撈喜 (已結業)

如果想補下食下花膠就可以嚟試吓撈喜好得意架佢張餐紙仲會寫住花膠有乜嘢好睇嚟對任何人都有好處😂黑松露汁花膠撈麵其實我比較鍾意食多汁嘅嘢食所以見到呢個撈麵有咁多黑松露汁真係好開心佢仲有幾大塊花膠有成手掌咁大食落口好滿足個黑松露汁夠晒香味未食落去已經聞到黑松露汁嘅味加上個汁同個面好配用呢個方式去烹調係聰明嘅選擇冰鎮鮑魚咬落去好實正夠晒彈牙又來喇又來啦南非四頭鮑黑松露汁意大利飯個汁同頭先撈麵嘅汁係一樣啦咁所以都係有好香嘅黑松露味今次唔配花膠配鮑魚其實我覺得就冇咁夾嘅不過個黑松露汁真係做得好好撈落去個意大利飯都真係好好味你知道意大利飯其實係濕濕地先好食個汁淋上去就正正可以做到呢個質地正👍🏻👍🏻👍🏻👍🏻👍🏻我哋仲嗌左兩個小食香煎鹿兒島牛柳粒佢個牛柳粒略嫌煎得太熟 所以咬落去有少少韌同埋乾不過同沙律醬呢一個配搭就做得幾好做得幾好另一個小食係泰式豬頸肉豬頸肉反而冇煎得咁燶加埋呢個泰式嘅醬汁鹹鹹地又酸酸地充滿泰式風味好開胃呀😛😛

位於東大街呢間撈喜嘅花膠撈麵好有人氣，之前同媽媽都食過，媽媽讚不絕口，今日難得老婆放假過黎搵我食Lunch，當然要帶佢過去刷返餐啦。我地12:30已經到餐廳，由於未到午市繁忙時間，所以仲有位，13:00之後就開始多人，餐廳唔大間，以2至4人枱為主，啱哂我地呢d情侶撐枱腳。餐廳裝修以木白色為主，簡約企理，座位唔迫，坐得幾舒適。餐牌除左有超人氣嘅花膠撈麵嘅撈喜豪華餐之外，蒜香牛油龍蝦黑椒帶子闊條麵、黑松露四頭南非鮑魚意大利飯、麻辣薑蔥豚肉海參撈麵呢d新款式亦相當吸引，老婆一場黎到筲箕灣，當然要食好d，我地點左一客撈喜豪華餐，另外點左一客黑松露四頭南非鮑魚意大利飯同木瓜花膠奶凍Share，兩個人應該好夠食。$148的撈喜豪華餐已包括招牌花膠撈麵、燉湯、小食同灼菜，一個人食應該食唔哂。招牌花膠撈麵我地加左$4轉左黑松露汁花膠撈，燉湯有4款選擇，老婆揀左魚翅燉雞呢款骨膠原湯，小食我就揀左香煎鹿兒島牛柳粒。魚翅燉雞(骨膠原湯)燉湯非常足料，魚翅大大排，雞湯味濃郁，加上鮮肉雞腳等配料，味道非常好，而且一盅燉湯足足分到2碗，兩個人share份量剛好。香煎鹿兒島牛柳粒牛柳粒肉質軟腍，肉味夠濃，沾上芥末蜜

今日朝早攞左半日假body check，check完只係11點幾，趁呢個空檔時間，我做一做孝順仔約左媽媽到筲箕灣東大街呢間"撈喜"，嘆返餐佢之前睇雜誌介紹已經想食好耐嘅花膠麵。平時中午到東大街食飯可以話人頭擁擁，不過今日我地12點左右已經到"撈喜"，未到Lunch繁忙時間，所以客人仲未多，不過12點半之後就開始多人。餐廳裝修簡約，以木、白色為主，座位唔多，感覺幾舒適。呢度Lunch時間有Set Lunch提供，價錢由$40至$68，不過今日同媽媽一場黎到，當然要食豐富d啦，我地點左一客撈起豪華套餐，另外再點左一碟黑松露汁花膠撈麵同一客泰式豬頸肉。撈起豪華套餐($148)撈起豪華套餐包括招牌花膠撈麵、一盎燉湯、一客小食同埋一碟時蔬。燉湯同小食都可以係主餐牌度揀，燉湯除主餐牌外，只需補超過$58的差價可以揀每周推介嘅燉湯，媽媽揀左佢好鍾意飲而自己燉要花好多功夫嘅胡椒豬肚燉花膠。胡椒豬肚燉花膠(跟餐加$10)呢個補左$10嘅胡椒豬肚燉花膠非常足料，花膠份量多之餘，胡椒味都好重，而且加入好多鮮豬肉同雞去燉，滋潤之餘味道都非常好。香煎鹿兒島牛柳粒(跟餐)店員之前已經告知跟餐點的香煎鹿兒島牛柳粒份

因為工作關係去到筲與灣, 對於平時活動範圍主要在荃葵青區 (除了上班之外)的我來說, 簡直就是大鄉里出城!工作完結後已到吃晚飯時間!親愛的同事提議去東大街, 說那裡比較多食肆, 即管去看看有什麼好吃的!然後就發現了這一家~門外貼了餐牌, 看到有女士養顏恩物--花膠! 重點是價錢一點也不貴! (立即bling bling眼!)就去吃吧!店內位置不多, 都已經滿坐了, 我們是最後的幸運兒不用等位!坐下就看到餐紙上的必食推介! 還有羅列了很多吃花膠的好處!二話不說點花膠吧!!每款食物都很滋補養顏, 我們也睇中了不少食物呢~.招牌花膠燉雞湯 ($58)燉湯端上來是熱辣辣出晒煙! 飲到底還是熱的, 冬天飲一定勁正!盅內一撈起勁多料! 有花膠、雞腳、雞肉、杞子、紅棗等等!! 而且湯也不少, 可以分到2碗與同事share飲~每一滴湯乃日月精華所在~ 十分鮮甜! 連湯渣的肉都好腍好味!這個價錢飲到靚湯真的很抵啊! 抵過去鴻X堂買, 仲要新鮮!.冰鎮鮑魚 ($28)我們2人只叫了一隻Share食, 也不會覺得鮑魚很小隻~店員更幫我們切了一半~ 好貼心!看顏色都知鮑魚滷得好入味! 一點也不韌, 口感爽