威龍海鮮酒家

營業中

休息中

將軍澳人多數入西貢食海鮮，今次轉一轉陣去鯉魚門近油塘仲方便滙合各方好友。好耐冇去鯉魚門這條海鮮街，環境同店舖都冇大改變，今晚搵返曾經光顧過嘅「威龍海鮮酒家」，之前一日寫好菜單去到就唔使再研究食乜～坐低就可以開餐😋 難得約齊人梗係把握時間雞啄唔斷。餐廳有兩層，同時打對面鋪。每層內有幾間獨立房間，亦可以打通。早少少訂位就留咗依間有超正海景嘅獨立房，自成一角，仲可以欣賞有漁村風貌的日落景緻😍  前菜有酸薑皮蛋，酸蕎頭。傳統食法，皮蛋可以蘸砂糖～皮蛋本身好大隻，糖心軟滑，配合大大粒嘅蕎頭或酸薑，絕對能夠打開胃口。另有青瓜條，爽脆清甜，醬汁微辣酸酸地十分醒胃。白灼海鮮蝦🦐🦐海蝦大細適中，蒸得啱啱好肉質嫩👍🏻。外殼比較硬和乾身就知道唔係養嘅蝦，蝦味特別鮮甜！好有heart每位都提供一小碟秘製香蔥醬油。風沙豆腐爆香嘅炸蒜香氣撲鼻非常吸引，避風塘嘅做法十分惹味。豆腐酥炸外皮夠脆，一啲都唔油膩，炸豆腐呈淺金黃色，充滿蒜香，配合啤酒🍻爽到不得了！豉椒蟶子伴煎米粉火候掌握得啱啱好，蟶子肉質超爽嫩，豉椒汁唔會太鹹，旁邊的煎米粉外脆內軟，沾上豉椒汁同吃味道超正！美極煎鮑魚賣相比清蒸更為普通，殊不知味道相當吸引，

中秋前夕, 約埋舅父一家一行8人去鯉魚門食海鮮。一向食海鮮都好怕比人呃, 經同事介紹咗佢之前幫襯過呢間叫威龍海鮮酒家, 預先打電話去Book位, 講低咗自己預算, 最後以每位$600, 由餐廳發板安排咗今晚嘅seafood dinner。餐廳算係企理闊落, 有多間獨立房間, 而今晚book嘅正正係海景房, 望住海景食海鮮, 幾咁chill~入座先送上前菜, 其中嘅皮蛋彈滑, 而且仲流心, 白灼蝦: 蝦肉鮮甜爽口, 唔係痴蝦殼嘅死蝦質素。配有似係平時酒樓食蒸魚豉油連蔥嘅醬油, 更加提鮮。鹽燒鮑魚: 表面望落好乾身, 食到少少鹹味, 冇覆蓋鮑魚本身嘅鮮甜, 口感爽得黎唔會難咬開。豉椒蟶子: 蟶子切得比較短, 豉椒鹹香惹味, 唔會過鹹, 爽口冇渣, 伴有米粉炸成嘅米餅, 沾豉椒汁食, 香脆惹味。酥炸生蠔: 表面毫不油膩, 每件賣相脹卜卜, 一咬外層鬆化, 內裡嘅蠔juicy鮮香十足。風沙豆腐: 放上檯已傳出香噴噴, 炸豆腐微脆, 夾集有如避風塘嘅配料, 少少辣, 香口惹味。油鹽焗奄仔蟹: 奄仔蟹蟹膏比例多, 甘香鮮甜creamy, 可拆出梳梳蟹肉。麵醬唐生菜: 麵醬鹹鹹地, 很有鄉村風味。生

今日同一家人入鯉魚門「威龍海鮮酒家」食飯慶祝中秋做節，酒家座位寬闊仲有多間包房，最啱一家人或一班朋友聚餐，有些房間仲有落地大玻璃可看到海景！酒樓員工服務態度亦非常友善貼心，今晚人均消費600元。白灼海鮮蝦：師傅掌握時間得好準不會過熟令到蝦肉爽口鮮甜, 配合埋威龍酒家自製嘅醬料鮮味更加突出！鹽燒鮑魚：食開清蒸鮑魚多，今次鹽燒食落有小小鹹味夾帶住鮑魚鮮甜味，咬落彈牙。豉椒蟶子：豉椒係經典廣東煮法，豆豉香味更帶出蟶子鮮甜爽脆，再配上炸過嘅米粉餅, 簡直一絕！酥炸生蠔：師傅炸生蠔技巧非常了得，脆漿薄外脆內嫩，裏面重係juicy，真係值得一讚！風沙豆腐:外皮超薄又脆，一咬落去超軟豆腐就要滑出來，味道有蒜香帶微辣好惹味。油鹽焗奄仔蟹：蟹膏淺黃香軟甘香，吃起來柔滑細膩，肉質細嫩鮮甜，超好食😋麵醬唐生菜：新鮮唐生菜同麵醬同炒很特別，生菜入口爽脆唔會過咸重, 食到麵醬香味。生炒排骨：排骨炸得香脆，每粒排骨剛好掛到醬汁，酸甜度適中！招牌炒飯：炒飯炒得好乾身，粒粒分明唔會一嚿嚿，有蝦粒，叉燒粒每一口都好滿足！最後重有生果拼盤送，有木瓜、西瓜、哈密瓜，都好新鮮甜美，非常貼心！