲點更可稱得上係無一不知。佢今年升咗職，加咗人工，所以特意約肥肥家族去佢認為今期為最潮o既西餐廳la vache「鋸扒」，順道為小肥表哥同姨媽慶祝生日；佢咁有心，我地一家四口真係好感動 。潮表弟所揀選o既la vache都幾隱蔽，大中小三肥用齊三部智能手機搵咗成五分鐘都搵唔到 ，結果要向警察叔叔問路先知原來卑利街橫越一條樓梯，而餐廳就喺樓梯底隔兩個舖位；即係話，如果坐的士，喺士丹頓街落車，大家應行落樓梯；如果喺荷李活道落車，則要行上少少斜坡；個人覺得後者路程較短及安全。當晚喺斜坡上行咗不少冤枉路，大肥爸爸及雙腳較弱o既媽咪入到扒房都已經攰哂 。La vache不設訂位服務，不過我地嗰日好好彩，八點鐘咁啱有張六人枱，仲要係全廳最正o既一角梳化櫈，雖然室內氣氛較嘈，但兩老總算坐得舒舒服服。潮點果然係潮點，幫襯o既全部都係年青人，全店最年長就係家父同家母 。店內燈光柔和，大肥就略嫌昏暗，座位舖排非常簡單，店舖中央為酒吧及十二個座位，食客可於酒吧區域淨飲或用膳，而其他散座則全部靠牆及圍繞住酒吧三面，其中靠牆座位全為紅色o既梳化櫈，最為舒