更多
2016-06-16
383 瀏覽
紅蔥頭都曾經幫襯過,不過,就喺始創中心店,同朋友嚟食晏晝,但已經都幾年前嘅事。嗰次嘅印象普普通通咁啦,勝在夠抵。今次再訪,純粹就一就親友方便,揀番嚟西九龍中心店,其實,我都方便,食完搭幾個站地鐵就返到美孚 。餐廳嘅環境其實唔錯,裝修都見花咗唔少心思,一室木系枱櫈,又有啲仿磚牆,當中有唔少熊仔嘅擺設,掛畫,明顯就喺賣溫馨,有一份家嘅感覺。再者,枱櫈安排得夠寬敞,讓人感覺舒適 。餐墊紙有一句咁嘅話:「飲食源自需要,品味源自要求」,又睇睇菜式嘅質素如何?餐廳本身對自家嘅出品喺咪咁有要求?最經濟都應該喺點套餐,而套餐有幾種類別,其中一款叫「品味晚餐」,足足有19款($68-$135),豐儉由人,並奉送冷熱飲品一杯,而鮮橙汁 / 汽水+$3,特飲+$16。此外,另可以優惠價加配其他美食,如西湯、沙律、小食、雪糕,最筍就喺升級要西湯加牛油法包,只需+$9 ,所以,我哋都喺叫上述晚餐,再升級加湯。另一類套餐喺「70年代懷舊鐵板晚餐」,包餐湯、牛油法包、咖啡或茶,喺好傳統舊式西餐廳套餐組合,共有8款定價$88-$128,賣點喺懷舊鐵板,見隔離枱有點,咋咋聲香煙四竄,幾有舊時西餐廳嘅感覺。仲有一類
其實個餐湯算做得不俗,雖然菌味唔濃,但點都叫帶有菌香,質感稱唔上好細滑,但稀杰度啱啱好,至少唔會打到有粉粒。不過,件法包唔脆就一定要扣分。
雖然二人套餐秤落最划算,但其主菜嘅選擇無啱心水,再者,想一試師傅嘅手藝,小弟覺得品味晚餐中嘅蛋包飯及意大利飯就最能體驗到。
唔知個意大利飯又做成點呢?意大利飯都幾「蝦」人做,生熟口感唔容易拿捏。
親友都喺貪新鮮、喜歡試新嘢之人,所以,本來揀普通茶啡嘅佢,見有啲特飲可以以優惠價轉飲,就揀杯「清涼仲夏」,其實佢覺得杯特飲定價本身有啲貴,因為只喺單單橙汁溝咗啲薄荷,不過,優惠價換就不妨一試。
本身意屬餐飲慣性要鮮奶咖啡,但小弟都唔執輸,見有一款「法式焦糖布甸咖啡」,以前都飲過類似飲品,所以,就都改一改補錢要一杯試試。
張貼