靚煲皇 (已結業)

呢晚約咗來自港九新界嘅朋友，最好就緊係約喺中間點見面，旺角就係不二之選，但要避開人多擠迫嘅地方，所以就約咗去呢度食飯。坐低就先上餐前小食-花生，邊食邊傾計，食食吓啲餸都上枱啦!朋友鍾意食大腸，佢就即刻叫咗個黃金炸大腸，大腸外皮炸得香脆，下面墊有菠蘿，作為前菜真係唔錯!再嚟就係另一香口小食黃金脆豆腐，一啖一粒唔覺唔覺就食完。凍食滷水拼盤有豬生腸、鵝翼、鵝掌同鵝腎，樣樣都係脆口嘢，愈食愈想食，點埋個白醋汁更加增進食慾。我哋叫咗個水煮肥牛，牛肉嫩滑，配菜有寛粉、芽菜等，食完仲可以用啲汁嚟打邊爐，所以又叫咗其他打邊爐配料。手打四寶丸爽口彈牙，味道鮮美，好食!即炸響鈴卷係索汁之選，即炸食落係唔同啲， 索完汁之後都唔會太淋，有咬口。朋友鍾意食豬紅同黃沙豬膶，所以都有叫嚟打邊爐。鮮菜籃有幾款蔬菜，加埋落啲辣汁，吸晒啲辣味，變咗水煮菜咁。惠顧四款小菜或以上，就會送紅香桂花糕，剛好用作解辣嘅飯後甜品。

今晚又落雨,人都悶埋.所以約左朋友去旺角靚煲皇食個飯傾下計一入到去店員已經俾左一大樽茶我地,飲住茶睇下食咩先食住花生醫下肚先今日點左黃金脆豆腐,黃金炸大腸,凍食滷水拼盤,水煮肥牛,豬紅,黃沙豬潤,響鈴,手打四寶丸,野菜菜籃黃金脆豆腐--外面都好脆口,入面暖暖的唔錯黃金炸大腸--好脆口,又唔會好肥,都唔會有異味凍食滷水拼盤--有翼,腎,腸等等,凍食個感覺又幾特別水煮肥牛--牛淥一陣就食,唔會過熟.牛既味都幾香口..個窩辣辣麻麻咁都好醒胃混醬時間到豬紅,黃沙豬--同樣淥一陣就食,個口感,味道都同其他食物唔同,可以有多一個選擇響鈴--即炸出黎,出到黎仲熱既,好脆下,淥一陣就食,好正手打四寶丸--D丸都幾新鮮,食落係唔會好多粉既感覺,NICE野菜菜籃--新鮮蔬菜,食左咁多肉都要食下菜先得喇桂花糕---甜甜地,個口感都唔錯

呢日同朋友行完朗豪坊，喺周圍搵下野食~越行越遠，行到黎位於塘尾道嘅靚煲皇我地都有少少想打邊爐，所以就入左去喇~點知入到去先發覺，原來我地有下場，唔係淨番好多時間，所以就轉戰佢既小菜不過又點都估唔到，做開打邊爐既餐廳，小炒都一樣出色!我地叫左三個餸同一個湯，每碟個份量都唔細架！黃金脆豆腐（$68）首先上嘅係黃金脆豆腐係我最鍾意食嘅豆腐呀 一上枱就聞到陣陣香味～因為啱啱炸起嘅關係，新鮮滾熱辣！外脆內軟，正同出面嘅炸豆腐唔同，佢呢個仲有啲芝麻粒，所以食落去可以感受到芝麻嘅香味～黃金炸大腸（$98）之後就係黃金炸大腸！同樣地，佢又係熱辣辣既，好香口，外層又脆～仲伴埋一個酸辣醬一齊點黎食，好夾～皇牌口水雞（$138）最後一個小菜係呢度既招牌菜—皇牌口水雞！見到佢咁紅，已經知道辣味好足喇！如果本身唔係好食到辣嘅，可以好似我咁，用水浸一浸，沖走啲辣味～雞嘅肉好滑，而且好入味仲有個湯！濃湯魚腐泡冬瓜湯（$98）料有魚腐、冬瓜、西芹，好岩而家呢個熱熱地既天氣飲！而且個湯冇味精味，好鮮甜餐廳一樣好抵讚嘅嘢係，枱底有usb插頭，客人電話無電到唔怕呀！如果大家想食啲特別啲嘅中式小菜，不妨考慮下呢間靚煲皇呀～

今日旺角收工,想食下一D地道菜,咁就選左旺角既靚煲皇入到去就睇下食咩好店員好快就拎左茶同花生黎,岩晒好餓今日叫左以下食物黃金脆豆腐,少爺咕嚕肉,黃金炸大腸,花膠粟米羹花膠粟米羹--都幾多料同好大碗下,一人至少可以飲4碗黃金炸大腸連埋甜酸漿黎食係好食D,唔會好肥,配料既菠蘿都好正黃金脆豆腐--外脆內暖,咁先至係好食,仲有都幾多,如果係飲酒就真係一流,食極都仲有,正少爺咕嚕肉--個汁甜酸岩岩好,個肉脆漿唔厚,食落唔錯唔會食粉咁紅香桂花糕--飯後有甜品真開心,都幾好食唔算好甜,桂花味都幾香