羅勒印度餐廳 (七姊妹道)

營業中

休息中

今次黎到位於北角，米芝蓮推介既印度餐廳新分店!!!!羅勒印度餐廳係香港已經十多年,一直係香港人食印度菜既首選,餐廳內既員工都係地地道道既印度人，今次叫左啲平時多人叫既單點野食，佢地都有套餐揀既。牛油雞（＄104）紅咖哩汁本身非常濃稠，入面有蕃茄、紅蘿蔔等作烹調，味道偏甜少少。咁雞肉就都有10舊左右，本身都相當嫩滑又無骨，而家唔辣又易入口。加上面頭有溶左既牛油，自己撈一撈個汁又更香更滑。椰奶咖哩羊肉（＄128）咖哩汁本身都係非常濃稠，加上用椰奶同香料去烹煮出黎，令咖哩汁香氣更特出。咁羊肉都係有10舊左右，可能咖哩較為濃味少少，所以食落羊騷味又唔算好勁，羊肉都夠淋。佢本來都有少少微辣既，想辣啲既朋友仔落單時都可以叫師傅加辣架。黑松露烤餅（＄32）一共有4片烤餅，每片上面都有適量既黑松露醬。就咁食既話有少少少「煤氣味」既幽香，烤餅外層夠脆，內層又夠煙韌，口感都唔錯。之後我就分別沾左牛油雞既紅咖哩，同咖哩羊肉既咖哩汁，味道又唔同，真係各有特色啊！牛肉串燒（＄128）牛肉串燒係鐵板上既，到面前都仲係熱辣辣出曬煙，咁個牛肉係配搭上兩種唔同嘅醬汁淋上面食，其中包括薄荷醬同酸酸地既梅醬。mango L

平時諗晚餐要食咩都好少會諗起印度菜👨🏾‍🍳見佢評語都唔錯就決定嚟個新嘗試！入面係普通西餐廳裝修 氣氛唔錯👅👅奈何空間唔多 座位間有啲逼夾但尚可接受椰醬咖喱魚（港幣$98）咖喱帶些少酸味同微微又香口嘅辣😋夾埋撈飯食係一流啊魚柳係炸身嘅 可以做到外脆內滑 ！👍🏻黑松露烤餅（港幣$28）餅底烤得啱啱好 軟熟得嚟又有口感雖然餅面上有好多松露醬😯✨但松露味就唔太突出啦所以我諗嗌番原味已經夠晒滿足🧐

小女子都想試下呢間米芝蓮印度菜好耐喔我地嗌左個2人套餐，烤雞串烤牛肉都表現合格，咖哩角好好味喔，餡料超多超香馬沙拉蠔咬落鮮甜多汁，咖哩牛肉瑪拉雞肉同埋咖哩雜菜份量份量偏小，咖哩汁好味，唔會太傖，配埋烤餅，就係天造地設嘅一對嗌左個Dhai Puri做甜品，乳酪味道酸酸地，中和返主菜嘅濃烈味道價錢合理，而且侍應都有禮貌

雖然「羅勒」貴為米芝蓮推介餐廳，但因為個人本身唔喺好信啲乜乜指南、乜乜雜誌推介，所以，今晚同親友嚟到食飯，都喺聽啲相熟嘅食友介紹，價位唔高，又夠正宗 。餐廳位處北角地鐵出口則，非常方便。甫進入餐廳，印度風情唔算好強，但換嚟卻喺有股氣派、華麗嘅裝修，全場都喺布梳化椅，讓人坐得舒服。而最有印度嘅象徵，當然喺一眾印度藉嘅員工啦！佢哋無免費清水供應，所以，要飲就要開枱上支維他蒸餾水，盛惠$10。翻開餐牌，第一樣嘢見到就喺店家獲米芝蓮連續兩屆嘅推介餐廳封號，有無機會更上一層樓，就要拭目以待。餐牌內嘅菜式，以類別劃分包括有小食、印度丈炭燒鐵板、雞類、羊類、牛類、海鮮類、咖喱素食、印式烤餅、飯類、印式甜品。而飲品則印晌另一頁餐牌上，有唔少餐酒選擇，啤酒、汽水、果汁、奶昔都有供應，當然印度飲品自不然唔少得。睇勻餐牌，二人套餐就最划算（$278 + 10%），連埋加一都喺三百多啲啲就有前菜、主菜、印度烤餅、印度飯，餐飲更包埋泰象啤或印度乳酪特飲 。前菜喺一碟過一拼送上嘅咖哩角及香燒雞。 咖哩角 三角錐體嘅咖喱角喺常見嘅印度小食，通常都喺包住薯仔、蔬菜、青豆之類，唔似我哋港式咁包吓肉。咖哩角炸得香

星期六下著毛毛細雨，約了鳳小姐及羅小姐一齊回味在菜特的味道！當時的老闆是印度人，偶爾帶我們去嘗印度菜，記憶中的味道是火辣辣既咖哩及甜得要命既奶球！希望可一洗那不堪的回憶！下午一時許，來到位於北角七姐妹道既羅勒印度餐廳，見食評不錯，滿心期待！餐廳店面大，店內坐著好幾枱外國人，本地人也不少，尚算滿座！坐低後立刻開始點菜：椰汁咖哩羊肉（$88），香燒雞半隻（$92），燒烤芝士和雜菜（$80），自選芝士烤餅，薯仔烤餅，黑松露烤餅各$26， 印度炒飯（$42），瑪沙拉毛瓜（$68），飲品叫了芒果奶昔（$34）！椰汁咖哩羊肉，加上椰奶既咖哩不算很辣，羊肉的羶味被咖哩蓋過，但羊味依然保留，送飯或烤餅一流。香燒雞是鐵板上的，熱辣辣且散發濃香，雞件入口惹味鮮嫩，多種香料混合更顯印度風味，而且咸辣適中，令人停不了口。烤芝士及雜菜，芝士是一磚磚的，口感似硬豆腐，雖然芝士味淡，但食一半就覺膩！烤雜菜味道較淡且乾身，不是我的菜！自選芝士，薯仔及黑松露烤餅更令人感意外，餅底烤得非常鬆脆，單吃不點任何醬汁也覺美味！松露烤餅在當中更為優勝，松露既香味點綴了烤餅，味道更上一層樓！印度炒飯，幼長且條條分明既炒飯也令我回味

跟初相識不久的友人飯聚。難得遇上同道中人，相知相交，是一種緣份。飯局就這樣定下來了，而且還是我少有接觸的印度菜呢。  友人選的，是曾獲米芝蓮的印度餐廳。對印度菜認識不多，每次點菜都十分保守，選的不外是Tadoori、烤餅、咖哩一類的菜式。這家既是友人大力推介的，也就放心由他發辦了。  這印度餐廳的裝潢一點都不失禮，華麗印度風，透過水間燈飾和歐風掛畫展現。吃印度菜不像吃法國菜般拘束，食客吃得輕鬆，大家笑笑鬧鬧，環境不免嘈吵。反正就是跟友人飯聚，熱鬧一點感覺更好。若是情侶約會，這兒似乎就不太合適了。 兩款小食先上桌，印度小食中有不少香口炸物，這雜菜薯仔餅($35)，一客三件，以薯泥混和芫荽、洋蔥、印度香料而成，外層炸得金黃，薄薄的脆感剛好，薯泥香口軟糯，不用蘸醬已經十分好吃。 另一道香炸薑魚($78)也是水準之作，白身魚柳條以大滾油炸香，輕薄的炸粉蓬得鼓鼓的，輕脆不油膩。 魚柳鮮香嫩滑，薑汁則渾然不覺，反正那淡綠的薄荷醬才是重點，能為這上火之物添一份清爽。吃着餐前小食，加上餐廳熱鬧氣氛帶動，聊得更投契了。 這時，友人推介的瑪沙拉焗蠔 ($108)上桌了，對於愛吃熟蠔的我來說，這印度風的焗蠔

最近阿媽開始湊孫，日日都奔波勞碌，只有夜晚阿哥阿嫂在家時才可以有自己時間~於是我就帶佢黎食佢最鍾意食的印度菜~~打算食下咖哩同烤餅~~ 第一次黎，跟平時去開的印度餐廳最不同的是裝修光猛新淨，初初覺得似係一間西餐廳多過印度餐廳!!座位舒服~可以悠閒地歎印度菜~~除了咖哩同烤餅，原來有好多好吸引的小食!! 仲有鐵板系列~~睇相都流哂口水 首先叫左個Samosa($35)，即是印度的咖哩角，外皮烤得非常脆但沒有油膩感。印度菜最大特色係香料豐富 呢個咖哩角亦唔例外 滿滿的塞進了肉、薯仔等餡料，還有超濃的香料，喜歡香料的人會很滿足 咖哩角配的綠色薄荷醬，隱約有魚柳包的沙律醬味道，中和咖哩角小小的辣味以外亦有種清新的感覺~見到好多人叫呢個鐵板燒羊扒tandoori lamb chop($168)， 熱辣辣，初上菜煙好勁~~肉質嫰滑亦保留了羊肉的騷味~ 天羅多香的香料味重，味道濃郁，配埋綠色的薄荷醬更好味 但耐左就無咁好食，肉熟透~咖喱雞(椰奶) ($88?)+ 黑松露烤餅($28)食印度菜，點都想試下D咖哩同烤餅~因為叫左燒羊扒，咖哩就叫左雞肉~~不太好辣的我揀左椰奶重的ve

難得同家人可以一齊食飯，當然要揀間特別又好食既餐廳～米之蓮之選不在話下，因先前一嚐印度餐廳之後就中意左食，所以決定再次去食印度餐廳！羅勒印度餐廳位置好方便，只要係北角站一出轉角後就到～餐廳環境寬大，而且環境燈光柔和舒服，感覺似西餐廳多過係印度餐廳，不過店員都係印度人餐牌都有中英對照同食物圖片作參考，實在有夠心思，方便唔同種族既食客點菜食印度野當然要食印度烤餅同咖哩做配搭，飽肚得黎又夠抵食！乾果椰子烤餅，烤餅做得鬆軟又唔乾，好有椰香味帶微甜，食落有口感，配上咖哩椰香味更加突出～黑松露烤餅，烤餅軟硬適中，外脆內軟，食落帶點微微既黑松露香，但唔算重，配上咖哩既話黑松露會被遮蓋咖哩雞，食得出有好多香料作調味，咖啡帶濃濃既椰子香，而且辣中帶甜，咩人都岩食，雞肉亦都煮得又嫩又滑，配上烤餅一齊食係別有一番風味呢～雜錦炒飯，揀左蝦做主菜，配料方便都做得好足，香料味較重，而且帶辛辣味，怕辣既話可加上咖哩中和，飯粒偏長但唔硬，而且用料都好多，蝦既數量都好足夠，而且海蝦新鮮又大隻，食落香口又夠飽足～芒果拉昔，有芒果既酸甜味，口感帶稠，乳酪既酸味都配搭得岩岩好，開胃又解渴玫瑰牛奶，奶味重得黎會飲到有少少荔枝甜

裝潢感覺很有氣氛，還有一盞很美的水晶燈呢 (´ω｀★)來到時已經有些外國人，之後開始慢慢有更多的香港人來到用餐其實平日都說還算滿多人吧 (?)坐下不久，侍應很快就將餐湯送上來了呢因為在團購餐Menu上是寫「是日餐湯」，所以要來到吃才知道是什麼湯來原來今天的餐湯是 - 番茄湯 (｡･ω･｡)(｡￫∀￩｡) 甜甜的味道很有趣口感有點像忌廉湯那樣，但又不會太濃調也不是水汪汪飲完湯就開始上小食，這套餐會有3款 （*´▽｀*）咖哩角 & 皇室雞串咖喱角的皮比較厚身一點點，但內餡豐富~而且咖哩味道滿滿可能是烤的關係? 雞肉較乾身點，不過調味足夠也頗惹味的～喜歡的可以加中間的那個醬另外還有 - 辣椒香蒜烤生蠔 & 青口咖哩(每人有2隻) 蠔這個雖然香料很多...但還能吃出蠔的鮮味！！！ (❛ڡ❛ )青口則只吃到滿滿的咖哩味... 而且頗辣... 所以建議先吃蠔喔終於來到主菜了~ 三款的咖哩 (●´∀｀●) 除了食材的不一樣，咖喱的味道三款也各異烤雞咖哩、印度牛肉咖喱、咖哩薯仔椰菜花個人來說覺得烤雞和牛肉那款是最辣的 QAQ最後那款最易入口...單吃也沒問題，所以我吃得最多呢 (笑)吃咖哩可以配白飯、

這夜又來到了北角晚餐，為的就是一份經已一拖再拖、早在二月中時已買落的團購餐。踏誰這家吃印度菜的羅勒餐廳，沒有很印度風的裝潢，沒有印度音樂，給人的感覺就是一家有印度菜吃的西餐廳沒差。由於是團購餐，所以不用煩惱吃甚麼，要做的只需要乖乖等吃便是了。是日餐湯十道菜的團購餐，打頭陣的有番茄湯。看上去雖然沒有丁點像羅宋湯航的番茄或蔬菜，但喝起來除了有香濃番茄味外，竟然能感受到絲絲牛肉的香氣。或許只是味道相似，但的確的不錯吃的餐湯。咖哩角及皇室雞串擺碟算具水準的前菜小食，不說是團購餐還以為是主餐牌的貨色呢。經香料醃製後烤熟的皇室雞串，味道辣中帶甜，雖然雞串有點過韌，但蘸了點薄荷醬後感覺也算清新。至於包裹了土豆蓉的咖喱角，微微的辣味挺香口，令人回味！辣椒香蒜烤生蠔平時吃烤生蠔，十之八九都是蒜蓉或芝士，而這客烤生蠔加了辣椒後風味無比，辛辣味及蒜香的平衡恰到好處，即使感覺不像是印度菜，但其味道也是值得推介的！青口咖喱鋪滿咖喱汁的青口，辛辣之中仍然吃得到青口的鮮味，惟咖喱汁的比例略鎌偏多，辣度未必人人接受。這個套餐雖有三道主菜，分別是咖喱薯仔椰菜花、烤雞咖喱及印度牛肉咖喱。三種主菜，三種咖喱，出來的卻變成了

平時外出吃飯來來去去都是常去的那幾間不用費神嘛, 是說我們真的太懶了!!所以今次跟老公兩人到了北角覓食~~選了 "Tulsi" 這間印度餐廳, 是米芝蓮推介餐廳來的喔!!因為怕人多要等位, 所以早一天做了booking~晚上8點去到, 已經full house了呢, 我們也要等一會才有檯.正好在門外看看牆上的美食圖, 選一下應該點什麼好XD店內環境好像舊式法國風情白+紅的設計, 仲有大水晶吊燈!如果唔係有大大小小的金色鏡框同印度風的小吊燈, 真係以為自己去左食法國餐, haha!!餐牌上的食品不算很多, 印度菜最出名的咖哩、烤餅、羊肉等等都有!!可惜小女不食羊肉, 老公未能品嚐呢, 他說下次要找其他朋友再來XD價錢都不算貴, 由數十元到百多元就可以有不同前菜、湯類、主菜等~第一樣上的是瑪沙拉焗蠔~~好好吃喔!! 蠔不是全熟的, 仍是半生熟, 但很甜美加上特製的瑪沙拉醬, 又幾match呀!!一口氣ko晒~小女點了芒果Lassi - 像是芒果味道的益力多XDDApple cider 就是老公的!咖哩雞, 椰奶味好香口, 雞肉亦好滑, 但份量偏少喔!瑪沙拉牛肉, 食完焗蠔覺得個瑪沙拉醬好食

以前想食印度菜，只係識得去重慶大廈，不過去了幾次，卻覺得無晒新鮮感。不過，只要上下網 search 下，就不難發掘到其他好去處。今次我和朋友來到北角的羅勒印度餐廳，試試呢度的泰國菜了。這裡的侍應，只有一個是香港人，其餘的都是印度人，所以落單不是手指指，就要講英文了。這裡的 menu 相當多，初時有點不知如何選擇。熱情的侍應，首先問我需不需要叫飲品。因為我不喝奶，所以他介紹沙冰給我。於是我叫了這杯芒果沙冰，係侍應極力推介俾我架，沙冰上面插住一塊麥片，咬感都幾脆卜卜。沙冰的質感很綿很幼細很滑，入口即溶。而且仲有小甜，普通甜俾我揀，我揀左小甜，少許芒果甜都幾好味架！然後來一碟香噴噴，又熱騰騰的羊肉通心燒卷，少許香辣味直摸我的嗅覺。燒卷的口感好像免治肉一樣，軟淋得來又有彈性，難得的是羊肉混入了香料後，是完全吃不出任何酥味，而是感到有少許香辣的刺激。不過，餐廳也細心地配上微酸微甜的秘製薄荷醬，只要點了薄荷醬，便可中和羊肉卷的辣味，令不嗜辣的朋友更容易入口。黑松露烤餅，烤餅質感都幾煙靭，很有嚼勁，亦沒有太油，黑松露香醇的味道，跟烤餅的清香很夾，很好吃。呢碗茄汁咖喱雜菜，我真沒有揀錯。有濃濃的咖喱香