影片
更多
2016-06-29
2028 瀏覽
上次朋友仔因工失約我們說好的川菜，今日終於夾到時間一齊食喇，決定試小甜甜。早幾日已致電訂檯，不幸地我突然遲收工而要將訂檯時間壓後 30 分鐘，接電話那位阿姐語氣惡劣又勁悔氣，無禮貌 ﹗朋友仔保持不敗記錄，出左幾次街都依然 100% 遲到率，而且還有幾次放飛機未計呢 ﹗其實一早已上網睇定 menu 亦決定左要食咩，不過都要重溫幾次，睇下有咩特別野想食先。我一入門口見大把位，但侍應示意我坐近門口那幾張，我心諗大門開開閂閂好熱架喎，不過侷住坐囉 ﹗其後先發現直入最裡面還有幾張檯，點解要我坐門口度熱呢？最初計劃食泡椒雞腳、夫妻肺片、麻辣魚春魚卜煲、麻辣韮菜雞紅、燉湯、水煮桂魚片、奇味雞煲、焗蜆、麻辣雞子煲、麻辣雞煲或奇味雞煲，但恐怕食唔晒，先叫住一半先。野生椒泡鳳爪，叫住碟前菜食住等，損到停唔到口呢，朋友仔再唔到就比我食晒架喇 ﹗冰涼鳳爪外皮爽彈，少少肉非常有咬口，微辣帶酸帶咸好開胃，撈埋汁不停啜好鬼正。損到中途朋友仔終於到步，叫支青島齊齊啤啤去啦 ﹗花旗蔘燉烏雞湯，估唔到話咁快就到，滾熱辣送到，肥仔侍應溫馨提示小心好熱呀，讚 ﹗開呀，雞湯香氣四溢，芳香飄飄，食慾大增。旁邊的失溫雞紅即時被比了
朋友仔保持不敗記錄，出左幾次街都依然 100% 遲到率，而且還有幾次放飛機未計呢 ﹗其實一早已上網睇定 menu 亦決定左要食咩，不過都要重溫幾次，睇下有咩特別野想食先。
我一入門口見大把位，但侍應示意我坐近門口那幾張，我心諗大門開開閂閂好熱架喎，不過侷住坐囉 ﹗其後先發現直入最裡面還有幾張檯，點解要我坐門口度熱呢？
最初計劃食泡椒雞腳、夫妻肺片、麻辣魚春魚卜煲、麻辣韮菜雞紅、燉湯、水煮桂魚片、奇味雞煲、焗蜆、麻辣雞子煲、麻辣雞煲或奇味雞煲，但恐怕食唔晒，先叫住一半先。
野生椒泡鳳爪，叫住碟前菜食住等，損到停唔到口呢，朋友仔再唔到就比我食晒架喇 ﹗冰涼鳳爪外皮爽彈，少少肉非常有咬口，微辣帶酸帶咸好開胃，撈埋汁不停啜好鬼正。損到中途朋友仔終於到步，叫支青島齊齊啤啤去啦 ﹗
花旗蔘燉烏雞湯，估唔到話咁快就到，滾熱辣送到，肥仔侍應溫馨提示小心好熱呀，讚 ﹗開呀，雞湯香氣四溢，芳香飄飄，食慾大增。旁邊的失溫雞紅即時被比了下去，靜蠅蠅又冷冰冰。
研究完燉湯 menu，向侍應阿嬸查詢燉湯份量有多少架？夠兩個人嗎？夠兩碗嗎？阿嬸話飲多飲少好難講喎，而且又有好多湯渣，應該無兩碗呢。我左諗右諗，決定叫一個睇睇有幾大盅先，好采無聽您個阿嬸吹水乍，有成四碗水有多，另加碗半湯渣，險些兒叫兩個湯呀 ﹗
個盅緊係熱呀，免強可以黏住拿起倒湯汁進碗裡乍。湯底清徹，味道香濃，清爽烏雞味道含畜帶鮮，不油不膩。花旗蔘味甘又突出，溫柔不嗆，甜美可口 ﹗我自己連飲三大碗呢，好好味啊 ﹗飲到全身發滾，出身汗，爽乎 ﹗
韮菜雞紅，見食評讚不絕口梗係要試試。韮菜老而不嫩，質地粗糙有澀味，半點菜甜味道也沒有。我硬著頭皮食左幾大口，最後都要放棄。室溫雞紅？失溫雞紅？唔熱那會好食呢 ﹗個汁是否麻辣汁來的？淡如水般，實在令我非常失望。
幸好剛剛有個麻辣魚春魚卜煲在旁，立即將全數雞紅掉落辣湯之中，希望能起死回生啊 ﹗嘩，奇蹟出現喇，化腐瘤為神奇 ﹗雞紅經過滾燙燙麻辣湯洗禮之後，彷如不死鳥火鳳凰一輝重生喇，嫩滑無比又熱騰騰既雞紅，散發著刺激麻辣味道，水潤得黎又夠濃味，非常美味可口，正到震。
水煮桂花魚片，鋪面全部是桂花魚片白雪雪，吸引又美觀，非常正確。夾起魚片結實不易散，蜻蜓點水般沾沾辣湯入口，魚片彈彈但非常淡口，湯汁不辣不麻只是油膩感強烈，而且魚片雖彈但帶輕微魚腥味道。更遺憾不怎麼打鱗，真係食到一口都係。何解要掉埋魚骨魚頭一齊煮呢？唔想浪費？我叫桂魚片，並不是原條喎。
骨碎多又有魚骨魚尾魚頭，大豆芽出奇地有渣。墊底薯粉碎濕濕，大啖食大豆芽連薯粉送入口，勁多花椒粒、魚鱗、骨碎要吐返出黎，食得好唔方便。依道菜完全失敗，除左賣相靚外，無什麼可取之處，又貴又難食。
焗蜆，差點兒忘記要試添 ﹗侍應叔叔送上，親手將鍚紙剪開，一縷輕煙隨即噴出，瀰漫著芬芳海蜆氣味。立即試味，超肥美彈牙、香鮮可口，海水咸香帶著蒜蓉及青尖椒味味道襲來，精采萬分，非試不可。
麻辣魚春魚卜煲，如無意外我因該係為左依個煲而外，第 2 既就係雞子煲，但今晚似乎無咩胃口，所以只可擇其一喇。等到頸都長，萬眾期待既主角終於出場喇，幸好無令我失望啫。
魚卜炆到如膠似漆，膠到彷如花膠勁黏勁滑呀 ﹗還索得香濃麻辣湯汁透徹，嫩滑多汁，正好啪啪聲呢，一二三四舊不得地掉入口，話知您熱到颷眼水，實在太美味啊 ﹗夠麻又夠辣，正正正 ﹗只是魚春就有點強差人意，雖然非常香口，不過偏乾鞋的質感令到分數大減。墊底的青瓜及蘿蔔帶澀味，麻麻地。
麻辣炒土豆絲，朋友仔想食菜，但有趣地選擇薯仔囉。不夠爽又不夠甜，粉而濕又偏腍，蒜蓉味強烈，辣味食不到，麻亦不出，太過淡口呢。
野生椒泡鳳爪
66 瀏覽
1 讚好
0 留言
花旗蔘燉烏雞湯
42 瀏覽
0 讚好
0 留言
花旗蔘燉烏雞湯
27 瀏覽
0 讚好
0 留言
花旗蔘燉烏雞湯
21 瀏覽
0 讚好
0 留言
韮菜雞紅
43 瀏覽
0 讚好
0 留言
水煮桂花魚片
32 瀏覽
0 讚好
0 留言
水煮桂花魚片
24 瀏覽
0 讚好
0 留言
焗蜆
24 瀏覽
0 讚好
0 留言
焗蜆
37 瀏覽
0 讚好
0 留言
麻辣魚春魚卜煲
55 瀏覽
0 讚好
0 留言
麻辣魚春魚卜煲
181 瀏覽
0 讚好
0 留言
麻辣炒土豆絲
68 瀏覽
0 讚好
0 留言
題外話/補充資料：
食剩左兩道菜侍應阿嬸突然跳制，仲要黑臉比說話我聽，話我好浪費，早知食唔晒您地就唔好叫咁多 ﹗阿嬸您係咪傻左呀？您估我真係食唔晒咩，唔好食是否要直接同您講呢？費事您尷尬乍 ﹗
入得口既都全部食晒，剩返兩碟最難哽架囉 ﹗燉湯、焗蜆、泡椒鳳爪好味道，轉眼清晒。韮菜澀帶苦不甜，我食左三四啖放棄，雞紅室溫完全唔想食，好采試試掉落麻辣湯中滾住食，即時變得勁好味，全部雞紅食晒 ﹗
水煮桂魚片，魚片雖然有點腥，不過都全部清晒，魚腩我都食埋，只係剩返墊底既魚骨魚頭大豆芽撈薯粉，滿口碎骨又有鱗又有渣點食啫 ﹗粉口不爽勁蒜土豆絲食剩左 3 份 2，放棄。
朋友仔去完洗手間返到黎，不知道剛才既故事，建議我帶埋兩碟餸走，還掂我落酒吧可以轉贈其他朋友試試，見朋友出到聲叫打包，好啦。
(以上食評乃用戶個人意見 , 並不代表OpenRice之觀點。)
張貼
