Season Oyster & Wine Bar (已結業)

喜歡食海鮮嘅朋友仔 呢間餐廳一定係你嘅好選擇呀🤤🤤海鮮拼盤 $198海鮮拼盤有龍蝦 蝦 青口 蜆 同螺龍蝦都算幾大隻 仲啖啖肉添🤤 蜆有一斤甘多呀！ 有咸咸地嘅海水味 又無沙 不錯喔日本熊本霜降西冷 $198霜降西冷 聽到個名都覺得吸引啦大概三成熟 裏面仲見到好鮮嫩嘅粉紅色肉牛味也不錯 就是不太喜歡醬汁嘅味道 唔掂醬汁仲好味😛精選生蠔 $9精選生蠔好平架 九蚊一隻喳唔算大隻 但蠔味十足 係平食嘅好選擇喔黑松露牛肝菌薄餅 $128pizza中規中矩吧 聞到好香嘅黑松露味 餅略硬左啲如果喜歡食生蠔海鮮嘅你 切勿錯過呢到啦仲有好多紅白酒可以揀 nice👍🏻

早兩星期係公司OT 攰到一個點，所以今晚約左個朋友食餐番好，輕鬆一下。我地去左season oyster and wine bar，係銅鑼灣同天后中間。佢地既主打其實係生蠔，但是我朋友唔食得生既食物，所以叫左其他食物。不過，絕對沒有令我地失望。我地叫左巴馬火腿沙律 (HKD 88)，芝士牛油焗元貝 (HKD 128)，海膽多士 (HKD 88)同埋黑松露牛肝菌薄餅(HKD 128)。巴馬火腿好好味，而且仲有好多沙律菜，加埋啲黑醋，係一個好好既開胃菜。個元貝好大隻，有好香既芝士味，熱辣辣，真係好正。個海膽多士，創意十足，味道唔錯，絕對沒有任何既腥味。個主食就係個薄餅，勁香芝士同黑松露香味，有好多牛肝菌，用料十足，分量又大。

今日同老公去工展會血拼完🛍🛍🛍超級肚餓，行過去維園對面見到有間叫做 Season Oyster 嘅餐廳，見到有生蠔食🤤即刻心心眼😻入去試吓先😏我哋叫咗個烤焗海鮮拼盤😋拼盤有即焗蒜蓉有頭大蝦兩隻🦐🦐巴馬臣芝士焗扇貝兩隻😻蒜蓉翡翠螺六隻🐚🐚🐚🐚🐚🐚比目魚扒一塊🐟芝士黑松露焗大蘑菇一隻🍄即焗蒜蓉有頭大蝦🦐🦐好大隻同埋好新鮮😻啲肉好彈牙👍🏻好好食👍🏻勁鐘意佢勁多生蒜😆蒜蓉翡翠螺都好新鮮🐚好彈牙🐚好大隻🐚巴馬臣芝士焗扇貝勁香濃芝士味，仲要焗到濃濃地勁正😋比目魚扒勁滑勁多汁，餐廳放咗啲香草葉係面再焗，所以勁香。芝士黑松露焗大蘑菇🍄超級大隻，面頭放咗好香嘅黑松露醬和芝士，連埋蘑菇一齊食，好有口感，好有層次，仲要勁Juice😋😋因為老公唔鍾意食生蠔，所以我叫咗兩隻生蠔自己食🤤一隻係🇺🇸 USA Pacific Jumbo 好 Creamy，好鮮甜，好新鮮。另一隻係Gillardeau N.0 海水味比較重和咸少少，好重蠔味同好新鮮，兩隻我比較喜歡🇺🇸 USA Pacific Jumbo😋👍🏻餐廳嘅生蠔係每日係產地直送到港，仲即叫即開😻所以一定好新鮮😋好好食😋黑松露牛肝菌薄餅🍕我都係第一次食呢個黑松露牛

嚟到呢間以蠔著稱嘅餐廳，當然咩熟食都放埋一邊先，享受哂生蠔再算！我同另一半都唔係一食就十幾廿隻蠔嘅小朋友，所以都係order咗一人3隻唔同款，不過因為size食食都唔細，已經好夠喉！我哋叫咗納米比亞、美國黃寶石山蠔、太平洋珍寶石蠔，侍應都好幫手，教我哋一定要順住落咁食，味濃嘅要最後食，而最先就要食納米比亞先！海水味好輕，所以鮮甜味道好出，有清新感覺，好味！之後食黃寶石山蠔，咸味明顯比納米比亞重，個人喜好鮮甜啲，所以唔算好喜歡，不過肉厚都有滿足感。至於重頭戲太平洋珍寶石蠔，單係size已經不得了！足足手板咁長，不過同外形相比，佢嘅味道唔算係好濃，重點係好爽口好好咬，大隻滿足感係唔同啲！食完蠔當然就係熟食時間，我個人對大啡菇愛不惜手，今次都有叫個芝士黑松露焗大磨菇一嘗，好濃菇味，推薦！而黑松露牛肝菌薄餅都好好味，唔會太多醬汁，所以即使黑松露味道霸道，都掩蓋唔哂薄餅嘅味道，拿掐得幾平衡！至於主菜慢煮牛柳比想像中好，好多肉汁，同埋用士多啤梨汁配襯係幾得意嘅。不過當然啦，最好味都係蠔！