日喜樓 (已結業)

事緣今天男朋友放假，難得出開港島區，今日就想試一些平時比較少食的菜式，換換口味，找到登龍街V point有間食京川滬菜 — 日喜樓，睇睇Menu有很多小菜，男朋友說不如就選呢間啦，有些小菜他都有興趣，睇到相都有點流口水🤤🌟位置及環境日喜樓位於銅鑼灣登龍街，位置非常容易搵到，若坐地鐵出時代廣場的出口向鵝頸橋方向走就到，餐廳裝潢簡潔明亮，有種高尚但又有些復古味道，很大空間感，座位寬敞舒適。🌟北京填鴨半隻($228)睇Menu我經已想點北京填鴨，因為已經很久都沒食過了，鴨肉同皮都平均不油膩，個人喜好不愛加京蔥，只配了青瓜條同烤鴨醬，每塊餅皮都有一層紙隔開，這樣餅皮方便取出又唔會黏在一起，保留到有少少水分👍🏻🌟黃金蝦球($188)呢道係男朋友話好想點的，黃金其實係起沙的鹹蛋黃汁，蝦球非常大塊同彈牙，這個很好吃，送飯一流！可惜這個價錢得四塊，不太夠吃～🌟霸王辣子雞半份($158)一上枱超級香及惹味，雖然有好多辣椒🌶️但其實沒想像中段辣，雞粒炸過好香口，亦不會好厚炸粉，只是調味略咸。🌟韭黃炒鱔糊($148)這道也是男朋友話要點，個汁送飯一流，鱔肉都肥大肉厚，不過份量比較少🙈仲想叫多碟添。

朋友小聚食飯，訂枱去到vpoint 型格日喜樓像間歐陸 cafe！入門口已經有花花牆打卡影相，地方寬敞有休閒感菜式款式多，上至片皮鴨，下到上海小籠包、四川水煮魚，包羅萬有，而且菜式細細份，人少少都可試多多款黃金蝦球鮮黃拳頭般巨大蝦球，外層炸得香脆，沾滿蛋黃，咬開大大隻白淨瑩透蝦球，爽脆有蝦味，加上惹味蛋黃香，令人停唔到囗秘製油淋雞嫩嫩雞肉，加上秘製醬汁淋回雞肉，入口有濃郁口感同香氣爆汁生煎飽待應細心叮囑小心飽熱湯，生煎飽用鐵Pan上枱，保持生煎飽溫度，飽底煎得脆口，咬開湯汁幾多，肉質鮮味豆沙窩餅煎得香脆金黃外層，包著香滑豆沙，最值得欣賞豆沙會太甜太膩，甜度剛好

精緻中菜@銅鑼灣上海菜嘅涼菜眾多，我至愛係醉雞。呢個杞子花雕醉雞嘅花雕酒香四溢，滲透到每一件雞呀，雞肉都好滑嫩，水準好好 而且杞子鋪排到花形，令賣相更精緻！芙蓉三鮮個名充滿詩意，其實係包含海鮮嘅炒蛋白嚟。三鮮就係蝦仁、帶子同鮑片，份量豐富，蛋白既嫩又吸收咗三鮮嘅鮮味～京燒羊係傳統京菜，而家以新派嘅樣子呈上，唯一不變嘅就係外脆肉軟嗰股經典味道。鍾意羊肉嘅人必試！黃金蝦球包咗層鹹蛋，所以先金黃色嘅外表，鹹蛋固然惹味鹹香，但值得一讚係蝦球無被蓋過，仍然鮮甜爽滑彈牙小籠包係必食 item，呢個日喜灌湯小籠包真係好多湯，成隻好飽滿咁半隻香酥鴨價錢唔貴，鴨肉入味，配咗幾個荷葉夾（就係蒸籠裏嗰幾個似包嘅東西）可以將鴨肉包起食。甜品係可愛嘅南瓜造型，不過內裏犯紫薯餡，所以甜品名稱就叫「吾是南瓜」，哈哈～ 紫薯甜而不膩，都唔錯。

以前日熹樓喺灣仔既時候都幫襯過搬左去燈籠街V point更加方便就腳喺地面走過電梯就到，同前店唔同係呢度比較光猛，以前裝修古典，現在帶時代感。睇緊menu，店長就介紹北京填鴨做緊推廣價$159 半隻。有淨皮及皮肉相連，鴨香皮脆肉質香嫩。將連皮胸肉加京葱花、青瓜絲及甜麵醬汁用薄薄既麽麽皮包着，層次豐富又減低油膩感。每張麽麽皮有一層牛油紙隔開，唔會痴住一團～大大隻黃金蝦球一碟4件，新鮮大蝦爽口彈牙，外層炸漿香脆薄身，沾滿邪惡的咸蛋黃卻沒有油膩感覺，反之咸香惹味。爆汁牛肉餡餅，唔好睇佢細細個，入面充滿肉汁，咬開餅皮一時忘記會爆汁，熱辣辣既肉汁流埋出黎～主食想清淡點。。鱈魚雪裏紅煨麵是一個不錯的選擇，先呷一口奶白的魚湯，香滑鮮味湯濃。既有金華火腿添鮮，亦有雪裏紅的爽嫩。幼細的麵條軟而不爛，充分吸收魚湯的鮮味。最正係鱈魚肉都唔少，加埋湯麵一齊食，一腹大滿足!食京菜，甜點少不了高力豆沙～沾滿砂塘既蛋白球入口柔軟有彈性，中間紅豆餡唔多亦唔太甜，而入面既香蕉更增添多一份香氣。另外晶瑩透亮既桂花糕，除左桂花仲有一粒粒蘆薈，口感更加清甜滋潤。