川熙樓 (已搬遷) 新店位置

約咗舊同事唐師奶同瑨哥食飯，佢哋都係嗜辣一族，所以今晚就一齊挑戰川菜。食店用咗中國紅色做主調配埋中式嘅古箏音樂，地方都好大，座位寬闊。前菜梗係由淺至濃啦，先試呢個椒麻雞，聽聞呢個前菜好受歡迎，雞件入口嫩滑，好入味，麻香味重，但竟然唔辣，第一次見識到咩叫麻而不辣。 椒麻鹽水蝦，蝦肉非常爽口，青瓜粒有麻辣味 麻香豆腐炒飯，炒飯好乾身，絕對冇多餘嘅油，材料好多，少少麻辣味。富順香辣魚頭，見到紅紅嘅辣油拌住半邊魚頭，嘩，淨係睇己經帶黎視覺上嘅刺激，試埋入口，竟然冇預期中咁辣，魚頭好多膠質，魚肉好嫩滑。 鮮湯浸翡翠苗，一定要叫番個清新嘅菜中和一下剛才的刺激，湯底鮮甜，菜苗好嫩。樂山甜皮鴨，外層香脆，鴨肉帶有少少甜味，非常好食。

☆有人會以酒來麻醉自己，但因「麻」味而醉．．．你又有無試過呢?☆今次友人生日，選了一間新開不久的四川菜餐廳食晚飯~大家都比較少接觸四川菜，總是覺得又辣又濃，今次正好可以有一個新嘗試 中國地大物博，四川菜也算得上是一種很有特色的地方料理。除了一般人熟悉的水煮魚水煮牛、四川擔擔麵以外，原來四川菜還有那麼多的種類和味道! 餐廳內部裝修好似一間客棧，很切合吃四川菜的氣氛。(朋友一坐下，反而說像是麻雀檯!)餐牌圖文並茂，老闆說有放相的就是他們的推介~諗唔到食咩時可以參考參考☆餐廳提供的不是水或茶，而是四川特產的苦麥茶，喝起來有點像玄米茶~始終要吃一點辣，所以叫了烏梅汁($20)，類近酸梅湯的東西。初喝有點藥水味，但之後吃辣的時候發現它有很強的解辣作用!!前菜 - 椒麻鹽水蝦 $78由於我是第一次吃四川菜..感覺很新鮮，因為我沒想像過有麻而不辣的調味方法!蔥香牛腱 $68芝麻很香，牛腱切得薄薄的，很有口感，亦煮得很入味。桃脂浸竹蓀 $128這道菜，我們在看餐牌時就覺得很好奇，因為桃脂和竹蓀也不知道是什麼....問了老闆，原來桃脂是一種樹脂，含有豐富的骨膠原，當它是花膠就好了!而竹蓀原來是竹笙