津津食家

營業中

休息中

好耐都無一大班人去食飯，突然同事叫去火炭津津食飯，於是就訂枱，收工我吔10個人去到的時候，已經好坐無虛席，好彩我吔有訂枱，坐低就每人叫一隻乳鴿，全部原隻上就咁用手撕開食真係原汁原味，原來而家有即用即棄的手套，戴住用嚟食乳鴿，再叫一窩雞粥，仍然都咁好味水準依舊，跟住老闆娘推介新菜式：士多啤梨骨、黃金蝦、蒜茸蒸聖子王，蒜茸蒸聖子王同其它食肆的聖子有好大分別，其它食肆的聖子大多好細隻，而老闆娘介紹的聖子王好大隻，聖子面上舖滿蒜茸及粉絲，每人一隻已經好足夠士多啤梨骨有好香的士多啤梨味，骨面上有新鮮的士多啤梨，肉質鬆軟入味，咬落香脆好有新鮮感，賣相都不錯食到差不多的時候，見到隔離枱有一碟蝦好靚及好香，於是訽問之下，才知是叫黃金蝦，於是我們又叫了一碟，果然不錯，每一隻蝦食的時候都均勻地感到有咸蛋黃及牛油的香味，不愧為黃金蝦今次同事們都讚口不絶這幾道菜式，聽伙計講五月的時候，將會安裝冷氣機，到時候有大排檔風味，又有酒樓的舒適，真係一舉兩得，到時大家一定要去試吓