荳子烘焙

營業中

休息中

近年烘焙店🥯越開越多創造嘅產品越嚟越精緻，布丁包類勁盛行！明顯係要比人打卡哈哈😄雖然個人都仲係比較傳統，鍾意食啲港式麵包，額外就係法包🥖🥖但間中都會買啲特別嘅Pastries同屋企人一齊試試自從荳子開咗新分店咁就腳，都試咗幾款唔同嘅產品，法包、芝士Toast等都正常啦比較值得試個人認為係呢個麻糬葡撻，全家大大細細都好鍾意😊少許創新之餘，味道甜度啱啱好唔渴口，加咗麻糬甜度反而平衡番，咬到入面煙煙韌韌配合得幾順，又冇想像中咁滯正呀🫶🏻🫶🏻

之前朋友食完佢地嘅麻糬葡撻，大推我要試呢間嘅包，話cp值好高，全部大大個漲卜卜，麵包控一定要一試。Search過之後原來新開咗係沙田中心，所以去試試佢。舖頭係轉角位，有個L型嘅display櫃，麵包種類好多 : 有吐司、法包、貝果、酥類、忌廉包、牛角包等等綠茶忌廉包感覺好似蜜瓜包，有個甜甜嘅綠茶脆皮，包中間嘅忌廉餡食落有濃濃綠茶味，一啲都唔甜，反而係有綠茶甘。紫薯麻糬包食落麵包比較薄，餡都幾多，紫薯同麻糬mix埋係個餡到，紫薯比麻糬多，食落仲有啲紫薯粒。伯爵比高包佢地bagel比較普通，偏乾身，唔算煙韌，對比其他包就比較遜色。肉桂馬芬可頌呢個包好有驚喜，係muffin形嘅croissant，然後成個外層痴滿咗肉桂糖，焗翻熱食十分脆，肉桂超香，外脆內軟，肉桂愛好者不可錯過。香芋芝士法包將香芋粒同芝士粒放入法包中間，餡料好多，但香芋味完全cover咗芝士嘅味，芝士係高溶點嘅type所以焗完佢都唔會溶，法包外脆內軟(唔係介口嘅果種)，建議切開一半分兩餐食。麻糬葡撻係葡撻中間再加麻糬都冇得輸架啦，個撻係藍色麵包舖果種，麻糬同蛋漿比例1:1.5左右，食落個麻糬同蛋好似融為一體，好舒服好一致嘅感覺