鳳鳴居

營業中

休息中

是日嚟到上水大名鼎鼎嘅鳳鳴居搵食，佢果醉雞實在好出名，因為食平日午餐，一行四人唔洗等好耐就入得。睇完餐牌，諗都唔諗即點左醉香雞米線，小食揀咗黃金魚皮同辣豉油爽脆鵝腸。先講小食辣豉油爽脆鵝腸，啲鵝腸白烚，唔會烚過籠，夠爽脆，但因為鵝腸本身冇咩味，果辣豉油唔多夠味，搞到有啲鵝腸食落冇咩味。果黃金魚皮夠哂邪惡惹味，件件魚皮都夠哂脆同香口，啲黃金掛哂每個位，塊塊都有，好好味。去到主角醉香雞湯麵，我揀左米線，一嚟即試啖湯先，有啲失望冇諗嘅濃同埋酒味濃多少少會再正啲。啲雞件朋友有提過因為會同啲湯一齊煲，所以食落會鞋口啲，果然真係鞋口啲，唔夠滑。其實唔係好差，但可能期望高左，所以食落冇預期好，先會失望左。

復活節假期和朋友們郊遊樂，遊山玩水過後，來到上水的「鳳鳴居」一祭五臟廟！說來好笑，筆者之前有聽過「鳳鳴居」這間餐廳，但一直以為是一間茶樓。直到今天才從朋友口中得知真相，真是天大的誤會。據悉是「鳳鳴居」的招牌名物，湯底味道香濃，入口偏甜，到喉後有陣陣酒香味回湧。筆者平日不喝酒，不過對於湯底的酒味也是能夠接受。雞件肉質甚為嫩滑，全因店舖以生滾形式烹煮，推薦吃時佐以辣椒豉油，更加惹味！同行朋友推薦的小食！魚皮厚身，炸至脆卜卜，十分香口。整片魚皮被鹹蛋黃包裹著，充滿獨特的鹹香，令人吃不停口。黃金魚皮

朋友知我鐘意食雞，推介呢間經常排隊的人氣食店，經過上水慕名嚟試，果然好介紹！醉香雞湯（$50）主角當然係醉香雞湯，我哋點咗一個醉香雞湯米線、一個醉香雞湯飯。一上菜就聞到濃濃酒香味，好醒神。 呷一口湯，湯甜酒香，湯底有紅棗木耳，好好味，不自覺一口接一口，飲到一半，忍住唔飲，因為要留番啲嚟送飯😅。雞肉有六七件，唔算好嫩滑，但滲入淡淡酒香，肉質鮮甜，唔點豉油都夠味。米線幾爽，都食得晒。黃金魚皮（$40）平時食黃金魚皮總覺得放隔夜，唔新鮮，有浸隔夜味，但呢間嘅黃金魚皮，蛋黃咸香，炸得超鬆脆，食到嚓嚓聲，食到唔停口，冒住超標風險都要食🤣

-{上水大熱小鍋米線🍜}真係save左好耐都未有機會黎上水 平日午市唔洗排隊開心😍🤤醉香雞湯麵🤤 ($50)個湯飲左幾啖好濃酒藥材味😂😂配上木耳同紅棗係少有啲嘅米線配搭🥳個湯真心好濃 麵質依淋不過份量好多🥰雞件有5件不過有一半都鞋左啲🥺👖褲評: 7.8/10🤤蘿蔔清湯腩飯🤤 ($51)個湯係牛腩嘅清香味🤩撈飯一流😝蘿蔔清甜冇渣☺️牛腩有肥膏吊住嘅香口又腍身 瘦啲嘅部件就好韌👀👖褲評: 7.5/10🤤黃金魚皮🤤 ($40)炸魚皮好脆同香口🥳🥳🥳唔會好油膩😋啲咸蛋黃粉濃度啱啱好🤟😙好出色🤩👖褲評: 8.5/10都係嗰句 好想試埋喇沙湯底😂😂😂不過第一次就試返招牌菜😚平日黎又係唔洗排隊開心😋性價比: 9/10服務: 7/10環境: 7.5/10🚩 鳳鳴居 🚩地址: 旺角西洋菜南街138號地下2號舖上水馬會道154號地下#fuudjai #fuudjai港式 #fuudjai上水 #fuudjai旺角

山長水遠嚟到上水，梗係想試吓啲好嘢啦🥶喺朋友強烈推薦下，我哋去咗間專食雞湯米線嘅餐廳——鳳嗚居🐥🐥醉香雞湯米線 ($48)碗米一擺上枱面，浸浸花雕酒味已經撲鼻而來🥶首先試下個湯底，果然冇令我失望😝個醉香雞湯好濃好足料，好似倒咗成支花雕酒落去咁濃🥃雖然有雞，但湯底都唔算好油，所以一路食就會忍唔住一路飲🤗呢個價錢嘅雞件就一定唔係新鮮雞，但口感都算嫩滑，唔柴🤤而且每碗米線都會等一碟自家製辣椒豉油，用嚟沾雞食一流🥰米線口感彈牙，索哂啲湯汁👍🏻配菜仲有紅棗、雲耳，幾足料🤩🐥黃金魚皮 ($38)原本想點春卷，但嗰日兩點幾已經售罄🥲所以最後轉左點黃金魚皮🐟即叫即炸，賣相唔錯🥶熱辣辣口感好脆口，炸完都有索哂啲油先上碟👍🏻但唯一挑剔嘅地方係鹹蛋黃味較淡，食落同普通炸魚皮冇乜好大分別，建議加多啲鹹蛋黃令整體感覺更加惹味🤩整體質素好唔錯，好適合近排咁凍嘅天氣食👍🏻熱辣辣十分暖胃，而且好抵食💛會再訪試其他湯底😚