滿江紅小甜甜 (已結業)

今晚慶起同朋友出左旺角去食川菜，揀左間都幾多人介紹既「滿江紅小甜甜」，聽人講尼間唔會催d客走，岩晒我地一班人開飯局。講番今晚叫既小菜，全部都系有好多人介紹的小菜⋯ ⦁ 麻辣食魚春魚卜煲魚春魚卜煲好嫩好滑，又唔乾巴巴，加上滿滿辣椒辣得勁過癮，餸飯一流。 ⦁蒜泥白肉蒜泥好細滑，白肉唔膻，肉質都幾嫩滑。兩樣配著食，口感爽而不膩，醬油甜甜地帶點辣，超級好味。 ⦁川北涼粉晶瑩剔透粉皮，質感爽口彈牙，少少蔥花加上麻辣汁，層次好豐富。 ⦁原味焗蜆蜆既數量好多，粒粒都好飽滿同爽口，最重要系鮮甜得黎又冇沙。 ⦁ 酸菜魚酸菜湯底少少酸帶點辣，好多魚片，肉質嫩滑。敗筆之處系魚骨太多，要小心魚骨。

上次朋友仔因工失約我們說好的川菜，今日終於夾到時間一齊食喇，決定試小甜甜。早幾日已致電訂檯，不幸地我突然遲收工而要將訂檯時間壓後 30 分鐘，接電話那位阿姐語氣惡劣又勁悔氣，無禮貌 ﹗朋友仔保持不敗記錄，出左幾次街都依然 100% 遲到率，而且還有幾次放飛機未計呢 ﹗其實一早已上網睇定 menu 亦決定左要食咩，不過都要重溫幾次，睇下有咩特別野想食先。我一入門口見大把位，但侍應示意我坐近門口那幾張，我心諗大門開開閂閂好熱架喎，不過侷住坐囉 ﹗其後先發現直入最裡面還有幾張檯，點解要我坐門口度熱呢？最初計劃食泡椒雞腳、夫妻肺片、麻辣魚春魚卜煲、麻辣韮菜雞紅、燉湯、水煮桂魚片、奇味雞煲、焗蜆、麻辣雞子煲、麻辣雞煲或奇味雞煲，但恐怕食唔晒，先叫住一半先。野生椒泡鳳爪，叫住碟前菜食住等，損到停唔到口呢，朋友仔再唔到就比我食晒架喇 ﹗冰涼鳳爪外皮爽彈，少少肉非常有咬口，微辣帶酸帶咸好開胃，撈埋汁不停啜好鬼正。損到中途朋友仔終於到步，叫支青島齊齊啤啤去啦 ﹗花旗蔘燉烏雞湯，估唔到話咁快就到，滾熱辣送到，肥仔侍應溫馨提示小心好熱呀，讚 ﹗開呀，雞湯香氣四溢，芳香飄飄，食慾大增。旁邊的失溫雞紅即時被比了

旺角川菜，歐美廣場有2間，選角麻辣小甜甜。早訂枱，7點9，不用等便入，之後人龍湧現，最好訂位。水煮肥腸，份量大，肥腸不少，有大量芽菜，及最愛吸夠汁的薯粉。這裏的肥腸的煮法像街邊車仔面的，能吸很多湯汁，諗諗的又不乏咬勁。薑䓤日本廣島蠔: 令人驚喜廣島蠔很嫰滑，大小適中，一口一個，外型肥美，葱薑也很香。麻辣魚春魚卜煲:熱辣辣能增加辣度，辣得更過癮。很多枱都柯打，是因其他地方較少有此提供。魚春感覺與想像不同，較硬身，而魚卜比想像中少，及用較細的魚卜，很細很細條，也點失望，墊底有青瓜，薯仔，蘿白，爽甜及最後吃很入味。原盤焗蜆:最有驚喜，驚喜上菜時仍封著，又職幫手切開錫紙，立即香味撲鼻，最大愛是胡椒湯底，夠胡椒香辣味，正!蜆有點點沙，不過還可接受。份量也多。點了中辣，當然要有飲品相伴，點了珍寶檸檬樹，即大大杯青檸冰，夠凍，不太甜! 另一杯是菠蘿藍精靈，竟然不是藍色的，味道是像雞尾酒的，椰子汁配菠蘿汁。整體都滿意，會再來，因這裏選擇很全面，亦有不少其他川菜店沒有的。