Give Me 5 (已結業)

今日同朋友去官塘駱駝漆大廈買完野後，就行去附近的大廈去食西餐，見到有間give me 5西餐個名幾特別就去試下，我地兩個人坐窗邊，餐廳坐位舒服，燈光明亮。我地點餐完畢，店員推介我地可以加$10有一隻生蠔，咁抵食我地叫半打生蠔。蜜瓜西班牙火腿配黑醋沙律，火腿咸香適中有咬口，蜜瓜切細細粒好清甜好fresh 。周打魚忌廉湯，忌廉味濃，味道適中。蒜蓉多士好香口好脆好香蒜蓉味。黑松露北海道帶子意大利飯，帶子大大粒，意大利飯粒粒都有黑松露的香味，飯粒軟硬適中，美味可口😋德國燒豬手配黑椒汁，豬手燒到皮好脆，肉質好香口，豬手又不會太肥，啖啖肉藍莓芝士蛋糕配雪糕。加$10有一隻生蠔，生蠔鮮甜，好creamy。

今日難得早收工，同久未見面既朋友去左觀塘搵食。行完shopping mall，大家未係好餓，朋友又唔想食啲連鎖野，就上網search下工厦區有無咩比較有趣既餐廳。搵到呢間叫give me 5既restaurant/ bar，又有得篤波掟飛鏢，就決定散步過去試下佢。去到附近已經見到大大個招牌，唔會盪失路。餐廳係5樓，一出𨋢轉右就係喇。星期四晚，位置唔算近商場既餐廳都坐半滿，有長枱，適合一班朋友黎食。好好彩，餐廳仲有啲靚既卡位比我同朋友坐。窗外望住觀塘繞道，景觀不錯。menu係用部tablet展示，操作簡單方便又環保。雖然坐低後掛住同朋友傾計聚舊，但啲staff都好好無催我地嗌野食，傾完一輪後，終於諗好嗌咩，staff就馬上過黎幫我地take order。我地2個女仔未算好肚餓，但又乜都想試所以就簡左一個4 course meal再單點一個main course。健康啲，進餐期間淨係飲水。餐廳都好貼心，每枱都有一樽室溫水係到，唔係凍水呢點係咁凍既天氣下感覺份外體貼！點完餐，又傾一輪，蒜蓉包就馬上送到喇！佢細細塊，岩哂我地呢啲乜都想試，但又食得唔多既人。好脆口，蒜香味濃！食完左，staff就

Give me 5店鋪前身是一間名為fat fat的餐廳，以前在附近工作，經常光顧，已知質素挺高，因此特意一試Give me 5是否可以相提並論裝潢仍然維持著典雅舒適、樓底高的特色，桌球、飛鏢供客人遊玩更勝以前的第一件事，就是餐牌用了平板電腦取代，左右橫掃檢視餐牌，先進高檔我們點了一個主菜，$80升級做套餐，餐湯為周打魚湯，味道不錯，忌廉湯不算膩濟，且有足料魚肉套餐亦包括沙律，賣相一流，沙津平白地吃味道有點單調奇怪，但連同咸香的西班牙火腿吃，則味道出奇地變得協調融和單骨雞翼新鮮炸起上碟，非常邪惡惹味，如果叫啤酒作為佐酒小食乃絕配！可惜當晚駕車前往，與酒無緣意大利飯份量驚人，基本上可以三人平分。帶子用鹽略略煎香，更能帶出鮮甜滋味，此外飯質煙韌，微微的黑松露香氣，$118定價實屬抵食之選另一道主菜：牛小排伴虎蝦，圖中可見虎蝦大得驚人，沒有欺場。一般這種大型蝦類，很容易overcook煮老了，又或一股雪味，不過Give Me 5沒有犯這種錯，虎蝦仍有肉汁，且無雪味，蝦肉亦無霉霉爛爛，反而彈牙爽口，值得一讚牛小排則不過不失，反而伴碟的洋蔥非常入味惹味，比牛排更像主角Mocha smoothie

朋友推介位於觀塘鴻圖道尾的FIVE ME 5西餐廳！於是就同友人TRY TRY！由於已經先前BOOK左位，所以店員都留左窗邊既位置俾我地估唔到個境都幾唔錯！而且好寧靜先叫左個SET，跟左1湯1包1沙津前菜個蒜溶包都幾驚喜！ 即整，好脆好香口！SET叫左 美式豬肋骨配燒烤汁 $168個ribs好正！肉質軟硬度岩岩好！而且份量幾大！而且個汁唔會完全乾晒，食落都juicy！ribs配埋薯角岩晒！黑松露北海道帶子意大利飯 $118 推介！煙煙靭靭的意大利飯完全吸收濃郁的忌廉汁黑松露亦算突出，上菜一刻已聞到黑松露味！鮮果窩夫配雪糕 $68食完主菜，當然要食番個甜品！窩夫即叫即整，軟硬岩岩好！中間個冧酒雪糕都好正！境!仲有，入面仲有得掉飛鏢，又有得玩，又有得食^_^會再光顧！

以前覺得工廈地點偏僻，食嘅都係頹飯， 嘢食得個貴字， 但近啲幾個月多咗幫襯工廈嘅西餐廳，發覺原來質素可以好有驚喜💓 今日嚟到give me five， 典雅又賦現代感的 裝橫， 闊落的空間， 俾人感覺好似去咗銅鑼灣地鋪咁，兩個人坐大卡位，又有海景睇， 咁舒適嘅環境唔係間間餐廳都有。一如既往叫個dinner set， 你個頭盤沙律最大特色係沙律有啲酸酸辣辣嘅醬汁， 好開胃。呢個周打魚忌廉湯上面有幾塊細細地嘅梳打餅做點綴，又幾得意喎， 加埋忌廉湯一齊食好似食緊酥皮咁， 餐湯嘅忌廉味都幾出， 但質地唔算太稠， 唔會好油膩。將脆卜卜的蒜蓉法包點忌廉湯非常有層次感， 味道配搭極佳， 鼓勵大家試下。隻豬手份量嚇親人， 真係好巨型， 想像唔到一個人食曬一個dinner set可以點樣捧住個肚走。薯角新鮮炸起， 外面鬆脆，裏面係綿綿的薯蓉， 好滑好香甜！豬手外皮切落去卜卜聲(真係冇誇張)， 雖然係經過高溫烤焗，但裏面依然好juicy， 仲啖啖肉！紀欣賞豬手啲肉不太鹹， 調味好適中，點埋黑椒汁就更好食啦。呢個飯不得了， 煙煙靭靭的意大利米完完全全吸收濃郁的忌廉和芝士汁，要俾滿分！✨✨✨✨✨✨呢個刺身級

Give Me 5係觀塘工廈區只係開左差不多半年, 我身邊已經有幾個朋友去過而推介俾大家, 其實早係朋友推介之前我地已經係網上飲食平台睇過呢間餐廳嘅介紹, 只不過因為地點唔近地鐵站, 平日放工又唔想行咁遠入去食。🙈今日我同老婆下午六點幾逛完駱駝漆大廈, 難得去到附近, 就決定上去Give Me 5食個Early dinner先去睇戲。我地去到時因為時間尚早, 餐廳都未多人, 不過過左七點後客人愈來愈多。餐廳樓底好高而且好大間, 座位好寬闊, 餐廳會安排兩位嘅客人坐卡位, 卡位闊到足夠坐到六個人, 所以我地坐得好舒服。😁餐廳擺放左桌球枱同飛鏢機, 客人可以隨意使用, 店內播放K Pop同輕快嘅英文歌, 仲有海景嘅景觀, 氣氛同環境都非常好, 難怪餐廳位置偏遠但客人都係咁多。👍我地揀左兩份主菜跟4 Courses Set Dinner, 有沙律, 湯, 甜品同Drinks, 價錢都係$200左右1Set, 價錢合理。沙律係蜜瓜西班牙火腿配黑醋汁沙律, 西班牙火腿原片上, 配微微辣嘅蜜瓜沙律, 幾惹味。😋周打魚忌廉湯味道香濃, 甜甜嘅洋蔥提升左個湯嘅層次。👍豬肋骨比預計大份好多, 冇諗過一人