八沢 (已結業)

你好，我係M佬！打嚟係想同你講，你知唔知道有人掛住你呀？佢話自從嗰次見完你就念念不忘，好想再咬下你搽咗忌廉Cream嘅幼滑肌膚，充滿彈性，同埋陣陣黑松露香水味。邊個會用黑松露香水㗎？仲有邊個咁變態想咬人？嗰個變態嘅係A姐，不過佢只係想再去上環八沢食黑松露忌廉海鮮烏冬。黑松露忌廉海鮮烏冬就係呢個烏冬啦，A姐好鍾意嗰個好Creamy嘅忌廉湯底，加埋黑松露，真係香到無朋友。烏冬煮得啱啱好，唔會太腍，煙韌得嚟又索晒嗰湯底，又彈牙又滑嘟嘟！帶子大大隻，加埋三文魚，份量十足。黑安格斯肉眼牛扒飯賣相類似日式便當，黑安格斯肉眼燒到外面香脆，有少少焦，不過又能夠保持裏面嘅肉汁，正。加埋個特製蒜蓉燒汁，甜甜地，點牛扒同撈飯都一流。牛舌雖然唔係揀厚切，不過都好厚身，口感豐富，加埋黑椒，好香口。雞翼燒雞翼，我自細鍾意食。鹽燒雞中翼，香脆惹味。豬頸肉豬頸肉一向油脂豐富，燒完之後，充滿油香，正。（記住Like同Share畀朋友）

係屋企附近成日經過都好想食，今日襯放早又想食日本野，所以黎試吓～無諗個細細店，質素咁好味，好有意外驚喜，之前都睇Facebook睇過介紹佢地點解會開鋪嘅故仔。洗洗點但係好高質素餐廳招呼好好，好有熱誠，今個冬天天氣異常凍，女侍應好好送上熱飲，俾我地保暖。終於一試，當然要叫佢地個招牌菜： 1）黑蒜炙燒極濃黑豚肉，再轉佢地嘅招牌烏冬；個湯真係好濃郁，好正！！ 個烏冬口感好彈牙又滑，果然特別，出面食唔到呢隻，好味，推介！！2）除咗烏冬之外，叫左個 - 黑安格斯肉眼牛扒飯，冇諗過$88咁嘅價錢，可以食到有日本牛肉嘅高水準牛肉，個女侍應見到未食，好熱心提我地唔係凍左，因煎到外脆內軟，仲鎖住肉汁，呢個牛超級有意外驚喜，物超所值，抵食好味！！3）另一個驚喜就係佢竟然有雞泡魚乾，我的至愛！！ 整得好香口，香脆，好好味！！ 雞泡魚乾個價錢仲要超抵，係平時出邊居酒屋一半咋！！4）鷄翼串好香口，好味。呢間小店非常值得去，我係街坊會再encore，推介！！