楚撚記大排檔 (馬頭圍道) (已搬遷) 新店位置

好難book位啊！八月底book九月位，全部都係得翻5:30-7:00pm嘅位，全部7:00同8:30時段爆晒，可想而知幾多人食。果然！真係冇令人失望，價錢抵食，野食份量合理，基本上每一樣野都好食。環境乾淨企理，侍應有講有笑，用香港嘅標準，態度可以算得上非常好，絕對會返兜！*西檸煎軟雞 $88雞肉外皮炸到脆卜卜，入面嘅雞腿肉嫩滑，皮下脂肪唔多，唔會過分油膩。檸檬汁酸酸甜甜，炸衣因為檸檬汁半脆半腍，薄薄一層汁包住炸雞肉，西檸雞作為第一道菜非常開胃。香煎黑松露手打蓮藕墨魚餅 $96墨魚餅有七塊，厚肉彈牙，仲有啲爽脆嘅蓮藕粒，黑松露香味唔算濃烈。外表煎到金黃，香口但唔係脆卜卜嘅質感。老干媽青椒炒牛肉 $80辣！老干媽就係辣，辣得嚟又唔會成碟辣油。牛肉塊少少韌有咬口，唔係醃到腍啤啤嘅肉，成塊肉都帶老干媽辣味。成碟最辣係青椒紅椒，由舌頭辣到喉嚨。豆腐杞子鮮腐竹浸時蔬 $78腐竹唔係行滑嫩路線，反而好香黃豆味，娃娃菜煮到軟腍，而且菜本身已經清甜，又吸晒豆乳湯味，碟湯直情可以就咁飲。飛天通菜煲 $78出晒煙嘅通菜煲，有少少辣椒粒，蒜香味非常重，完全冇通菜菜腥味，通菜亦唔會太韌，非常惹味又有鑊氣。麻辣

今日聖誕節緊係要去食聖誕大餐。我心目中的聖誕大餐係食火雞配紅酒。即係食豪華西餐。但今日老公帶左我去尼間位於土瓜灣既楚撚記食大排擋。門口好多人排隊。可想而知，好受歡迎，係咪真係甘好食呢。等左30-45分鐘，終於到我地啦。今日我地聖誕節緊係叫好多好多好多野食，要食餐豪華大排擋。首先，麻辣韭菜鴨血煲，尼碟好好食。因為本人好鍾意食鴨血，佢既鴨血好滑，同台灣鴨血一樣。再配上麻辣，辣辣的好惹味！推薦啊！另外，飛天通菜and土魷肉餅，我就覺得普通無咩特別。仲有個必食豬手，個個都話一定要食。講真，的確唔差，肉質嫩滑皮脆有膠質。但我覺得份量少左d。海鮮雜菜煲，唔錯！避風塘炒田雞，尼碟真係好好食。佢個避風塘整得好出色，好乾身又惹味，就甘配飯食已經可以食半碗。再加上佢個田雞炸身，卜卜脆肉嫩，出色👍👍而咕嚕肉佢有個拉絲糖，賣相非常好，味道都唔錯。唔怪得甘多人黎食啦。總結，彈的是份量比較少，讚的是有鍋氣，味道好味，有幾碟都好出色。未食過的可以黎食👍👍

即興一行10人，本身訂座5位變10位🤗住係附近既我都係第一次試，9:30入座仍然全場滿座，始終大排檔呢d鐘數先係最多人。環境都幾唔錯，乾淨企理，帶有一點港式懷舊感。一坐底大家都肚餓，價錢都無咩點睇就一下叫左5-6個小菜。一開始黎個*麻辣鳳爪*唔算太辣，但好香，鳳爪入味又夠淋，唯獨份量唔算多。我地都encore左多碟*黃金脆魚皮*個人覺得份量太少，可以再碎少少上，因為人多唔係好夠食。味道方面，夠脆但咸蛋黃唔係太痴到魚皮，都多咸蛋黃碎係底。我就就咁夾埋黎食，因為我都幾鐘意食咸蛋黃😙*白灼鵝腸*呢碟野我地總共叫左3碟😳👍🏻係正既！鵝腸唔會過肥，質感爽滑，重點係個汁，令到下面d配料（姜、蔥、芽菜、韭黃）都被我地掃清光。唯獨如果跟配埋辣椒豉油就perfect 喇。但我地就叫左店員拎辣椒自製😂😂*醬爆鴛鴦雞煲*呢個煲都叫左兩個，我地叫左加辣添，因大部分人都食得辣。個煲的確幾夠香，醬汁乾身均勻。田雞同雞都滑，配料冬菇都好食*剁椒魚頭*魚頭真心喜歡，食得出新鮮唔會腥，肉質有彈性。剁椒調味適中，愛辣人士必吃！🌶🌶*激辣水魷*本身唔太食魷魚，因食得多我會胃痛。但因為佢話激辣我都忍唔住食左兩條，辣汁又香又惹