原作養生湯米線

營業中

休息中

大隻仔今次覓食嘅店舖就係💥 原作養生湯米線 💥 大隻仔好鍾意飲椰子雞湯，唔太鍾意食重味精食物，餐廳名字叫「原作養生」正合大隻仔心意。😋😋「原作養生湯米線」係黃埔知名餐廳，午市、晚市都長期排隊，大隻仔當日就排咗半個鐘多。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 桃膠椰子雞湯米線 $68椰子湯底好好飲，冇落味精，食完米線可以飲埋碗湯，椰子湯底比較清甜，有椰子味，飲落覺得應該有落椰漿。配料有蟲草花、杞子、桃膠同雞件。雞肉未去到好嫰滑但不乾不柴，桃膠不夠淋，大隻仔覺得唔落桃膠會好食啲，米線煮得岩岩好，不會太淋，幾好食，值得推介。🔥 黃金炸魚皮 $35炸魚皮夠脆，鹹蛋醬汁夠多，可以包滿每塊炸魚皮，味道夠濃烈，幾好食，少少可惜係鹹蛋醬汁冇完全煮溶，有幾塊炸魚皮會食到硬硬細細粒鹹蛋黃，影響口感。🔥 重慶水煮魚鴨血米線 +小食 + 飲品 $108相比之下，重慶水煮魚米線比較普通，味道偏淡，麻同辣味道都唔太夠。😋 小食 - 桂花蜜糖雞翼

推薦： 🍉🍉🍉 (5/5)    味道： 🍉🍉🍉 (3/5)      價錢： 🍉🍉🍉 (3/5)    打卡： 🍉🍉 (2/5)    位置： 🍉🍉🍉 (3/5)    回訪： 🍉🍉🍉 (3/5)   招牌海龍皇湯米線 $138 🍉🍉因為YouTube睇完介紹片之後嚟試，YouTuber形容到好誇張地好食，驚為天人咁濟，所以$138一碗米線都揸實個拳頭叫咗嚟試🙈 店家話個湯底以新鮮蝦、蝦子、花蛤、龍蝦熬製8個鐘而成，無加味精，個味道係點呢，exactly就係大家想像嘅龍蝦湯味道，一模一樣，我個人覺得完全無驚喜，講到用咗咁多海鮮，但係唔覺得海鮮嘅鮮味好突出，跟米線一齊上嘅龍蝦亦都唔知係咪因為熬咗湯，所以肉質已經唔彈牙，有少少韌，menu張米線圖仲有其他海鮮裝滿哂成碗亦都係圖片只供參考(我個碗淨係得2粒帶子+2粒蜆)，不過無味精就應該係真嘅，食哂成碗之後都唔會覺得口渴，只係可能我期望太高🙈酸辣牛魔皇米線 $62 🍉🍉呢個就比較普通，個酸辣湯底唔係熬出嚟，而係普通湯底+辣油+炸醬榨菜，不過牛肉都幾好，份量都幾多，食落幾嫩滑，唔韌油醋海蜇花 $58 🍉🍉🍉勝在海蜇花本身口感夠特別，好彈牙，同

睇YouTube見YouTuber介紹呢間既招牌海龍皇泡飯好正咁，本身自己好鐘意食龍蝦，於是就去試吓啦～ 桃膠椰子雞湯米線 $68好香椰子味！ 湯底清甜，對比招牌海龍皇泡飯個湯底，呢個湯底較淡味～ 飲晒成個湯都唔會覺得口渴👍🏻 入面有杞子、蟲草花、雞肉同桃膠，好滋補！招牌海龍皇泡飯 $138龍蝦爽口彈牙，有鮮味！😍個湯底好味到不得了！蝦湯底非常濃郁，一上枱就聞到好香嘅蝦味～佢地加咗脆米落泡飯到，幾特別～黃金炸魚皮 $35大大塊即叫即炸既魚皮，超級香鹹蛋黃味！食落超脆口！好岩同朋友share食🤤環境舒服，店員服務態度好好👍🏻 本身仲想試個海蜇花，晏晝去到已經冇晒～店員話下次想食嘅時候可以打電話嚟問吓先，可以叫佢哋預留定當日你嚟食～

系YouTube 見到衞詩雅條片講到好好食咁 過嚟朝聖試吓 於是2個人叫左3個小食 海蜇花 黃金炸魚皮同黃金雞翼 龍蝦泡飯同桃膠椰子雞米線🍜個人認為海蜇花比較厚身 但吾夠爽脆 不過都算吾錯如果味道可以再辣少少咁就好啦！黃金炸魚皮用左咸蛋黃醬同芝士但好少 可以睇得出得少少 冇沾滿成塊魚皮 略為失望 而且上菜速度較快 懷疑係整熱 因為食落系暖的 反而雞翼雖然都係同樣配方 但反而比較入味 可能因為佢係新鮮炸起 最後先上嚟啦 所以反而好味過炸魚皮 如果同樣的配方 建議可以試吓冷門菜式 至少系新鮮整先 而吾系一早整定再翻熱見佢招牌系龍蝦泡飯 覺得湯底吾錯浸得幾入味 有比啲心機整 至於龍蝦肉就一般 好韌 咬吾開 配上帶子同帆立貝 可惜粒帆立貝冇整乾淨 入面仲有黑色的污糟野🤮另一個招牌桃膠椰子雞米線🍜 有好多桃膠 但太細粒 太分散啦 寧願佢大粒啲 比較容易搵 值得一讚的系 佢個椰子雞湯好入味 椰子味吾錯 雞同樣地都幾滑幾大舊 68蚊嚟講 算ok la整體來講 試下無妨 但吾會食第二次 最後都感謝多位店員系繁忙時間依然有禮對待我哋🙏🏻

成日食辣米線，來來去去都係嗰啲味道，今次搵到一間好獨特嘅鋪頭。招牌係海龍王湯米線，湯底與西餐杰撻撻嘅龍蝦湯好唔同，飲一啖，清、甜、鮮，真係好好味，半隻波士頓龍蝦有膏，都好食，有裙邊嘅扇貝就比較一般。另一碗係黃酒煮雞湯米線，米線質地明顯與其他舖頭唔同，好滑，可惜煮得偏淋。湯底好香嘅藥膳味，太太食完幾個鐘，佢話無味精（如果有味精佢會頭痛），月事後好滋補。最鍾意幾款小食，少見有海蜇花，比長條海蜇和海蜇頭爽口好多，炸魚皮薄身到透光，加埋金沙鹹蛋，比包裝嘅鹹蛋魚皮好食N倍。另外雞翼勁大隻，價錢同譚仔差唔多，糖心蛋又係精緻之作。最後追加麻辣鴨血，麻度不足，但有好勁嘅新鮮辣椒辣度，鴨血滑，大力挾都唔散。整體食物質素好好，完全唔似小店出品。價錢親民，味道不凡，每一款都好精緻。好少寫咁長，因為實在太好食，飽到晚飯都食唔落😬

防疫世界下，在外用餐次數減少，難得外出試食。 食店地區：黃埔花園 - 百寶坊光顧日期：2021年8月29日 光顧時間：14：05 當時人流：人客6成滿，可能因為2點來用餐所以客人也不用排隊等位直接入座。店內環境：3個樓面服務員，還有老闆親自幫忙點餐，一般忙，環境整理乾淨。 (2位水吧和1位收銀)點選食物： 1. 黃金炸魚皮 ($35)2. 滋補黃酒煮雞湯米線 ($66)3. 桃膠椰子雞湯米線 ($68) (本人) 4. 桂花蜜糖雞翼 (免費) (親切的老闆在用餐途中突然送上免費小食)食物味道：黃酒雞湯有小量藥材味但不太濃，是好味的湯底；椰子雞湯濃而不膩，米線是那種飽滿型，如果不立即吃應該放太耐會脹。每碗米線也有非常足夠份量的雞件，雞件大也很厚肉，但卻非常入味也很腍，一點都不乾柴。整體是高質的米線。小食黃金炸魚皮是預想中的味道，有足夠蛋黃， 分量合理(再多就會腻)。免費小食是老闆推薦，的確好吃，新鮮上碟，很熱很脆，蜜糖和桂花香味很夾。價錢總合： 35+66+68 = $169每塊魚皮也有蛋黃，很好的口感。米線很快到來但也很熱，湯和米線加上配料把鍋都填滿了。沒有很多椰子，但湯還算濃，是很好

今次選下午茶時間幫襯，因為怕中午等位...好幾次經過都見門外有人排隊等位。下午茶時間客人不算太多，門面同餐廳內走木類風格，望落去舒服養眼，枱同枱之間距離亦不會有迫的感覺。打開餐牌時，其實好多款同岩哂「為食貓」我的口味，花多眼亂🤩 可惜另一半不太肚餓，只點了小食： 黃金炸魚皮而我開始是點那個下午茶套餐- 龍蝦湯米線，加花膠～點餐後再望menu, 又比佢個「極尚過橋米線」吸引了，因為記得另一半去過雲南，當地米線正是這樣子上餐的。我既餐大約等了5分鐘就到了～擺設精緻，店員教先落米線，之後就按自己想吃的先後順序夾落湯麵度食...（最後係...我將所有餸一齊落哂😹）比較驚喜係，雞絲非常嫩，一啲都唔「鞋」，而鮑魚都唔錯～會計劃再來，因為菜單上的確有好多好多野想試😼😼

原隻紅蝦龍皇湯泡飯 $98個湯底係呢度招牌，用新鮮蝦、蝦子、花蛤、龍蝦熬八個鐘，龍蝦味濃得黎唔會太濃稠泡飯加左澳洲脆米好有口感，配料有紅蝦、蜆、扇貝，新鮮大隻海鮮湯凍左都仲係好清甜，但趁熱飲係更加不得了蟲草花膠雞湯米線 $68湯底好滋補養生，雞件鮮嫩，花膠大塊，好足料記得要趁熱飲個雞湯，凍左會有少少腥油醋海蜇花 $58第一次食海蜇花，比普通海蜇爽口好多，辣辣地好惹味聽老闆講原來海蜇花好矜貴，每隻海蜇得6-7朵海蜇花，平時得好高級嘅中餐廳先有得食桂花蜜糖雞翼 3隻 $25見好多人推介，一試真係覺得冇介紹錯，放左一段時間食落都熱辣辣，外皮香脆，夾起雞翼蜜糖多到係咁滴落嚟，帶有桂花香氣，超推介黃金炸魚皮 $35即叫即炸，超香脆，咸蛋黃份量好多，夾起魚皮時係會漏啲咸蛋黃油出黎洛神花茶 $18平時洛神花茶係偏酸，但呢個調較得較甜，易入口，又健康，養顏降血壓檸檬柑桔 $18柑桔味清甜，飲落酸酸地好開胃，食完咸蛋黃魚皮飲就岩岩好

原作養生湯米線🍲 原隻紅蝦龍皇湯泡飯🦐 $98 👍🏻海鮮全部都好新鮮!好鮮甜!👍🏻海鮮好足料 有帶子、紅蝦、蜆肉等👍🏻湯底好濃郁 完全食到蝦嘅鮮味👍🏻泡飯配埋澳洲脆米 口感更有層次味道Taste: 🌟🌟🌟🌟🌟蟲草花膠雞湯薯粉 $68👍🏻雞好嫩滑!!👍🏻雞湯清甜 feel到完全無味精👍🏻好抵食👀花膠質素普通比起龍皇湯無咁大驚喜 比較適合口味比較清淡嘅人味道Taste: 🌟🌟🌟.5黃金炸魚皮 $35👍🏻鹹蛋配魚皮真係好夾☺️👍🏻油膩感唔會好重味道Taste: 🌟🌟🌟🌟洛神花茶🌸👎🏻略嫌有少少太甜👍🏻不過好開胃味道Taste: 🌟🌟🌟檸檬金桔🍋 👍🏻好fresh好開胃味道Taste: 🌟🌟🌟🌟餐廳:👍🏻環境乾淨舒服價錢Price: 🌟🌟🌟環境Environment: 🌟🌟🌟🌟味道Taste: 🌟🌟🌟🌟🌟服務Service: 🌟🌟🌟🌟🌟總結Overall: 🌟🌟🌟🌟.5(滿分Out of 🌟🌟🌟🌟🌟)