川府宴 (已結業)

今日出開銅鑼灣，朋友說回憶起川菜味道，今天一定要做一回spicy girl。找了這間餐廳，位置於銅鑼灣登龍街，距離港鐵約5分鐘路程。由於是樓上店，所以需要乘搭電梯。店內環境舒適，和一般川菜店有很大分別，走的是高格調路線，昏暗的環境，播放着jazz，正好沉澱一下晚餐前的心情。點了幾款食物，分別是酸菜魚， 爆蒜香骨， 涼拌皮蛋豆腐， 麻辣雞翼。個人最欣賞 酸菜魚， 主要原因是他的食材非常高貴， 平常的酸菜魚只是 鯰魚， 而這裏的選材竟然用上石斑， 所以整比賽除了味道好之外， 魚肉仲非常 爽口有膠質！另外作為前菜的涼拌皮蛋豆腐， 不論是賣上和味道都非常出色， 這個味道簡直和四川吃到的沒有兩樣。如此優質的川菜店絕對會一去再去吧！

聽人講食辣野可以去濕所以當想去濕同食辣野既時候搵左呢間樓上食四川菜既餐廳入面既氣氛比較似私房菜有唔少熟客跟著我地揀好左一道菜其他都由老闆推介首先到臺既係前菜麻辣夫妻肺片 仲有麻辣擔擔撈麵平時食開既夫妻肺片都係辣辣地不過佢呢道菜有少少唔同食落唔會好辣但係佢地種麻味會幾香就算唔係好食得辣既都會食到同覺得幾好味佢地果種麻辣層次比較豐富唔算好辣 反而幾香同會試到有唔同既香辛料擔擔麵平時都係湯既佢呢個雖然係撈不過唔會太乾同痴埋一團而且又都幾香麻味再來既係主菜 紙包牛肉紙包住肉同辣椒同蔥 大大份肉食落又麻又辣 連蔥都幾好食如果再大份點就更加好最後以麻辣雞翼作結辣味未算太入味同埋辣度再勁點可能更加好食

食辣能一解消愁所以每次壓力大到爆都要去食一食辣 涼拌皮蛋豆腐 - $68食皮蛋就好似食辣咁身邊唔係個個朋友都鍾意食皮蛋有時都唔好意思點嚟食但今次就個個都鍾意食而且仲係用上我地鍾意的黃金皮蛋 ~ 又香又溏心個個都爭住食當然唔少得靈魂人物 – 涼拌醬汁小小辣夠晒惹味.香肉干鍋花菜 - $88去食川菜一定一定要食干鍋花菜….朋友話只係食過手撕包菜咁就試下干鍋花菜啦!好鍾意 “干鍋”上枱時的 “吱吱喳喳” 聲同時香辣的氣味撲出味道唔會太辣我習慣食前會將花菜蘸一下鍋底的香肉精華特別香濃.麻辣雞翼 - $68呢個係店員推介的新菜色雞翼整成單骨方便食用味道有微微的孜然香味再帶一點麻香怕辣都朋友都能夠接受.大大粒辣子雞 - $168如果覺得剛才的麻辣雞翼辣度唔夠就試埋呢個辣子雞辣子雞炸得酥脆配合香料 - 乾辣椒、花椒、八角來刺激味蕾 .紅糖冰粉 - $38終於到甜品出場的時間就真的我對呢個紅糖冰粉有少少期待因為從來未食過紅糖冰粉解辣能力超強食一啖就會令辣, 麻全部消失味道唔會太甜, 還帶有微微薑的香味

銅鑼灣的川菜餐廳實在不少 ，是次選了新開不久的川府宴試一試。餐廳裝修很摩登，牆上掛著四川臉譜，頗為搶眼。餐廳菜式選擇頗多，辣與不辣的菜式都有，怕辣人士也有選擇。麻辣雞翼是店員推薦的菜式，單骨雞翼炸得金黃，帶點孜然香味，整體麻多於辣，怕辣者也可以一試！涼拌茄子用上芝麻醬頗為意外，原以為會是川式口水汁之類，吃起來不過不失回鍋肉用上京蔥炒製，色澤紅亮，肥而不膩，入口濃香水煮東江魚氣勢迫人，滿滿一盤的辣椒卻也沒辣過頭，嘗到魚肉的鮮味，魚片滑溜，油不多，不錯！