廿七窩 (已結業)

趁住凍凍地同班friend去打邊爐，見呢間新開，一於試吓佢，讚即刻要寫食評，打邊爐之前一定會叫小食，炸大腸，黃金魚皮好惹味，跟住老闆好介紹既醃蒜頭🧄味道好好，質地爽脆第度搵唔到，老闆話食完佢就唔會有肚痛，其實蒜頭功效真係好多。牛肉叫左"腩包"，即係牛腩包住既部位，肉味濃有咬口唔會鞋而且份量足。鮮雞子好大粒，鵝腸靚，呢啲嘢唔係度度都搵到咁靚！自家製菜餃豐滿新鮮，已經掛住食冇再影相，總之樣樣都好味，絶對食得出對食物製作既誠意！一定會再嚟幫襯，已經諗住下次要試雞煲/羊腩煲同酸菜魚...真係要搵多幾個人先可以試得哂

朋友介紹去呢間新開嘅火鍋店，地點唔係旺區，但門口有位泊車。入去門面企理，樸實無華。開始前食小食先。叫咗個黃金魚皮同埋雞腳做小食，兩款都係師傅自己整，好好食，下次都一定要Encore. 好喇，入正題。叫左個花膠鍋，打邊爐前先飲湯，個湯好甜好好飲，差不多飲哂先叫佢加高湯打邊爐。叫咗幾款火鍋料，全部都好新鮮。特別係小牛排同牛頸脊，牛根丸好彈牙。其他火鍋料好似鯇魚片，午餐肉都好好食。特別一提佢呢度啲午餐肉係煎過先俾你打邊爐，好脆口。值得再去！