羲和雅苑

營業中

休息中

餐廳環境唔錯，有户外位，可以邊食邊飽覽維港景色。餐廳小菜出色，烤鴨食法特別，味道不過不失。6個人叫咗佢哋聖誕自選套餐4人餐，1隻烤鴨，2款前菜，4款主菜，1款飯麵，仲有湯、甜品同飲品，碟碟份量好夠，以4人餐黎講都幾多下，食唔哂

本身好喜歡食中菜, 剛好同兩個朋友聚會, 就試下呢間羲和雅苑。以下當晚點既食物:1) 藍莓山藥出於好奇之下點左佢，無咩味既山藥爽爽地凍凍地，加左藍莓之後甜得黎有D奇怪，好似藥水, 失望之選。2) 張氏獅子頭三寶之一，獅子頭做到好軟好淋，入口即溶！由於本身獅子頭比較重味，配一口白飯恰到好處！全晚第2高分 8/103)黃扒魚肚一人份湯匙，雖然賣相一般，有D似紅酒《掛邊》。 湯汁味道濃郁，魚肚完全無腥味，同湯汁完全融合， 份量點到即止！成晚最高分既一項 9.5/104) 青梅小排骨基本上去中菜館都會搵一樣酸酸甜甜既餸，因為大部分中菜偏油膩，酸甜既味道可以中和油膩感，更加食慾，中上水平。5)重頭戲 北京烤鴨+八寶盆 (失望之作 2.0)北京烤鴨餐廳提供3種食法（由上至下）上：油脂片皮，主要系固體脂肪，餐廳建議直接點甜醬（old)，或藍莓+爆炸糖（new)。 中：烤鴨皮+鴨胸肉，厚實既肉感主導，餐廳建議點芥末醬。下：鴨腳片皮，皮脂肉分佈恰到好處，傳統食法用蒸皮包青瓜京蔥鴨皮烤鴨醬，新式食法蒸皮包鴨皮山楂條洋蔥藍莓醬。 個人覺得有創意，味道見人見智，個人覺得好一般。呢道菜最大既毛病就係吾夠熱！大打

「日御謂之羲和，月御謂之望舒。」不論是中午時分的和暖陽光、捲入海浪的黃昏暮光，或是傍晚抱月，都能坐擁海港美景，聽風的聲音。(1) 羲和狀元：片皮鴨需要預留的菜式。比一般店舖選用體態更小的烤鴨，沒有殘留太多葷味，而且皮滑肉嫰。食法也千奇百怪，分開三個部位：鴨胸皮、鴨胸肉及鴨腿肉。可以配搭不同的醬料，傳統食法有甜麵醬、青瓜條和京蔥絲。新式食法有藍莓醬、山楂條和紫洋蔥。肉質雖嫰，但欠缺烤鴨風味。當配上薄餅，主角烤鴨頓時變了配角。薄餅的溫度、口感也是中規中矩。(2) 羲和榜眼：黃扒魚肚原材料有有機南瓜、二十八頭花膠，混合魚/雞湯不斷提煉、摒除雜質，帶綿滑順喉的效果。花膠肉質略嫌不夠厚身，多番過濾反而影響本身的質感。另外，上半層的口感的確入口順滑，但下半層沉澱後較流質，整體味道有偏差。(3) 羲和小肉餅餅皮與肉碎層層壓實，捲製後烤至蘇脆。陳醋可自由添加，減低油膩。這個菜式我會稱為「失而復得小肉餅」。原本被告知已賣光，但詢問另一位店員時，告知小肉餅在製作中，才得以品嘗。🫰🏻某部分的座位飽覽整個海景，但環境氣氛屬於喧鬧，亦有店員容許小朋友四處亂走，打擾雅興。個人認為菜式上有自家特色及創新，但未屬一試

今日嚟到尖沙咀海港城食lunch，依間北京菜裝修優雅高級，而且環境優美，採光好好，位置舒適，可以眺望海景。依碗魚肚真材實料，湯汁濃稠，魚肚燉得十分入味，味道鮮甜，推介！獅子頭醬汁味道濃郁，肉嘅口感比較淋，配上白飯口感較好。巴蜀口水雞肉質鮮嫩，調味剛好，辣味突出，比其他餐廳辣少少，送白飯一流！蝦球炸得香脆，啖啖肉，非常爽口，配下面脆脆嘅米通，口感豐富惹味，令我一試難忘！不過芥茉醬略為多咗少少🤪至於重頭戲烤鴨嘅部份，完全展現餐廳嘅心思同埋誠意！🤩廚師會特意嚟到我哋旁邊表演切烤鴨，增強用餐體驗，職員為我哋講解三種食法，烤鴨唔同嘅部位分別配上唔同醬料。第一款係烤鴨皮點上爆炸糖及藍莓醬，味道新穎特別，第二款係鴨胸皮連肉配上黃色芥茉醬，而第三款就是傳統食法，亦係我最鍾意嘅口味！加入京蔥、青瓜、山楂條等，口感及層次豐富，皮薄餡靚！😍總括嚟講，餐廳優美環境配上傳統又創新嘅美食，良好嘅服務，雖然價錢略貴，但值得一試！😄

想食呢間北京菜好耐，佢都幾出名下，之前連續幾次想食都係full Booking晒終於今次晏就過黎就食到佢環境好好有得睇海景，個間隔亦會俾人好舒服嘅感覺。黃扒魚肚覺得超值！佢既花膠個size係差唔多有半碗咁大，仲要佢個南瓜湯吾會話吾夾個味，超級推介！苦盡甘來又一個好特別既菜，佢既苦瓜係完全吾苦，而個番茄都好甜老上海燻魚覺得都幾幾好味，唯一既缺點就係多左小小骨。如果可以無骨就perfect馳名烤鴨（半隻）佢哋烤好隻鴨就會有人過去你張枱附近切啲鴨出嚟俾你佢好特別，有三種食法，首先（最右）係鴨皮直接點果jam同爆爆糖直接食（張相我已經食左幾塊）。第二個食法（中間）係鴨肉連皮點芥末直接食。而第三個食法（最左）就係好似普通片皮鴨咁食。金沙鮮魷魚都唔錯，不過不失~蛋白杏仁露細細碗，份量岩岩好，杏仁味好香。總括而言呢間算係環境好服務好同埋食物質素都唔錯嘅餐廳可以一試羲和三寶：

最近好友因為韓文考試，連續幾個星期也在圖書館中渡過。但是忙裏也要偷閒，趁著星期日，特別讓他到尖沙咀吃一餐鴨宴，為他加油。羲和雅苑位於尖沙咀海港城。尖沙咀地鐵站出口出發不用十分鐘便到。地點十分方便就腳。在海港城玩具反斗城旁邊搭扶手電梯一上便到達 ，十分容易找到。我們一行二人共點了幾樣小菜一起分享。 黃扒魚肚/ /山藥燕窩羹 (⭐⭐⭐⭐💢)這裏叫燉湯的好處就是每人叫自己喜歡的口味，每碗計，不用遷就他人。我們倆分別叫了黃扒魚肚和山藥燕窩羹。黃扒魚肚，魚肚大件而且厚身，吃起來有一點黐口，骨膠原成份十分豐富，養顏之選。另外湯底也十分濃沃入味，外面少能吃到。朋友叫的山藥燕窩羹也用了十足，淡淡燕窩，清潤爽口。芥末鴨掌(⭐⭐⭐⭐💢)這前菜大約有五至六件。鴨掌是預先去骨的，吃起來啖啖肉。配合微辣的芥末，感覺清新令人開胃。馳名烤鴨(⭐⭐⭐⭐⭐)終於到夜晚餐的重頭戲。這烤鴨一共有三種食法。首先是鴨胸皮配上藍莓醬。吃起來十分重油脂感，但配上酸酸甜甜的藍莓醬，不是覺得十分油膩，每人能吃大約三四片。之後到第二吃的鴨胸肉配秘製芥末醬。吃起來酸中帶甜，而且這是三吃中最多肉的部位，能吃得出鴨肉的鮮嫩。最後便是傳統包著餅

長輩生日，特登同屋企人嚟到尖沙咀呢間中菜廳慶祝生日，環境裝修得好靚，設計得好有氣派，空間寬敞，唔會好似平時啲酒樓咁逼，而且仲向海，可以望住海景嘆中菜🤤~黃扒魚肚原隻魚肚超大塊，有我半隻手板咁大🤭肉質豐厚，口感結實彈牙，充滿膠質，養顏之選🤤配合金黃色既濃郁湯底，主要材料似係南瓜，有少許流沙般嘅質地，更加提升左魚肚嘅鮮味🤤~籠仔花膠櫻花蝦海味蒸飯一打開蒸籠個已經聞到好香嘅海鮮味道，賣相都好靚🤤蒸飯飯粒比較濕，冇炒飯咁乾身，但係每一粒飯都被醬汁包圍着，粒粒飽滿，而且吸收晒海鮮嘅精華，食落感覺juicy而且鮮甜~櫻花蝦少脆配合彈牙嘅魷魚口感特別，層次分明，少量嘅葱有助蒸飯味道更加豐富~~避風塘脆皮豬手推廣期做緊優惠，忍唔住要試吓，估唔到避風塘味道嘅豬手好惹味，豬手勁大隻，一路切嘅時候已經見到勁多肉汁流出嚟，咬落去都好juicy，豬手皮充滿膠質唔痴牙，外層香脆內層就比較軟林，豬肉肉質結實但易咬開，近筋位口感更加爽脆，配合大量嘅避風塘脆粒好有口感，非常邪惡😈🤤~北京羲和馳名烤鴨+八寶盒廚師即席製作好有派頭🤭睇見佢拎隻烤鴨出嚟晶瑩剔透，望落感覺似啱啱烤起😋有三種食法，第一款用鴨皮點爆炸糖同藍莓醬一齊

老朋友從美國回來香港度假， 當然要帶他食啲有水準嘅菜式啦， 來這間尖沙咀 Ocean Terminal的羲和雅苑招待外來朋友，絕對唔會失禮。 景色方面除了可以飽覽整個維多利亞港夜景外， 還可以食這裏的招牌菜馳名烤鴨，絶對能令賓客大飽口福。這裏的烤鴨即時製作， 師傅現場慢慢一片片切， 分成三碟。 第一碟先嚟鴨皮， 點上蘸藍莓和爆炸糖， 新穎食法，口感特別香脆。再嚟第二碟鴨胸肉， 配上傳統芥末醬，味道酸中帶甜，肉質嫩滑可口。第三碟是鴨髀肉， 連皮帶肉， 最啱用卷餅包的傳統食法， 加上甜麵醬、蔥絲、黃瓜條，味蕾好享受。 亦可以用西式食法，配上藍莓醬加紫色洋蔥和京糕條，食法夠曬特別， 味道更上一層樓。跟着還點了獅子頭、磯煮鮑魚、 黃扒魚肚、紅燒炸乳鴿和福建炒飯， 豐富到極。獅子頭HK$48一客， 味道香濃、肉質嫩滑，配上迷你白飯,幸福在心頭。磯煮鮑魚HK$88一隻， 鮑魚浸了特製醬汁， 味道出色，肉質鮮甜爽彈，片片厚薄適中，好彈牙。黃扒魚肚HK$148一盎， 口感鮮味， 一大片魚肚金黃發亮，滑口又營養價值高, 加上小南瓜來烹調，好入味好好飲。紅燒炸乳鴿HK$88/隻， 即點即炸，熱辣辣非常入味

位於海港城盡頭的羲和雅苑，是一家來自北京的雅緻中菜館，能飽覽維港的景色。餐廳地方唔細，有室內同埋室外位，今日天色幾靚，能完全冇阻隔咁欣賞世界第一維港夜景，心情都靚啲！薑味汽水 $45問完要唔要冰，上菜時仲幫你開罐同埋斟埋，服務一流！羲和馳名烤鴨（半隻）$328色澤飽滿，燒得勁靚仔！之後師傅就會將佢分體！會分成三碟，一鴨三吃！中間的蒸籠放著薄餅，配料除咗有傳統食片皮鴨嘅甜麵醬、青瓜同埋京蔥絲之外，另外仲有藍莓醬、芥末醬、紫洋蔥同埋京糕條！而最特別嘅係有一包爆炸糖！！左手邊的第一碟是燒至香脆的鴨皮，建議食法是配藍莓醬＋爆炸糖，又甜又脆又跳彈，非常新奇好玩的食法！右手邊的是鴨胸肉，建議配芥茉醬，酸中帶甜，頗為刺激的！最後一碟是鴨腿肉，可任意配醬料和配菜來吃，傳統一點可以加入京蔥青瓜再配甜麵醬；新潮一點，可以加入洋蔥和京糕條，再配藍莓醬！張氏獅子頭 $48羲和雅苑有三寶，第一寶就是烤鴨，第二寶就是這個迷你的獅子頭，味道淳厚，口感鬆軟，仲配一碗迷你白飯，正！黃扒魚肚 $148羲和第三寶黃扒魚肚，以南瓜作為湯底，魚肚軟腍鮮味，連湯底也是一樣極盡鮮味，是無可挑剔的一道上品！金銀蛋浸萵筍 $88以濃郁

今晚去羲和雅苑 同朋友聚會dinner 餐廳望出去個view不得了😍 好靚啊 維港海景一覽無遺😍成班影完相之後就落單叫嘢食先 款式都有好多👍 最估唔到嘅係連水煮魚都有 川菜京菜都有得叫😝朋友醒目一早預留左半隻北京烤鴨 聽講係招牌菜必食架👍 然後打算再叫半隻雞同啲小菜韮香雞$158有半隻 好創新既煮法😝 上面有勁多切碎左嘅韮菜 加埋啲蔥蒜麻油 香得黎好送飯😝 如果雞再浸耐啲再入味啲就仲正 雞肉都幾結實肉質嫩滑 尤其係脾位！小菜都唔錯 原來萵筍除咗炒仲可以湯浸 冇咁肥👍 我哋試咗金銀蛋浸萵筍 都幾大碟 萵筍切絲湯浸都仲keep到爽口 配菜既皮蛋夠哂溏心😋 仲有乾瑤柱 帶出啲鮮味 個湯都甜啲😋三大招牌菜之一嘅黃扒魚肚都食得過 魚肚好厚身好有份量😍 兩個人share食都OK😝 而個湯好濃郁 仲有好香嘅南瓜味 完全係心機菜😍食到咁上下 主角終於黎啦 北京烤鴨😍先上一個靚靚嘅百寶盒 當師傅一路切烤鴨嘅時候會有職員一路介紹食法👍第一道食法係鴨皮配藍莓醬加爆炸糖 鴨皮配爆炸糖實在太有創意😂 職員話希望營造到喺口中跳舞嘅感覺 我就覺得鴨皮食落真係幾薄脆😝第二道食法係鴨胸肉配芥末醬 自家製嘅芥末醬香得來唔

早排新年同朋友講過想食烤鴨佢就話遲下帶我去食好西神神秘秘咁帶左我去海港城碼頭個邊唔通上遊輪食咁正?!原來係網紅店羲和雅苑入到去已經好興奮 急不及待要叫野食羲和三寶一定要試下！三寶即係北京烤鴨、獅子頭同花膠獅子頭係bite size肉丸柔軟多汁 味道香甜配埋一口白飯食 好味道呢配黃扒魚肚 真係正到爆舊魚肚厚滑鮮甜 口感好重膠質湯底南瓜味香濃 配埋比起一般雞湯更鮮甜鎮店之寶北京烤鴨出場啦！$598一隻 價錢合理 剛烤好師傅會在席前片出三個部分 邊片邊食八寶盒入面有一籠薄皮同醬料包括有芥末醬、藍莓醬、甜麵醬同一啲配菜仲有獨家既羲和爆炸糖最先片好係最酥脆既鴨皮呢到有種創新既食法係將鴨皮點上藍莓醬然後再點一啲爆炸糖 鴨皮肥美香酥 入口即溶爆炸糖好似將塊皮響口入面加速溶化 令到成個口腔都充滿左滿滿既油香 好正之後係鴨胸肉 店員都係建議就咁食唔洗包皮可以點啲芥末醬食 微辣微酸既味道可以中和番種油膩感 唔錯最後出場既係鴨腿肉呢個部份係較適宜用薄皮包埋配料食傳統食法係包京蔥、青瓜絲再點甜麵醬我就覺得夾埋山渣糕條食都唔錯酸酸地好解膩 可以大肆食多幾舊都唔滯當然我地仲有試埋其他小菜啦事前做過功課 知道呢到既

被片皮鴨吸引而黎，呢度嘅烤鴨有分唔同部位，唔同位置建議點唔同嘅醬，最特別嘅係鴨皮點爆炸糖，感覺好得意，不過偏油。另外有鴨胸肉點自製芥末醬，味道ok。最鍾意都係用鴨腿肉點返甜醬，再用皮夾青瓜。金沙燒魷魚，入口有啖啖蛋黃香，不過食得多都幾漏。青梅一字骨，酸酸地，份量好多。松露蠔仔煎蛋，賣相雖然普通，但有松露坐鎮都唔會難食得去邊，配搭得相當唔錯。櫻花蝦海皇炒飯，飯粒分明而且乾身，唔錯。老北京炸醬麵，好鍾意呢個，撈入協醋同炸醬好香，麵質似扁烏冬。牛油芝士焗大蝦，芝士味濃！蝦乾冰草，醬汁開胃，食完咁多肉要食返呢個。黃扒魚肚，南瓜底，魚肚好長，真材實料。甜品試左杏仁豆腐，質地好黏，都係鍾意食蛋白杏仁露多啲。

海港城 OTE 那邊越來越多好嘢食，今晚來到主打北京片皮鴨的羲和雅苑，屏風間隔，中國風濃。 沿自北京總店，菜式對香港人來說有新意，圖文並茂的厚紙餐牌，照片及菜式皆吸引。少不免必點羲和三寶，片皮鴨、張氏獅子頭及黃扒魚肚，再挑多款有趣前菜。 苦盡甘來 $88 我們的晚餐由苦盡甘來開始，但其實完全無需擔心受苦，苦瓜已被糖及醋醃過，已經全無甘苦味，車厘茄亦甜到如蜜餞。 賣相得分，精緻漂亮，嗜甜的會喜歡。 蝦乾冰草 $78 冰菜新鮮翠綠，非常爽脆，與蝦乾的組合幾特別，夾得來呀！ 桂花蜜山藥 $48 充滿桂花香，亦是一道帶甜的前菜，因為被桂花蜜包着，山藥本來應該是爽但口感唔算極爽。 動感豆腐 $48 因為有木魚，就有動感啦！豆腐誘惑，配合木魚的鹹香，作為前菜非常適合，令人胃口大開。 清酒鹽水鵝肝 $288 冰鎮鵝肝比較少吃到，因為溫度保持冰涼，食落零舍感到幼滑，口感豐腴，但酒味鹽香皆不明顯，不過不失。 韭香雞 $158 感覺粵式，韭菜蒸雞，雞滑味道好，韭菜味香。 馳名烤鴨一隻 $598 來自北京的過江龍，果然有點新意，保留不同部位三吃法的傳統，但又兼備新派蘸醬